1 तिमूतियूस 6:16 - जीवन को च्यानणो (सेकावाटी नया नियम की पोथ्या)

¹⁶ बो एकलोई अजर-अमर ह! बो बि च्यानणा म बास करै ह जिकनै कोई कोनी पुग सकै। नइ कोई बिनै कदै देख्यो ह! अर नइ कोई कदै देख सकै। बिको मान-समान अर राज जुग-जुग होतो रेह्‍वै! अंय्यांई होवै।

1 तिमूतियूस 6:16 Referans Kwoze

1 तिमूतियूस 1:17

अर इब सदाई राज करबाळो राजा, अनदेख्यो, अमर अर बस बि एकई परमेसर को मान अर गुणगान जुग-जुग होतो रेह्‍वै। अंय्यांई होवै।

यहून्ना 1:18

परमेसरनै कदैई कोई कोनी देख्यो। पण परमेसर को इकलोतो बेटो जखो परमेसर की छाती तळै ह, अर बो परमेसरई ह। बोई परमेसरनै परगट कर्यो।

1 यहून्ना 1:5

म्हें जखो समचार ईसु मसीऊँ सुण्या हा, बोई थानै सुणावां हां क परमेसर च्यानणो ह अर बिमै चिनोसो बी अँधेरो कोनी ह।

कलुसीयो 1:15

दिखबाळो ईसु मसी नइ दिखबाळा परमेसर की जंय्यां ह। बो सगळी चिजा म पेलो अर सगळी सरस्टिऊँ बोळो म्हान ह।

यहून्ना 6:46

पण जखो परमेसर कानिऊँ आवै ह बोई परम-पितानै देख्यो ह बिकै अलावा कोई कोनी देख्यो।

दरसाव 22:5

बठै कदैई रात कोनी होसी। अर नइ बठै सूरज अर दिआ का च्यानणा की जुर्त होसी। क्युं क परबु परमेसर आपको च्यानणो बापै राखसी। अर बे बठै सदाई राज करसी।

दरसाव 4:11

“ओ म्हारा परबु अर म्हारा परमेसर, थेई मेमा, ईज्जत अर ताकत जोगा हो। क्युं क थेई सगळी चिजानै रच्या हो, थारीई इंछ्याऊँ अ सगळी चिजा रची गई ह, अर जीवै ह।”

दरसाव 1:6

अर आपानै अंय्यां की परजा अर याजक बणाया जखी परमेसर अर परम-पिता की सेवा करै। बिकी मेमा सदाई होवै! अंय्यांई होवै।

इफिसुस 3:21

बिस्वास्या की बिस्वासी मंडळी म परमेसर की मेमा जुग-जुग होती रेह्‍वै क्युं क आ मेमा परमेसर मसी ईसु क जरिए परगट करी ह। अंय्यांई होज्यावै!

दरसाव 7:12

अर बे बोल्या, “अंय्यांई होवै! म्हारा परमेसर की मेमा, बडाई, धनेवाद, ज्ञान, मान, सक्‍ति अर बळबूतो सदाई होती रेह्‍वै। अंय्यांई होवै!”

इबरानीआ 13:8

ईसु मसी काल अर आज अर सदाई एकसो ह।

दरसाव 21:3

जणा म परमेसर का सिंघासनऊँ एक जोरको हेलो सुण्यो, “देखो! इब परमेसर मिनखा क बिचमै रेह्सी। बाको बास मिनखा क बिचमै होसी। अर बे परमेसर की परजा होसी अर परमेसर खुद बाको परमेसर होसी।

यहून्ना 14:9

ईसु बोल्यो, “मनै कितना दिन तो होगा थारै सागै रेह्ता पाछै बी फलिपूस तू हाल ताँई कोनी जाण सक्यो क, म कूण हूँ? जखो बी मनै देख्यो ह बो बापनै बी देख्यो ह अर तू बोलै ह क, म्हानै बाप का दरसण करा दे।

दरसाव 1:8

परबु परमेसर, जखो ह, जखो हो अर जखो आबाळो ह, जखो सऊँ सक्‍तिसाली ह बो खेवै ह, “मई अलफा अर ओमेगा हूँ।”

यहून्ना 8:58

ईसु बोल्यो, “म थारूँ सची खेऊँ हूँ, अब्राहम क जलम्बाऊँ पेली, म हूँ।”

फलिपी 4:20

आपणा परमेसर अर परम-पिता की मेमा जुग-जुग होती रेह्‍वै। अंय्यांई होज्यावै।

याकूब 1:17

क्युं क सगळा दान बरदान अर चोखा इनाम उपरऊँई मिलै ह अर अ उजाळा को परम-पिता देवै ह जखो कदैई कोनी बदलै अर इमै बदलती दसा की बजेऊँ आबाळी काळी छाया बी कोनी।

1 यहून्ना 1:7

पण ज आपा च्यानणा म चालां जंय्यांकी बो च्यानणा म चालै ह, जणा आपा बिस्वासी होबा क नातै एक दुसराको सागो देस्यां, अर परमेसर का बेटा ईसु को लोय आपानै आपणा सगळा पापऊँ सुद कर देसी।

1 यहून्ना 4:12

परमेसरनै कोईबी कदैई कोनी देख्यो, पण ज आपा एक दुसराऊँ प्यार-परेम करां जणा परमेसर आपणा म बास करै ह अर बिको परेम आपणै मांयनै पूरी तर्या ह।