2 कुरन्थीयो 1:1 - जीवन को च्यानणो (सेकावाटी नया नियम की पोथ्या)

¹ आ चिठी परमेसर की इंछ्याऊँ म, मसी ईसु को भेजेड़ो चेलो पोलुस अर आपणो बिस्वासी भाई तिमूतियूस परमेसर की कुरन्थी नगरी की बिस्वासी मंडळी का मिनखानै अर अखाया का सगळा परमेसर का मिनखानै मांडां हां।

2 कुरन्थीयो 1:1 Referans Kwoze

2 तिमूतियूस 1:1

इ चिठीनै पोलुस मांडी, जखो परमेसर की इंछ्याऊँ मसी ईसु को भेजेड़ो चेलो ह, जिनै परमेसर बि जीवन को हेलो पाड़बा ताँई भेज्यो ह जिकै बारां म परमेसर आपणाऊँ मसी ईसु म देबा को बादो कर्यो ह।

फलिपी 1:1

म्हें मसी ईसु का गुलाम पोलुस अर तिमूतियूस आ चिठी फलिपी नगरी म मसी क सागै मेळ राखबाळा परमेसर का सगळा मिनखा, सागै की सागै बिस्वासी मंडळी का रूखाळा अर काम म हात बटाबाळानै मांडर्या हां। था सगळा प आपणा परम-पिता परमेसर अर परबु ईसु मसी कानिऊँ दया अर स्यांती मिलती रेह।

इफिसुस 1:1

म परमेसर की इंछ्या गेल मसी ईसुऊँ भेजेड़ो चेलो पोलुस, इफिसुस म रेह्बाळा ईसु मसी प बिस्वास करबाळा परमेसर का मिनखानै नमस्कार मांडू हूँ।

तितूस 1:1

म ईसु मसीऊँ भेजेड़ो चेलो, परमेसर को दास पोलुस आ चिठी तितूस तनै मांडूँ हूँ। म परमेसर का टाळेड़ा मिनखानै बिस्वास म बढाबा भेज्यो गयो हूँ। जिऊँ बे सचनै जाणर पबितर जीवन जीवै।

1 तिमूतियूस 1:1

म पोलुस, आपानै बचाबाळा परमेसर अर आपणी आस की निम मसी ईसु का हुकमऊँ मसी ईसु को भेजेड़ो चेलो बण्यो।

गलातियो 1:1

इ चिठी म, म पोलुस मेरो अर मेरै सागैहाळा सगळा भायां को, गलातिया दिसावर की बिस्वासी मंडळ्यानै नमस्कार मांडूँ हूँ। म बोई पोलुस हूँ जिनै भेजेड़ो चेलो होबा ताँई मिनख कोनी बुलाया पण ईसु मसी अर परम-पिता परमेसर जखो ईसु मसीनै मरेड़ा मऊँ जिंदो कर्यो हो बे टाळ्या हीं।

1 कुरन्थीयो 16:10

अर ज थारै कनै तिमूतियूस आज्यावै जणा थे बिकी सूल आवभगत करज्यो क्युं क बो बी मेरी जंय्यां परबु को काम करै ह।

1 कुरन्थीयो 6:11

अर थारै म बी पेल्या क्युंक मिनख अंय्यां का हा, पण इब थानै परबु ईसु मसी अर परमेसर की पबितर आत्मा क जरिए पापऊँ धोर पबितर कर परमेसर क सागै सई होबा ताँई परमेसरनै सूप दिओ गयो ह।

भेजेड़ा चेला का काम 16:1

इकै पाछै पोलुस दिरबे अर लुस्तरा म गयो बठै बिनै तिमूतियूस नाम को एक चेलो मिल्यो जिकी माँ यहूदि बिस्वासण ही पण बिको बाप यूनानी हो।

इबरानीआ 13:23

अर म चाऊँ हूँ क थानै खबर लागै क आपणो बिस्वासी भाई तिमूतियूस छुटगो ह। अर ज बो तावळोई मेरै कनै आसी जणा म बी बिकै सागै थारूँ मिलबा आस्युं।

2 थिसलूनिकी 1:1

म पोलुस, आ चिठी सीलास अर तिमूतियूस क सागै मिलर थिसलूनिकी नगरी का बा सगळा मिनखानै मांडर्यो हूँ, जखा परम-पिता परमेसर अर परबु ईसु मसीनै मानबा की बजेऊँ बिस्वासी मंडळीऊँ जुड़ेड़ा हीं।

1 थिसलूनिकी 1:1

म पोलुस, आ चिठी सीलास अर तिमूतियूस क सागै मिलर थिसलूनिकी नगरी का बा सगळा मिनखानै मांडर्यो हूँ, जखा परम-पिता परमेसर अर परबु ईसु मसीनै मानबा की बजेऊँ बिस्वासी मंडळीऊँ जुड़ेड़ा हीं। परमेसर थार प दया बणाए राखै अर थानै स्यांती देवै।

2 कुरन्थीयो 11:10

अर ज मसी की सचाई मेरै मांयनै ह जणा अखाया दिसावर म कोईबी इ बात बेई मनै गुमान करबाऊँ कोनी रोक सकै।

2 कुरन्थीयो 9:2

क्युं क मनै बेरो ह थे इ कामनै करबा ताँई सदाई त्यार रेह्ओ हो। जणाई म मकीदुनिया का मिनखा क सामै थारै बारां म गुमानऊँ खयो क अखाया का मिनख तो गेलड़ा बरसऊँई त्यार हीं अर थारी उजमानै देखर बोळा अंय्यां करबा ताँई आगै आया हीं।

1 कुरन्थीयो 16:15

थे स्तिफनुस अर बिका परवार क बारां म तो जाणोई हो, क बे अखाया म मसी प सऊँ पेली बिस्वास करबाळा मिनख हीं। बे परमेसर का मिनखा की मदद करबा को बीड़ो उठा राख्यो ह। इ ताँई ओ मेरा लाडला बिस्वास्यो, म थारूँ अरदास करूं हूँ,

1 कुरन्थीयो 10:32

थे इ हिसाबऊँ जीओ जिऊँ थे नइ यहूदि मिनखा ताँई, नइ यूनानी मिनखा ताँई अर नइ परमेसर की बिस्वासी मंडळी का मिनखा ताँई आखळी बणो।

रोमीयो 16:21

मेरै सागै काम करबाळो तिमूतियूस, लूकियुस, यासोन अर सोसिपतरुस अर मेरा देसवासी कानिऊँ थानै नमस्कार।

रोमीयो 16:5

बिकै घरा भेळी होबाळी बिस्वासी मंडळीनै बी मेरो नमस्कार। मेरा लाडला इपनितुसनै जखो एसिया म मसीनै मानबाळा म पेलो मिनख ह मेरो नमस्कार खिज्यो।

रोमीयो 15:26

क्युं क मकीदुनिया अर अखाया की बिस्वासी मंडळी का मिनखानै ओ चोखो लाग्यो क यरूसलेम म परमेसर का मिनखा म जखा गरीब हीं बानै दान देवीं।

1 कुरन्थीयो 16:24

अर मसी ईसु म मेरो परेम थारै सागै बण्यो रेह्‍वै।

2 कुरन्थीयो 1:19

क्युं क परमेसर का बेटा ईसु मसी जिको परचार तिमूतियूस, सिलवानुस अर म कर्या हा बो हाँ-हाँ अर नइ-नइ म कोनी हो। पण ईसु मसी म बो हाँ म हो।

2 कुरन्थीयो 1:23

परमेसर मेरो गुवा ह क म ओज्यु कुरन्थी नगरी म इ ताँई कोनी आयो क्युं क म थानै दिन घालबो कोनी चातो हो।

गलातियो 3:26

थे सगळा इब मसी ईसु प बिस्वास करबा की बजेऊँ परमेसर का बेटा हो।

फिलेमोन 1:1

म पोलुस, जखो मसी ईसु को समचार सुणाबा की बजेऊँ जेळ म बंदि हूँ। म अर बिस्वासी भाईड़ो तिमूतियूस आ चिठी, म्हारा लाडला संगी फिलेमोन,