2 कुरन्थीयो 1:7 - जीवन को च्यानणो (सेकावाटी नया नियम की पोथ्या)

⁷ म्हानै थार प पक्की आस ह क्युं क म्हें जाणा हां क जंय्यां थे म्हारा कळेस म म्हारा साती हो बंय्यांई बि अराम म बी साती हो जखो म्हानै मिलै ह।

2 कुरन्थीयो 1:7 Referans Kwoze

याकूब 1:12

बो मिनख भागहाळो ह जखो बिचास्या जाबा की घड़ी म डट्यो रेह्‍वै ह, क्युं क बिनै बिचास्या जाबा क पाछैई खरो मिनख बणार जीवन को मुकट मिलसी, जिनै परबु आपका परेम करबाळानै देबा को बादो कर राख्यो ह।

2 तिमूतियूस 2:12

ज आपा थ्यावस क सागै दुख भोगस्यां, जणा आपा बिकै सागै राज बी करस्यां। ज आपा बिऊँ मुंडो फेरां, जणा बो बी आपणाऊँ मुंडो फेरसी।

2 कुरन्थीयो 12:20

म डरूँ हूँ क, जद म थारै कनै आऊँ, जणा कदै अंय्यां नइ होवै क, जंय्यां म थानै देखबो चाऊँ हूँ, बिऊँ न्याराई दिखो। अर जंय्यांको थे मनै नइ देखबो चाओ हो, बिऊँ न्यारोई देखो। अर मनै ओ बी डर ह क, कदै थारै मांयनै आपसरी म राड़, एक दुसराऊँ बळबो, झाळ काडबो, मतलबीपुणो, बदनामी अर बेजती करबो, काना-फूसी अर हेकड़ोपूणो अर काम बिगाड़बो नइ देखूँ।

2 कुरन्थीयो 7:9

इब म राजी हूँ। म इ ताँई राजी कोनी हूँ क थानै दुखी कर्यो हो पण म इ बात बेई राजी हूँ क बि दुख की बजेऊँ थे थारा हियानै पापऊँ फिराया। थानै बो दुख परमेसर कानिऊँ होयो जिऊँ क म्हारै जरिए थारो क्युंई नुकसान नइ होवै।

2 कुरन्थीयो 1:14

जंय्यां क थे म्हानै हाल क्युंक हदताई समजो हो। पण जद परबु ईसु क ओज्यु आबा का दिन थे सगळा म्हारै प गुमान करस्यो जंय्यां म्हें थार प करां हां।

1 कुरन्थीयो 10:13

अर थे कदै बी अंय्यां कोनी बिचास्या गया। जखो मिनखा क सेह्बाऊँ बारनै हो। अर परमेसर तो बिस्वास जोगो ह बो थानै थारी सक्‍तिऊँ बेत्ती बिचासबा कोनी दे, पण जद थे बिचास्या जाओ हो जणा बो बिचासबा क सागै-सागै थानै बचाव ताँई उपाय बी बतावै ह।

मत्ती 23:30

अर खेवो हो, ‘ज म्हें म्हारा बडका की टेम होता जणा परमेसर की खेबाळानै मारबा ताँई बाका साती कोनी होता।’

2 तिमूतियूस 3:11

मेर प होया जुलमा, अर मेरा दुखानै देख्यो। अन्ताकीया, इकोनियुम अर लुस्तरा म जोक्यु होयो हो अर कंय्यां-कंय्यां का दुखदाई जुलमानै भोग्यो हो बानै तू जाणै ह। पण परबु मनै बाऊँ बचायो।

दरसाव 1:9

म यहून्ना थारो बिस्वासी भाई हूँ, म आपणा ईसु मसी म पिड़ा, थ्यावस अर राज म थारो साती हूँ। मनै परमेसर का बचन अर ईसु मसी की गुवाई देबा की बजेऊँ देस निकाळो देर पत्तमुस नाम का टापू प भेज दिओ गयो हो।