2 कुरन्थीयो 10:10 - जीवन को च्यानणो (सेकावाटी नया नियम की पोथ्या)

¹⁰ क्युं क क्युंक मिनख मेरै बारां म बोलै ह क, “बिकी चिठ्या हिया प ठेस लगाबाळी अर दुख देबाळी ह। पण जद बो म्हारै सामै होवै जणा बो खाट काटेड़ोसो लागै अर बिकी बाता म बी दम कोनी होवै ह।”

2 कुरन्थीयो 10:10 Referans Kwoze

1 कुरन्थीयो 1:17

क्युं क मसी मनै बतिस्मो देबा ताँई नइ, पण बिना मिनख बुदी की मिलावट क चोखा समचार सुणाबा ताँई भेज्यो ह। जिऊँ मसी को सुळी भोगबो बेकार नइ जावै।

2 कुरन्थीयो 11:6

म बोलबा म अनाड़ी हो सकूँ हूँ, पण म ज्ञान म कम कोनी। सगळी बाता म म्हें थानै आ साप-साप खेता आर्या हां।

2 कुरन्थीयो 10:1

मसी की दिनता अर नरमाई क सागै म पोलुस निजी तोरऊँ बोलुँ हूँ। थारै मऊँ क्युं क जणा मेरै बारां म बोलीं हीं क जद म थारै आमै-सामै होऊँ बि टेम थारै सागै नरमाईऊँ रेह्ऊँ हूँ अर जद म थारूँ दूर रेह्ऊँ बि टेम सकताई बरतुँ हूँ।

1 कुरन्थीयो 1:21

इ दुनिया का मिनख बुदीऊँ परमेसरनै कोनी जाण्या। क्युं क आ परमेसर सोच समजर ध्यार राखी ही। इ ताँई परमेसरनै ओ चोखो लाग्यो क इ परचार क जरिए जखो आपा करां हां जिनै इ दुनिया का मिनख बकवास जाणी हीं बिस्वास करबाळानै बचावै।

2 कुरन्थीयो 10:9

इ चिठीऊँ थानै डराबा को मेरो कोई इरादो कोनी।

2 कुरन्थीयो 10:11

जखा अंय्यां खेवै ह बानै ओ बी जाण लेबो चाए क जंय्यां म्हें चिठी म मांडां हां बंय्यां का म्हारा काम बी हीं।

2 कुरन्थीयो 11:21

के म सरमिंदा होर खेऊँ हूँ म्हें बाकी जंय्यां थारै सागै सलुक करबा म बोळा कमजोर हां? पण ज कोई ख्याताई बी गुमान करबा की हिमत कर सकै ह जणा म बावळापुणाऊँई खेऊँ हूँ क म बी हिमत करस्युं।

2 कुरन्थीयो 13:3

अंय्यां म इ ताँई खेर्यो हूँ, क्युं क थे इ बात को सबूत चाओ हो की मेरै जरिए मसी बोलै ह। बो थारै सागै बरताव करै जणा बो कमजोर कोनी ह, पण थारै मांयनै आपकी सक्‍ति दिखावै ह।