2 कुरन्थीयो 13:5 - जीवन को च्यानणो (सेकावाटी नया नियम की पोथ्या)

⁵ खुदनै बिचासो अर देखो क, थे बिस्वास म खरा हो क कोनी। ज थे हो जणा थानै बेरो पड़सी क मसी थारै म जीवै ह। ज ईसु मसी थारै म कोनी जीवै जणा इको मतबल ह क थे नाकाम होगा।

2 कुरन्थीयो 13:5 Referans Kwoze

1 कुरन्थीयो 11:28

इ ताँई थानै चाए क थे इ रोटीनै खाबाऊँ अर इ कचोळा मऊँ पीबाऊँ पेल्या खुदनै जाचो।

1 कुरन्थीयो 9:27

पण म तो मेरी कायानै बस म कर मेरै खया म चलाऊँ हूँ, क्युं क कदै अंय्यां नइ हो क म दुसरानै तो परचार करूं पण खुद निकम्मो खुवाऊँ।

दरसाव 2:5

इ ताँई चेता म आ अर आ सोच क तू कठैऊँ गिर्यो, तू तौबा कर अर पेल्या की जंय्यां काम कर, अर ज तू अंय्यां कोनी करसी जणा म तेरै कनै आर तेरा दिपदानानै बि झघाऊँ हटा देस्युँ।

गलातियो 6:4

पण हरेक मिनखनै खुदका कामा क बारां मई जाच पड़ताळ करनी चाए। क्युं क अंय्यां करबाऊँ बिनै खुदनै गुमान करबा को मोको मिलसी। पण बिनै दुसराऊँ खुदकी बराबरी नइ करबो चाए।

इबरानीआ 12:15

थे ध्यानऊँ रेहज्यो कदै अंय्यां नइ होज्या क थारै मऊँ कोई परमेसर की दयाऊँ चूक ज्यावै। अर ध्यान राखज्यो क थारै मऊँ कोई खारी जड़ नइ निकळै जखी कयानै असुद अर दुख देबा की बजे बाजै।

1 कुरन्थीयो 11:31

अर ज आपा खुदनै परखां जणा आपणा प परमेसर की स्यामत कोनी पड़ै।

तितूस 1:16

बे खेवै ह, क म्हें परमेसरनै जाणा हां, पण बाका करम इ जोगा कोनी। बे सूगला अर बात नइ मानबाळा अर चोखा काम करबा क जोगा कोनी।

गलातियो 2:20

अर इब म खुद जिंदो कोनी हूँ, पण मसी मेरै म जीवै ह। अर ज म काया म जिंदो हूँ तो बस बि बिस्वासऊँ जिंदो हूँ जखो परमेसर का बेटा प ह, जखो मेरूँ परेम कर्यो अर मेरै ताँई खुदनै दे दिओ।

यहून्ना 14:23

ईसु बिऊँ बोल्यो, “जखा मेरूँ परेम करी हीं, बे मेरा खयानै मानसी। परम-पिता बाऊँ परेम करसी अर म्हें आर बाकै सागै रेहस्यां।

रोमीयो 8:10

ज थारै म मसी बास करै ह जणा थारी काया पाप की बजेऊँ मरेड़ी होबा क बावजुद बी थारी आत्मा धारमिक्‍ता की बजेऊँ जीवै ह।

इबरानीआ 4:1

जदकी बिकी अराम हाळी झघा म जाबा को बादो हाल बी ह, जणा आपानै चेता म रेह्बो चाए क्युं क कदै अंय्यां नइ होवै क थारै मऊँ कोईसो बी बठै जाबाऊँ चूक ज्यावै।

1 कुरन्थीयो 9:24

के थे ओ कोनी जाणो दोड़ म तो सगळाई दोड़ीं हीं, पण इनाम तो एकनैई मिलै ह? अर थे बि अंय्यां दोड़ो की जीत सको।

1 कुरन्थीयो 3:16

थे जाणो कोनी के थे परमेसर का मनदर हो अर परमेसर की पबितर आत्मा थारै म रेह्‍वै ह?

यहून्ना 15:4

थे मेर म बण्या रेह्ओ, जणा म बी थारै म बण्यो रेहस्युं। एक डाळी खुदऊँ कोनी फळ सकै, फळबा ताँई बिनै बोजा म लाग्यो रेह्णो पड़ै ह। अंय्यांई थे मेरै बिना कोनी फळ सको।

तितूस 2:2

बूडा-ठेरानै हिदायत दे क बे सिदा-सादा, थ्यावस राखबाळा, खुदनै बस म राखबाळा लोगा म बुजहाळा, प्यार-परेम अर बिस्वास म मजबूत अर बरदास करबाळा हो।

इफिसुस 3:17

अर थारा बिस्वास क जरिए मसी थारा हिया म बास करतो रेह्‍वै, थे थारै मांय प्यार-परेम की जड़ पकड़र बिपै निम धरल्यो।

यहून्ना 17:26

म, बानै थारा नाम की सक्‍ति को ज्ञान करायो अर करवातो रेहस्युं, जिऊँ जखो परेम थे मेर प दरसाया हो बो बामै बी हो अर म बामै बण्यो रेह्ऊँ।”

यहून्ना 17:23

म बामै हूँ अर थे मेर म, जिऊँ बे पूरीतर्या एक होर आपणै म रळज्यावै। अर इ जगत का मिनख जाणै, क मनै भेजबाळा थे हो। थे बानै बी बंय्यांई परेम करो जंय्यां थे मेरूँ परेम करो हो।

याकूब 4:4

ओ कुकरमी मिनखो, के थे ओ कोनी जाणो क, इ दुनियादारीऊँ भाईलाचारी करबो परमेसरऊँ बेर राखबो ह ? इ ताँई जखो बी दुनियादारीऊँ भाईलाचारी करै ह बो खुदनै परमेसर को बेरी बणावै ह।

कलुसीयो 2:7

अर जंय्यां थानै सीखायो गयो ह बंय्यांई थारी जड़ानै बिमै फिलार बढता जाओ। बिपै थारा जीवना की निम गेरो। अर बिस्वास म पक्का होर बिको धनेवाद करता रेह्ओ।

कलुसीयो 1:27

परमेसर आपका टाळेड़ा मिनखा प बि भेदभर्या सतनै परगट कर्यो जिकी बो मनस्या बणा राखी ही ओ सत बोळो मेमाभर्यो ह, अर ओ सगळा ताँई ह। ओ भेद भर्यो सत ओ ह क, मसी गैर-यहूदि मिनखा म बी रेह्‍वै ह जखो मेमा की आस ह।

कलुसीयो 1:23

ओ जणाई हो सकै ह जद थे बिस्वास म एक झघा अर अटल बण्या रह्यो अर जि चोखा समचारनै थे सुण्या हो बिऊँ मिलेड़ी बि आसनै मना तजो। ओ बोई चोखो समचार ह जिको म पोलुस गुलाम बण्यो हूँ अर इकी इ जगत का सगळा मिनखानै सीख दिनी गई ह।

गलातियो 4:19

ओ मेरा टाबरो, जद ताँई थार म मसी को सुभाव नइ आज्यावै, जद ताँई म जच्चा की सी पिड़ा भोगर्यो हूँ।

2 कुरन्थीयो 6:16

परमेसर का मनदर को मूरत्याऊँ काँई नातो? क्युं क आपा खुदई जीवता परमेसर का मनदर हां, जंय्यां बो खुदई खयो हो, “म बामै रेह्ऊँ हूँ, बामै चालू फिरूँ हूँ। म बाको परमेसर हूँ, बे मेरा मिनख हीं।

1 कुरन्थीयो 6:19

अर थे ओ कोनी जणो के थारी काया पबितर आत्मा को मनदर ह आ आत्मा थारै मांयनै रेह्‍वै ह जिनै परमेसर थानै दिओ ह। थे खुदका कोनी हो, पण परमेसर का हो।

1 कुरन्थीयो 6:2

के थे ओ कोनी जाणो क परमेसर का मिनख जगत का मिनखा को न्याय करसी? परमेसर का मिनख जद सगळा जगत का मिनखा को न्याय करसी जणा आ छोटी-छोटी बाता को सुळजेटो कोनी कर सको के?

यहून्ना 6:56

जखो मिनख मेरो मास खावै अर मेरो लोय पिवै बो मेरै म अर म बिमै बण्यो रेह्ऊँ हूँ।

यहून्ना 6:6

आ बात ईसु बस फलिपूसनै बिचासबा ताँई बुज्यो हो। क्युं क असल म ईसु जाणतो हो क काँई करनो ह।

1 पतरस 5:9

बिस्वास म मजबूत होर सेतान को सामनो करो , क्युं क थे ओ जाणो हो की थारा भाईड़ा जखा इ दुनिया म च्यारूमेर फेलर्या हीं बे थारोसो दुख भोगर्या हीं।

1 कुरन्थीयो 6:15

के थे जाणो हो थारी काया परबु ईसुऊँ जुड़ेड़ी ह? जणा पाछै म आ अंगानै जखा मसी का हीं, आनै रांड का अंग कोनी बणबा द्‍युँ।

रोमीयो 1:28

अर अठै ताँई बे परमेसरनै जाणबा को मोल कोनी जाण्या जणाई परमेसर बी बानै बाकी फालतु सोच प छोड दिओ, अर बे जखी नइ करनी चाए बे बाता करीं हीं।

तितूस 1:13

आकै बारां म इ आदमी की गुवाई सची ह, इ ताँई तू बानै दकालर समजा जिऊँ बे बिस्वास म मजबूत होवीं।

2 तिमूतियूस 3:8

अ सीखाबाळा यन्नेस अर यमबरनेस की जंय्यां ह, जखा मूसा को बिरोद कर्यो हो। बंय्यांई अ बी सच को बिरोद करी हीं। अ अंय्यां का सीखाबाळा हीं जाकी मती मरगी ह अर बे बिस्वास म कोनी बण्या रेह सकीं।

1 तिमूतियूस 2:15

इकै बावजुद बी लूगाया टाबर जामर बचसी, अर बानै चाए क, बे थ्यावस क सागै बिस्वास, परेम अर पबितरता म मजबूत रेह्‍वै।

कलुसीयो 2:19

अर अंय्यांलको मिनख मसी म कोनी बण्यो रेह। मसी बिस्वासी मंडळी को सीर ह। मसी का बसऊँई सगळी काया रूपी बिस्वासी मंडळी पळै अर जोड़ अर नसाऊँ मिलर जंय्यां परमेसर चावै ह बंय्यांई बढती जावै।