2 कुरन्थीयो 11:9 - जीवन को च्यानणो (सेकावाटी नया नियम की पोथ्या)

⁹ अर जद म थारै कनै हो जणा मनै कमी-घटी होई ही पण बि टेम बी म थार प कोई बोज कोनी गेर्यो। क्युं क मकीदुनियाऊँ मेरा बिस्वासी भाईड़ा आर मेरी सगळी जुर्ता पूरी करी। अर म हर बर खुदनै थार प बोज बणबाऊँ रोक्यो, अर आगै बी रोकस्युं।

2 कुरन्थीयो 11:9 Referans Kwoze

1 थिसलूनिकी 2:9

मेरा लाडला बिस्वास्यो, म्हें जाणा क थे म्हारी मेनतनै जखी म्हें थार ताँई करी अर दुखानै याद राखो हो। अर थानै पक्काई याद होगो क जद म्हें थानै परमेसर को चोखो समचार सुणार्या हा बि टेम का म्हारो पेट भरबा ताँई रात-दिन कंय्यां मेनत करी। क्युं क म्हें थार प म्हारो बोज कोनी लादबो चावा हा।

1 थिसलूनिकी 2:6

अर म्हें आ कोनी चावां क मिनख म्हारो मान करै अर नइ म्हें थारूँ अर दुसराऊँ आदरमान चायो। जदकी म्हें मसी का भेजेड़ा चेला होबा क नातै थारै प हक जमा सका हा।

इबरानीआ 11:37

कयानै भाठाऊँ मारगेर्यो गयो, कयानै आरीऊँ चिर्या गया, कयानै तलवारऊँ मार्यो गयो। बे कंगाली की दसा म, कळेस म, अर दुख भोगता होया अर बकर्या अर लल्ड्या की खाल ओड्या अठिनै-बठिनै लात घूसा खाता हांडता फिर्या;

फलिपी 2:25

आपणो बिस्वासी भाईड़ो इफरूदितुस जखो मेरै सागै काम करबाळो, मेरी जंय्यां लड़बाळो, अर सेवा म थारै कानिऊँ मेरी मदद करबा ताँई थारो भेजेड़ो डाकीयो अर सेवक ह बिनै थारै कनै भेजबो म जरूरी समजूँ हूँ।

2 कुरन्थीयो 9:12

क्युं क इ सेवा की बजेऊँ परमेसर का मिनखा की जुर्तई पूरी कोनी होवै पण मिनख परमेसरनै धनेवाद बी देवीं हीं।

2 कुरन्थीयो 6:4

पण म्हें सगळी बाता म कळेस, दुख, मुसीबत भोगर थ्यावस क सागै परमेसर का दासा की जंय्यां होबा की कोसिस करता रेह्‍वां हां।

भेजेड़ा चेला का काम 20:33

म कोईका सोना-चाँदी अर कपड़ा को लालच कोनी कर्यो।

भेजेड़ा चेला का काम 18:3

अर बो बाकै सागै रेह्बा अर काम करबा लागगो क्युं क बाको एकसोई धंधो हो। बे तम्मू बणाबाळा हा।

भेजेड़ा चेला का काम 18:5

अर जद सीलास अर तिमूतियूस मकीदुनियाऊँ आया जणा पोलुस आपको सगळो टेम बचन का परचार मई बितातो हो अर यहूदि मिनखा म आ साबित करतो की ईसुई मसी ह।

रोमीयो 15:26

क्युं क मकीदुनिया अर अखाया की बिस्वासी मंडळी का मिनखानै ओ चोखो लाग्यो क यरूसलेम म परमेसर का मिनखा म जखा गरीब हीं बानै दान देवीं।

1 कुरन्थीयो 16:17

स्तिफनुस, फुरतुनातुस अर अखिकुस क आबाऊँ म बोळो राजी हूँ। जखो थे मेरै ताँई कर कोनी सक्या बो बे कर दिखाया क्युं क थे मेरै सागै कोनी हा।