2 कुरन्थीयो 13:11 - जीवन को च्यानणो (सेकावाटी नया नियम की पोथ्या)

¹¹ ओ मेरा लाडला बिस्वास्यो, म आखीरक आ बोलां क सागै इ चिठीनै बंद करूं हूँ, राजी रेह्ओ, थारो भेवार बदलो, एक दुसरानै हिमत बंधाओ, स्यांती अर मेळमिलापऊँ रेह्ओ। जणा परमेसर जखो स्यांती अर परेम को दातार ह, बो थारै सागै रेह्सी।

2 कुरन्थीयो 13:11 Referans Kwoze

इबरानीआ 12:14

सगळा क सागै मेळमिलाप राखबा अर पबितर होबा ताँई हरेक जंय्यां कोसिस करो क्युं क बिना पबितरता क कदैई कोई परबुनै कोनी देख सकै।

1 कुरन्थीयो 1:10

जणा इब मेरा लाडला बिस्वास्यो, म आपणा परबु ईसु मसी क नाम म था सगळाऊँ अरदास करूं हूँ। जोक्यु थे बोलो बिपै सगळा एक मत होवो, जिऊँ थारै मांयनै फूट ना होवै। अर थारा बिचार अर इंछ्या एकई होवै।

रोमीयो 12:16

आपसर्या म एक चित रेह्ओ घमंड मना करो पण दीन हीन की सोबत करो। अर खुदनै अंय्यां मना जाणो क खाली मई बुदीमान हूँ।

रोमीयो 15:33

स्यांती को परमेसर थारै सगळा क सागै रेह्‍वै। अंय्यांई होज्यावै।

रोमीयो 12:18

जठै ताँई होवै सगळा मिनखा क सागै स्यांतीऊँ रेह्ओ।

मरकुस 9:50

लुण चोखो ह पण लुण मऊँ सुवाद चल्योजा जणा बिनै कंय्यां चरचरो कर सकां हां? थे थारै म लुण जंय्यां को सुवाद राखो अर आपसरी म स्यांतीऊँ रिह्यो।”

1 पतरस 3:11

बुराई करबो छोडर भलाई करै, अर इ कोसिस म लाग्यो रेह्‍वै क मेळमिलापऊँ कंय्यां रेह्ऊँ।

2 कुरन्थीयो 13:14

परबु ईसु मसी की दया अर परमेसर को परेम अर पबितर आत्मा को संगरो थारै सगळा क सागै होतो रेह्‍वै।

2 कुरन्थीयो 13:9

म्हें राजी हां जद म्हें कमजोर अर थे ताकतबर हो। अर आ अरदास बी करां हां क, थे मजबूतऊँ बी मजबूत बणो।

1 पतरस 5:10

परमेसर जखो दया को दाता ह। बोई थानै मसी म जुग-जुग ताँई आपकी की मेमा ताँई बुलायो ह। अर थारै थोड़ोसोक दुख भोगबा क पाछै बो खुदई थानै मजबूत, ताकतबर अर पक्को बणासी।

1 पतरस 3:8

मेरी आखरी हिदायत आ ह क, थे सगळा मेळमिलापऊँ रेह्ओ, भलाई करो, प्यार-परेमऊँ भाईचारो राखो, तरस खाओ अर खुदनै छोटा बणाओ।

याकूब 1:4

थ्यावसनै आपको काम पूरो करबा द्‍यो जिऊँ थे पूरा अर सिद होज्यास्यो, अर थार म कोई बात की घटी कोनी रेह्‍वै।

2 थिसलूनिकी 2:16

आपणो परबु ईसु मसी खुदई अर आपणो परम-पिता परमेसर जखो आपणाऊँ परेम करै ह अर जखो आपानै आपकी दयाऊँ जुग-जुग ताँई हिमत बंधवाई ह अर आस दिनी ह,

1 थिसलूनिकी 4:1

मेरा लाडला बिस्वास्यो, म्हें थारूँ ईसु मसी का नामऊँ आ अरदास करां अर थानै समजावां हां क जंय्यां थे म्हारूँ परमेसरनै राजी करबाळो जीवन जिबो सीख्यो, अर बंय्यांई जीओ बी हो। जणा म्हें चावां हां क, थे बिमै ओर बी बेत्ती बढता जाओ।

फलिपी 4:9

जोक्यु थे मेरी बाता अर कामाऊँ सीख्यो अर पायो ह बानै लागू कर्या करो जणा स्यांती देबाळो परमेसर थारै सागै रेह्सी।

फलिपी 1:27

जणा मोटी बात आ ह क थारा जीवन की उठ बेठ खाली मसी का चोखा समचार जोगी होणी चाए; जिऊँ म थारै बारां म आई सुणू क थे एकई मकसद ताँई खड़्या हो अर एकई मनस्या राख'र चोखा समचारऊँ मिलेड़ा बिस्वास ताँई कड़ी मेनत करतार्यो हो, चाए म थानै आर देखूँ चाए नइ देखूँ,

रोमीयो 16:20

स्यांती देबाळो परमेसर तावळोई सेताननै थारा पगा तळै चिथवा देसी। आपणा परबु ईसु मसी की दया थार प बणी रेह्‍वै।

रोमीयो 15:13

थारै बिस्वास गेल थानै आस देबाळो परमेसर थानै सुक-स्यांती अर खुसीऊँ भर देवै। जिऊँ पबितर आत्मा की सक्‍तिऊँ थारी आस बढती जावै।

दरसाव 22:21

परबु ईसु की दया परमेसर का मिनखा प होती रेह्‍वै। अंय्यांई होवै।

इबरानीआ 13:20

स्यांती देबाळो परमेसर थानै हर भली बात म भर्योपूरो करै। जिऊँ थे बिकी इंछ्या पूरी करो, अर ईसु मसी क जरिए आपणै मांयनै बी काम करै जंय्यां क बिनै चोखो लागै। परमेसर, आपणा परबु ईसुनै नइ मिटबाळा नया करार का लोय क जरिए मोतऊँ ओज्यु जीवायो जखो लल्ड्या को म्हान गुवाळ्यो ह। परमेसर की मेमा जुग-जुग ताँई होती रेह्‍वै। अंय्यांई होवै।

2 तिमूतियूस 2:22

जुवानी की बुरी इंछ्याऊँ भाज अर जखा पबितर मनऊँ परबु को नाम लेवीं हीं बाकै सागै खुदनै धरम, बिस्वास, परेम अर मेळमिलाप क सागै संगरो राख।

2 थिसलूनिकी 3:16

परबु जखो खुद स्यांती को दातार ह बो हर टेम थारै सागै रेह्‍वै अर थारा हर हाल म थानै स्यांती देवै।

1 थिसलूनिकी 5:23

स्यांती देबाळो परमेसर खुदई थानै सूल पबितर करै। थारी आत्मा, पिराण अर काया आपणा परबु ईसु मसी क ओज्यु आबा का दिन ताँई बेदाग रेह्‍वै।

1 थिसलूनिकी 5:16

सदाई राजी-खुसी रेह्ओ।

1 थिसलूनिकी 5:13

बाका कामा की बजेऊँ प्यार-परेम क सागै बानै बोळा आदरमान क जोगा जाण्या करो अर आपसरी म मेळमिलापऊँ रेह्ओ।

1 थिसलूनिकी 4:18

इ ताँई थे एक दुसरानै आ बाताऊँ हिमत देता रेह्ओ।

फलिपी 4:4

परबु को संगरो राख'र सदाई राजी-खुसीऊँ रेह्ओ, म ओज्यु थानै खेऊँ हूँ, राजी-खुसीऊँ रेह्ओ।

फलिपी 4:2

म यूओदिआ अर सन्तुखेऊँ अरदास करूं हूँ क दोन्यु जणी परबु म आपसरी म मेळमिलाप कर भाणा की जंय्यां रेह्‍वै।

फलिपी 3:16

जखो बी हो आओ ल्यो आपा एकसा नियमनै मानर आगैऊँ-आगै बढता जावां जिनै इब ताँई मानर आया हां।

इफिसुस 6:23

परम-पिता परमेसर अर परबु ईसु मसी, मसी भाई-भाणानै बिस्वास क सागै स्यांती अर प्यार-परेम देतो रेह्‍वै।

2 कुरन्थीयो 1:4

अर जद आपणा प कळेस आवै ह जणा बे आपानै हिमत बंधावै ह। जिऊँ आपा बी परमेसर की बि हिमत की बजेऊँ बा मिनखानै जखा कळेस म पड़्या हीं हिमत बंधा सकां।

भेजेड़ा चेला का काम 23:30

अर जद मनै ओ बेरो पड़्यो की बे इ मिनखनै मारबा क चकरां म हीं, जणा म तावळोसो इनै तेरै कनै भेज दिओ। अर इपै मुकदमो चलाबाळानै बी आदेस दिओ की तेरै सामै जार इपै मुकदमो बाजी करै।”

भेजेड़ा चेला का काम 18:21

अर बो बाऊँ बिदा होर बोल्यो, “परमेसर चायो तो आपा ओज्यु मिलस्यां।” आ खेर बो इफिसुस छोडर पाणी का झाजऊँ कैसरिया गयो अर बठैऊँ यरूसलेम जार बठै की बिस्वासी मंडळीऊँ नमस्कार कर अंताकीया गयो।

भेजेड़ा चेला का काम 15:29

क थे मूरत्या प चढाईड़ी चिजा, गळो मोसेड़ा मास, लोयऊँ अर पराई लूगाया क सागै गळत कामाऊँ परै रेहज्यो, अर थारो भलो होवै।”

यहून्ना 17:23

म बामै हूँ अर थे मेर म, जिऊँ बे पूरीतर्या एक होर आपणै म रळज्यावै। अर इ जगत का मिनख जाणै, क मनै भेजबाळा थे हो। थे बानै बी बंय्यांई परेम करो जंय्यां थे मेरूँ परेम करो हो।

लूका 9:61

एक जणो ओर बोल्यो, “ओ परबु म तेरै गेल चल्यो चालस्युं पण पेली मनै मेरा घरकाऊँ बिदा लेबा दे।”

मरकुस 10:49

ईसु बिकी सुणर डटगो अर ओडायो, “बिनै मेरै कनै ल्याओ।” अर बे लोग बी आँदानै बुलाया अर बिनै बोल्या, “राजी हो अर खड़्यो हो तनै ईसु बुलावै ह।”

मत्ती 5:48

इ ताँई थानै सिद बणबो चाए, जंय्यां की ईस्बर नगरी म रेह्बाळो थारो परम-पिता सिद ह।

मत्ती 1:23

“देखो, एक कुंआरी छोरी आसऊँ होसी अर एक बेटो जलमसी अर बिको नाम इम्मानुअल राख्यो ज्यासी बिको मतबल ह परमेसर म्हारै सागै ह।”

इफिसुस 4:3

अर मेळमिलाप का बंदणऊँ पबितर आत्मा को एको राखबा ताँई जोक्यु कर सको बो करो।

रोमीयो 14:19

जणा, बा बाता म लाग्या रेह्ओ जखी स्यांतीनै बढावै ह अर एक दुसरा की आत्मिक बढोतरी म मदद करै ह।

इफिसुस 4:12

बो अंय्यां मसी की कायानै मजबूत करबा अर परमेसर का मिनखानै मसी की सेवा ताँई त्यार करबानै कर्यो।

1 थिसलूनिकी 3:10

म्हें रात-दिन परमेसरऊँ जीज्यानऊँ अरदास करर्या हां क थानै देखां अर थारा बिस्वास की कमी पूरी करां।

2 थिसलूनिकी 3:1

मेरा लाडला बिस्वास्यो, आखीर म, म्हें एकोर बात थारूँ चावां हां क थे करो, म्हारै ताँई बी अरदास कर्या करो, जिऊँ परबु को चोखो समचार जंय्यां थारै बिचमै फेल्यो हो बंय्यांई तावळो ओर मिनखा म बी फेलै अर आदरमान पावै।