2 कुरन्थीयो 10:2 - जीवन को च्यानणो (सेकावाटी नया नियम की पोथ्या)

² म सोचूँ हूँ क जद म थारै कनै आऊँ जणा बा मिनखा क सागै सकताई बरतबा की जुर्त कोनी जखा सोचीं हीं क म्हें दुनियादारी को जीवन जीवां हां।

2 कुरन्थीयो 10:2 Referans Kwoze

2 कुरन्थीयो 13:10

इ ताँई थारूँ दूर होतासोता बी, म आ बातानै थारै ताँई मांडर्यो हूँ। जिऊँ क जद म थारै कनै आऊँ, जणा मनै परबु का दियड़ा हकनै कल्डाई दिखाबा ताँई काम म नइ लेणो पड़ै। ओ हक थानै बणाबा ताँई ह, थानै गेरबा ताँई कोनी।

2 कुरन्थीयो 13:2

जद म दुसरकै थारै सागै हो, जणाबी अर इब जदकी म थारूँ दूर हूँ, बा मिनखानै जखा पाप कर्या ह बानै, अर सगळा मिनखानै ओज्यु खेऊँ हूँ, ज मेरो ओज्यु आबो होसी, जणा म बानै कोनी बकसूँ।

रोमीयो 8:5

क्युं क बे जखा आपकी काया का सुभाव गेल जिवीं हीं बाका मन काया की इंछ्या पूरी करबा म लाग्या रेह्‍वै पण जखा पबितर आत्मा गेल जिवीं हीं बाका मन जखो पबितर आत्मा चावै बा बाता म लाग्या रेह्‍वै ह।

रोमीयो 8:1

जणा इब मसी ईसु म जिबाळा ताँई कोई दंड कोनी,

रोमीयो 8:4

जिऊँ नेम-कायदा की जुर्त आपणा म पूरी होज्यावै क्युं क आपा मिनख सुभाव की बिधीऊँ नइ पण पबितर आत्मा की बिधी गेल जीवां हां।

2 कुरन्थीयो 1:17

इ ताँई ज म आ बाता की इंछ्या करी ही जणा के म उपला मनऊँ करी ही? क म इ दुनिया का मिनखा की जंय्यां हूँ जखा एक टेम हाँ-हाँ अर नइ-नइ करीं हीं?

2 कुरन्थीयो 11:21

के म सरमिंदा होर खेऊँ हूँ म्हें बाकी जंय्यां थारै सागै सलुक करबा म बोळा कमजोर हां? पण ज कोई ख्याताई बी गुमान करबा की हिमत कर सकै ह जणा म बावळापुणाऊँई खेऊँ हूँ क म बी हिमत करस्युं।