2 कुरन्थीयो 1:22 - जीवन को च्यानणो (सेकावाटी नया नियम की पोथ्या)

²² बो आपकी छाप आपणा प लगाई ह, बो आपणा हिया म पबितर आत्मा दिनी ह। आ इ बात की जामनी ह क बो बे सगळा आसिरबाद आपानै देसी जानै देबा ताँई बो करार कर्यो ह।

2 कुरन्थीयो 1:22 Referans Kwoze

इफिसुस 4:30

परमेसर की पबितर आत्मा को निरादर मना करो क्युं क छुडाबाळा दिन ताँई आ पबितर आत्मा थारै ताँई बिकी जामनी ह, की बो थानै छुड़ासी।

2 कुरन्थीयो 5:5

इ ताँई आपानै त्यार करबाळो परमेसरई ह, बोई आपानै जामनी ताँई पबितर आत्मा बी दिनी ह।

यहून्ना 6:27

रोट्या ताँई मेनत मना करो क्युं क बे तो बुसज्यावै, पण अजर-अमर जीवन देबाळी रोटी ताँई मेनत करो। आ बा रोटी ह जखी मिनख को बेटो थानै देसी, क्युं क परम-पिता परमेसर बिनै ओ अधिकार दिओ ह।”

दरसाव 9:4

बानै ओडायो गयो क धरती की घास अर हर्या बोजानै अर दरख्तानै नास मना करज्यो। पण बा मिनखा को नास करज्यो जाकै माथा प परमेसर की म्होर कोनी ह।

रोमीयो 8:23

आ सरस्टिई नइ पण आपा बी जानै पबितर आत्मा को पेलो फळ मिल्यो हो, मांय-मांय घुटता रिह्या हां। क्युं क आपा इ बातनै उडिकर्या हां क बो आपानै आपकी ओलाद की जंय्यां अपणावै अर काया को छुटकारो होज्यावै।

रोमीयो 8:9

ज थारै म परमेसर को पबितर आत्मा बास करै ह जणा थे काया का सुभाव गेल कोनी जीओ पण पबितर आत्मा गेल जीओ हो। क्युं क जिमै मसी को पबितर आत्मा बास कोनी करै बो मसी को कोनी।

दरसाव 7:3

“थे जद ताँई धरती, समदर अर दरख्तानै नास मना करज्यो जद ताँई म्हें आपणा परमेसर की म्होर बिका दासा का माथा प नइ लगा देवां।”

2 तिमूतियूस 2:19

पण परमेसर की पक्की निम हालै कोनी, जिपै आ छाप लागरी ह, “परबु खुदका मिनखानै जाणै ह,” अर, “जखो कोई परबु को नाम लेवै ह बिनै चाए क बो बुरा करमाऊँ बच्यो रेह्‍वै।”

रोमीयो 4:11

इकै पाछै धारमिक्‍ता की छाप क रूप म एक सेलाण की जंय्यां बो सुन्नत करवाई। ओ बिस्वास बो जद दरसायो हो जि टेम का बिकी सुन्नत कोनी होई ही। जणा बो बा सगळा को बाप ह जखा बिना सुन्नतहाळा हीं पण बिस्वास करीं हीं। जिऊँ गैर-यहूदि बी धरमी गिण्या जावै।

दरसाव 2:17

जिकै कान ह बे बानै खोल ले क, पबितर आत्मा बिस्वासी मंडळ्याऊँ काँई बोलै ह। जखो जीतै ह, म बिनै ईस्बर नगरी म लुखेड़ो मन्नो देस्युँ। म बिनै एक धोळो भाठो बी देस्युँ जिकै उपर एक नयो नाम मंडेड़ो होसी। बो नाम बि मिनख क सिवाय कोई कोनी जाणसी जिनै बो दिओ ज्यासी।

यहून्ना 3:33

जखो बी बिकी बातानै मानै ह, बो आ दिखावै ह क परमेसर सचो ह।

1 थिसलूनिकी 4:8

इ ताँई जखो मिनख इ सीखनै माड़ी जाणै, जणा बो कोई मिनखनै माड़ो कोनी जाणै पण पबितर आत्मा देबाळा परमेसरनै माड़ो जाणै ह।