2 कुरन्थीयो 11:12 - जीवन को च्यानणो (सेकावाटी नया नियम की पोथ्या)

¹² इ ताँई जोक्यु म करूं हूँ बिनै करतो रेहस्युं, जिऊँ जखा खुदनै थारा भेजेड़ा खास चेला बतावीं हीं बानै म्हारी जंय्यां बाका काम प गुमान करबा को मोको नइ मिलै जखी बात ताँई बे गुमान करीं हीं।

2 कुरन्थीयो 11:12 Referans Kwoze

1 कुरन्थीयो 9:12

जद दुसरा मिनखनै आ चिजा म पाँती लेबा की अजादि ह जणा के म्हानै बाऊँ बेत्ती कोनी ह? पण म्हें थार प हक कोनी जताया, जदकी म्हें सक्यु भोग्या जिऊँ मसी का चोखा समचारनै कोई अड़चल नइ आवै।

1 तिमूतियूस 5:14

जणा म चाऊँ हूँ क, जवान खालीहोइड़ी लूगाई ब्या कर टाबर जलमै, अर आपका घर की देखभाळ करै, जिऊँ बे आपणी बुरी चितबाळानै आपणै खिलाप बुरो खेबा को मोको नइ दिं।

गलातियो 1:7

पण मसी का चोखा समचारनै छोडर दुसरो समचार तो आथई कोनी, पण क्युंक मिनख थानै भंगरार्या हीं अर मसी का चोखा समचार म हेर-फेर करबो चावीं हीं।

2 कुरन्थीयो 11:18

क्युं क बोळा हीं जखा काया-माया को गुमान करीं हीं, जणा म बी गुमान करस्युं।

2 कुरन्थीयो 11:9

अर जद म थारै कनै हो जणा मनै कमी-घटी होई ही पण बि टेम बी म थार प कोई बोज कोनी गेर्यो। क्युं क मकीदुनियाऊँ मेरा बिस्वासी भाईड़ा आर मेरी सगळी जुर्ता पूरी करी। अर म हर बर खुदनै थार प बोज बणबाऊँ रोक्यो, अर आगै बी रोकस्युं।

2 कुरन्थीयो 10:17

पण, “ज कोई मिनख गुमान करबो चावै बो परबु क बारां म गुमान करै।”

2 कुरन्थीयो 5:12

जणा बी म्हें थारै सामै खुदकी बडाई कोनी कर्या। पण थानै एक मोको देवां हां क थे म्हारै प गुमान कर सको। अर जखो मिनख आपकी हिया की बातानै छोडर दिखावटी बाता प गुमान करै ह बानै थे जुबाब दे सको।

2 कुरन्थीयो 1:17

इ ताँई ज म आ बाता की इंछ्या करी ही जणा के म उपला मनऊँ करी ही? क म इ दुनिया का मिनखा की जंय्यां हूँ जखा एक टेम हाँ-हाँ अर नइ-नइ करीं हीं?

1 कुरन्थीयो 5:6

थारो गुमान करबो चोखो कोनी ह। अर थे आ खेबत तो सुण्याई हो क, “चिनोसोक खमिर सगळा गुंदेड़ा आटानै खमिर बणा देवै ह।”

मत्ती 26:16

बि टेमऊँई यहूदा ईसुनै पकड़ाबा की ताक म मोको ढुंढबा लाग्यो।