2 कुरन्थीयो 12:1 - जीवन को च्यानणो (सेकावाटी नया नियम की पोथ्या)

¹ जदकी गुमान करबा को कोई फाईदो कोनी बिकै बावजुद बी म गुमान करूं हूँ, इ ताँई म परबुऊँ मिलेड़ा दरसाव अर परकासन की चरचा करस्युं।

2 कुरन्थीयो 12:1 Referans Kwoze

गलातियो 1:12

क्युं क ओ मनै कोई मिनखऊँ कोनी मिल्यो अर नइ कोई मनै सीखायो, पण ओ मेर प ईसु मसी क जरिए परगट कर्यो गयो।

1 यहून्ना 5:20

इ बातनै बी आपा जाणा हां क परमेसर को बेटो ईसु मसी आयो अर आपानै समज दिओ जिऊँ आपा सचा परमेसरनै जाण सकां, अर आपा बिकै सागै रेह्‍वां जखो सचो ह, मतबल ईसु मसी क सागै। ओई सचो परमेसर अर अजर-अमर जीवन देबाळो ह।

2 कुरन्थीयो 12:7

म बोळी ताजूबभरी बाता देखबा की बजेऊँ गुमान नइ करूं इ ताँई मेरी काया म रोग की एक दरदनाक पिड़ा दिनी गई ह, जखी सेतान का एक दुत की जंय्यां मनै मारबा को काम करै ह। पण आ मनै खुद प गुमान करबाऊँ बचावै ह।

गलातियो 2:2

म बठै कोनी जाबो चातो हो पण म बठै परमेसर की इंछ्या की बजेऊँ गयो। अर म बि चोखा समचार क बारां म चुपचाप बठै की बिस्वासी मंडळी का मुखियानै बतायो जखो म गैर-यहूदि मिनखानै सुणायो हो, क्युं क म अंय्यां कोनी चातो हो मेरी गेलड़ी मेनत बेकार चली जावै।

2 कुरन्थीयो 12:11

म बावळा की ढाळ बोल्यो, पण अंय्यां करबा ताँई थेई मनै उकसाया। जदकी म तो क्युंबी कोनी हूँ, पण थानै तो मेरी बडाई करबो चाए, क्युं क म थारा बा भेजेड़ा चेला मऊँ, एक बात म बी कम कोनी हूँ।

2 कुरन्थीयो 8:10

इ मामला म, म मेरी राय देबा जार्यो हूँ जखी थारै ताँई फाईदा मंद ह। थे गेलड़ा बरस दान देबा की इंछ्या दिखाबा मई नइ पण दान देबा म बी सगळाऊँ आगै हा।

1 कुरन्थीयो 10:23

आपा सक्यु करबा ताँई अजाद हां। पण सक्यु भलाई ताँई कोनी ह। आपा सक्यु करबा ताँई अजाद तो हां पण सगळी बाताऊँ बिस्वास मजबूत कोनी होवै ह।

भेजेड़ा चेला का काम 23:11

बि रात परबु बिनै दरसाव देर बोल्यो, “हिमत बांद अर जंय्यां तू मेरै बारां म अठै गुवाई दि ह, ठिक बंय्यांई तनै रोम म बी देणी पड़सी।”

भेजेड़ा चेला का काम 18:9

अर एक रात परबु पोलुसनै दरसाव देर कह्या, “तू डरै मना बोलतोई रेह चुप मना होवै

यहून्ना 16:7

पण म थारूँ सची बोलर्यो हूँ ओ थारै ताँई चोखो ह, क म जाऊँ हूँ, क्युं क ज म नइ जाऊँ जणा बो मददगार कोनी आ सकै, जि मददगारनै म जार भेजस्युं।

1 कुरन्थीयो 6:12

कोई खे सकै ह, “मनै सक्यु करबा की छुट ह।” हाँ पण सक्यु थारै ताँई चोखो कोनी। म खे सकूँ हूँ क, “मनै सक्यु करबा की छुट ह” पण म कोई चिज क बस म कोनी।

यहून्ना 18:14

ओ केफा बोई मिनख हो जखो यहूदि नेतानै राय दि ही क, “सगळा क बदला म एक को मरबो चोखो ह।”

इफिसुस 3:3

परमेसर आपका भेदनै मेर प परगट कर्यो ह। पिछै बी म, इ कागद म आ बाता क बारां म थोड़ो-भोत थानै मांड्यो हूँ।

1 कुरन्थीयो 14:6

मेरा लाडला बिस्वास्यो, ज म थारै कनै आर दरसाव नहिस समजदारी नहिस परमेसरऊँ आबाळा बोल नहिस सीख देबाळी बाता नइ बताऊँ, पण न्यारी-न्यारी बोली बोलुँ जणा थानै मेरूँ काँई फाईदो?

2 कुरन्थीयो 12:5

अंय्यां का मिनख की बजेऊँ म गुमान कर सकूँ हूँ। पण खुदकी कमजोर्यानै छोडर कोईबी बात प खुद प गुमान कोनी करस्युं।

2 कुरन्थीयो 12:9

पण बो मनै बोल्यो, “तेरी कमजोरी म मेरी दया जखी तेर प ह बा तनै बोळी, क्युं क कमजोरी मई मेरी सक्‍ति बोळी काम करै।” इ ताँई म मेरी कमजोरी म बोळो राजी होर गुमान करस्युं जिऊँ मसी की सक्‍ति मेर प उतरसी।

1 थिसलूनिकी 4:15

परबु का सीखाया गेल म्हें थानै बतार्या हां क, बे जखा परबु का ओज्यु आबाळा दिन ताँई काया म जीवता रेह्सी बे बि दिन मर्या पाछै जी उठेड़ा मिनखाऊँ आगै कोनी होसी।