2 कुरन्थीयो 11:10 - जीवन को च्यानणो (सेकावाटी नया नियम की पोथ्या)

¹⁰ अर ज मसी की सचाई मेरै मांयनै ह जणा अखाया दिसावर म कोईबी इ बात बेई मनै गुमान करबाऊँ कोनी रोक सकै।

2 कुरन्थीयो 11:10 Referans Kwoze

रोमीयो 9:1

म मसी म सच बोलर्यो हूँ। म झूठ कोनी बोलुँ अर मेरी अन्तर-आत्मा पबितर आत्मा म मेरी गुवाई देवै ह,

रोमीयो 1:9

परमेसर जिकी सेवा म मेरी आत्माऊँ बिका बेटा का चोखा समचार को परचार कर करूं हूँ, बो मेरो गुवा ह क म सदाई थानै मेरी अरदास म याद करूं हूँ।

भेजेड़ा चेला का काम 18:12

जद गलिओ अखाया परदेस को राजपाल हो बि टेम सगळा यहूदि एको कर पोलुसनै पकड़र कचेरी म खड़्यो कर दिओ अर बे बोल्या,

2 कुरन्थीयो 1:23

परमेसर मेरो गुवा ह क म ओज्यु कुरन्थी नगरी म इ ताँई कोनी आयो क्युं क म थानै दिन घालबो कोनी चातो हो।

1 तिमूतियूस 2:7

अर इ गुवाईनै गैर-यहूदि मिनखानै सुणाबा ताँई म एक सचा बिस्वास की सीख देबाळो अर ईसु को भेजेड़ो चेलो बणायो गयो हूँ। जिऊँ म बिस्वास का समचार अर सच को हेलो पाड़ सकूँ। म झूठो कोनी हूँ म सच बोलर्यो हूँ।

1 थिसलूनिकी 2:10

थे खुद अर परमेसर इ बात का गुवा हो क थारै बिस्वास्या म म्हारो भेवार कंय्यां को पबितर, धारमिक अर बेदाग हो।

1 थिसलूनिकी 2:5

थे इ बातनै सूल जाणो हो क म्हें कदैई लालाचोपड़ी की बाता कोनी करी। अर नइ म्हें अंय्यां की कोई बाता बोली जिऊँ थारो धन लूटां , अर आ बाता को परमेसरई गुवा ह।

गलातियो 1:20

म परमेसरनै मेरै सामै जा'णर थारूँ खेऊँ हूँ! क जखी बाता म थानै मांडर्यो हूँ बे झूठी कोनी।

2 कुरन्थीयो 12:19

हो सकै ह! थे अंय्यां सोचो हो क, म्हें अंय्यां बोलर खुदको बचाव करर्या हां। नइ! म्हें मसी का दास होर बोल्या, अर इ बात को गुवा परमेसर ह। ओ मेरा लाडला भाईड़ो! म्हें जोक्यु बी कर्या बो थानै आत्मिक रूपऊँ मजबूत करबा ताँई कर्या।

2 कुरन्थीयो 11:31

परमेसर जखो आपणा परबु ईसु को परम-पिता ह, जिकी सदाई जे होती रेह्‍वै ह, बो जाणै ह क म झूठ कोनी बोलुँ।

2 कुरन्थीयो 11:12

इ ताँई जोक्यु म करूं हूँ बिनै करतो रेहस्युं, जिऊँ जखा खुदनै थारा भेजेड़ा खास चेला बतावीं हीं बानै म्हारी जंय्यां बाका काम प गुमान करबा को मोको नइ मिलै जखी बात ताँई बे गुमान करीं हीं।

2 कुरन्थीयो 10:15

अर म्हें दुसरा का करेड़ा काम की सबासी कोनी लेवां। पण म्हानै आस ह क थारो बिस्वास बढसी जिऊँ थारै मांयनै म्हारो काम बी बढसी।

2 कुरन्थीयो 9:2

क्युं क मनै बेरो ह थे इ कामनै करबा ताँई सदाई त्यार रेह्ओ हो। जणाई म मकीदुनिया का मिनखा क सामै थारै बारां म गुमानऊँ खयो क अखाया का मिनख तो गेलड़ा बरसऊँई त्यार हीं अर थारी उजमानै देखर बोळा अंय्यां करबा ताँई आगै आया हीं।

2 कुरन्थीयो 1:1

आ चिठी परमेसर की इंछ्याऊँ म, मसी ईसु को भेजेड़ो चेलो पोलुस अर आपणो बिस्वासी भाई तिमूतियूस परमेसर की कुरन्थी नगरी की बिस्वासी मंडळी का मिनखानै अर अखाया का सगळा परमेसर का मिनखानै मांडां हां।

1 कुरन्थीयो 16:15

थे स्तिफनुस अर बिका परवार क बारां म तो जाणोई हो, क बे अखाया म मसी प सऊँ पेली बिस्वास करबाळा मिनख हीं। बे परमेसर का मिनखा की मदद करबा को बीड़ो उठा राख्यो ह। इ ताँई ओ मेरा लाडला बिस्वास्यो, म थारूँ अरदास करूं हूँ,

रोमीयो 16:5

बिकै घरा भेळी होबाळी बिस्वासी मंडळीनै बी मेरो नमस्कार। मेरा लाडला इपनितुसनै जखो एसिया म मसीनै मानबाळा म पेलो मिनख ह मेरो नमस्कार खिज्यो।

भेजेड़ा चेला का काम 18:27

अर जद अपुलोस अखाया परदेस जाबा की मन म करी जणा बठै का भाईड़ा बिकी मदद करी अर बिकै हात चेलानै एक कागद भेज्यो क बे बिकी आवभगत करै। अर बो बठै जार बा मिनखा की मदद करी जखा परमेसर की दयाऊँ बिस्वास म आया हा।

गलातियो 2:20

अर इब म खुद जिंदो कोनी हूँ, पण मसी मेरै म जीवै ह। अर ज म काया म जिंदो हूँ तो बस बि बिस्वासऊँ जिंदो हूँ जखो परमेसर का बेटा प ह, जखो मेरूँ परेम कर्यो अर मेरै ताँई खुदनै दे दिओ।