1 तिमूतियूस 6:9 - जीवन को च्यानणो (सेकावाटी नया नियम की पोथ्या)

⁹ पण जानै धन भावै, बे लालच अर उजाड़बाळी बोळी बुरी इंछ्या म पड़ीं, जखी मिनखनै बरबादि अर बिनास क गर्त म गेरै ह।

1 तिमूतियूस 6:9 Referans Kwoze

1 तिमूतियूस 3:7

बो अंय्यां को मिनख होणो चाए जिकी बिस्वासी मंडळी क अलावा बारका मिनखा म बी ईज्जत हो, अंय्यां नइ हो क बो काळो मुंडो करवार सेतान का जाळ म फस जावै।

भेजेड़ा चेला का काम 8:20

जणा पतरस बोल्यो, “तेरा रिपीआ बी तेरै सागै नास होज्यावै क्युं क तू परमेसर का बरदाननै रिपीआऊँ मोल लेबो चावै ह।

मत्ती 13:22

अर जखा बीज झाड़्या क मांयनै पड़्या अ बा मिनखानै परगट करै जखा परमेसर का बचन सुणै तो हीं पण इ दुनियादारी की चिंत्या अर धन-दोलत को लालच परमेसर का बचनानै भूला देवै ह क परमेसर बाऊँ काँई चावै ह।

यहूदा 1:11

बापै स्यामत पड़सी! अ मिनख तो कैन की जंय्यांई बुराई का गेला प चालीं हीं, अर अ धन का लालच म बिलाम की जंय्यांई पाप करीं हीं। अ मिनख परमेसर क सामै होगा हीं जंय्यां कोरह होयो हो। जणा आ सगळी बाता बेई आको बी नास कर्यो जासी।

2 पतरस 2:3

अर बे लालची होबा की बजेऊँ थानै दिखावटी बाता बोलर थारूँ धन कमासी। अर बाकी सजा तो पेल्याऊँई परमेसर ते कर राखी ह। अर बाको नास बानै उडिकर्यो ह।

मरकुस 4:19

पण जीबा को घ्यार, मो-माया को लालच अर मन की बुरी बाता बाका हिया मई बचननै दबा देवै ह, इ ताँई बे बीज फळै कोनी।

मत्ती 26:15

“ज म ईसुनै थारै हात पकड़ा द्‍युँ जणा थे मनै काँई देस्यो?” जणा बे बिनै चाँदी हाळा तीस सीक्का देबा की बात प राजी होगा अर बिनै तीस सीक्का गिणर दे दिआ।

मत्ती 19:22

अंय्यां सुणर बिको मुंडो उतरगो अर बो दुखी होर बठैऊँ चलेगो। क्युं क बिकन अणाप-सणाप जायजाद ही।

2 तिमूतियूस 2:26

अर चेतो कर सेतान का जाळऊँ बच ज्यावीं, जखो बानै खुदकी इंछ्या मनवाबा ताँई पकड़ राख्यो ह।

1 तिमूतियूस 1:9

आ जा'णर क नेम-कायदा धरम्या ताँई कोनी, पण अधरम्या, खयो नइ मानबाळा, परमेसरनै नइ मानबाळा, पापी, असुद, माँ-बाप को बुरो करबाळा, मिनखानै मारबाळा,

लूका 21:35

क्युं क सगळी धरती का मिनख इ दिननै भोगसी।

मत्ती 6:19

“इ धरती प थे धन भेळो मना करो। क्युं क अठै इकै दिवळ अर जर लागज्यावै ह अर चोर चुरार लेज्यावै ह।

लूका 12:21

बो मिनख बी अंय्यां ह जखो आप ताँई धन भेळो करै, पण परमेसर की नजर्या म बो क्युंई कोनी।”

1 तिमूतियूस 6:10

क्युं क पिसा को मो सगळी बुराया की जड़ ह। क्युंक मिनख पिसा का लालच म बिस्वासऊँ मुंडो मोड़र बोळा दुख मोल ले लिआ।

1 तिमूतियूस 6:17

जखा मिनख इ दुनिया म पिसाळा हीं बानै आदेस दे बे इपै गुमान नइ करै, पण बाकी आस, नास होबाळा धन की बजाय परमेसर म हो, जखो आपानै आपणा सुक ताँई सगळी चिजा देवै ह।

तितूस 2:12

आ दया सीखावै ह क आपा बि जीवननै जिमै परमेसर कोनी अर दुनियादारी की बुरी इंछ्यानै छोडर इ जुग म खुद क बस म रेह्बाळो, खराईऊँ भर्यो जीवन जीवां जिमै परमेसर ह,