1 तिमूतियूस 6:13 - जीवन को च्यानणो (सेकावाटी नया नियम की पोथ्या)

¹³ सगळानै जीवन देबाळा परमेसर क सामै अर मसी ईसु जखो पीळातुस क सामै हिमत क सागै आपका बिस्वासनै दिखायो बिमै, म तनै आदेस देऊँ हूँ,

1 तिमूतियूस 6:13 Referans Kwoze

मत्ती 27:11

ईसुनै बे राजपाल पीळातुस क सामै लेग्या अर बो बिऊँ बुज्यो, “के तू यहूदिआ को राजा ह?” ईसु बोल्यो, “हाँ म हूँ जंय्यां थे बोल्या हो।”

1 तिमूतियूस 5:21

म तनै परमेसर, मसी ईसु अर टाळेड़ा ईस्बर नगरी दुता की मोजूदगी म बोलुँ हूँ क, बिना कोईकी भीड़ लिये तू आ आदेसानै मानजै अर ख्यामई कोईकै सागैई भेद-भाव मना करजे।

दरसाव 3:14

“लोदिकीया की बिस्वासी मंडळी का मुखियानै मांड। अ बाता बिकै कानिऊँ ह जखो परमेसर का हरेक वादा की जामनी ह, जखो बिस्वास जोगो, सचो गुवा अर परमेसर की सगळी सरस्टि प राज करबाळो ह।

यहून्ना 5:21

जंय्यां परम-पिता मरेड़ानै जीवावै ह, बंय्यांई बेटो बी जिनै चावै बिनै जीवन देवै ह।

दरसाव 22:1

इकै पाछै ईस्बर नगरी दुत मनै जीवन देबाळी पाणी की नदि दिखाई , बा नदि सिसा की जंय्यां साप ही , बा नदि परमेसर अर उन्या का सिंघासनऊँ भेह्ती होई,

दरसाव 21:6

बो ओज्यु बोल्यो, “सक्यु पूरो होगो। मई अलफा हूँ अर मई ओमेगा हूँ, मई जुगाद हूँ अर मई अंत हूँ। जखो बी तिसायो ह बिनै म सितमित म जीवन का कूंडऊँ पाणी प्यास्युं।

1 तिमूतियूस 6:12

बिस्वास की दोड़ म पूरी ज्यान लगार भाज। अर खुद ताँई अजर-अमर जीवन जीत, जि ताँई तनै परमेसर बुलायो हो, जद तू रोब क सागै तेरा बिस्वासनै बोळा सारका गुवा क सामै दिखायो हो।

1 तिमूतियूस 2:5

क्युं क परमेसर एकई ह अर परमेसर अर मिनखा क बिचमै बिचोलिओ बी एकई ह, मतबल मसी ईसु जखो खुद एक मिनख ह।

भेजेड़ा चेला का काम 17:25

बिनै काँई बात की कमी? जखो बो मिनखा की सेवा लेवै? बो तो सगळा जिवांनै सांस, जीवन अर सक्यु देवै ह।

यहून्ना 19:11

ईसु बिऊँ बोल्यो, “ज परमेसर मनै थारै बस म नइ देतो जणा थे क्युंई कोनी कर सका हा। इ ताँई जखो मिनख मनै तेरै हाता म सूप्यो ह बो तेरूँ बी बडो पापी ह।”

यहून्ना 14:6

ईसु बिऊँ बोल्यो, “सच, जीवन अर गेलो मई हूँ। मेरै बिना कोई परम-पिता कनै कोनी जा सकै।”

यहून्ना 5:26

क्युं क जंय्यां परम-पिता जीवनदाता ह, ठिक बंय्यांई बो आपका बेटानै बी जीवन देबा को अधिकार दे राख्यो ह।

मत्ती 27:2

अर बे ईसु का हातानै बांदके रोमी राजपाल पीळातुस कनै लेग्या। अर बिकै हाता म बिनै सूप दिआ।

2 कुरन्थीयो 9:13

थारी इ सेवा की बजेऊँ बे परमेसरनै मेमा देसी। क्युं क बा ताँई अर सगळा बिस्वासी ताँई थारो खुला हियाऊँ दान करबो ओ साबित करै ह क थे मसी का चोखा समचार प चालबाळा हो।

गलातियो 3:26

थे सगळा इब मसी ईसु प बिस्वास करबा की बजेऊँ परमेसर का बेटा हो।

1 तिमूतियूस 1:12

म आपणा परबु मसी ईसु जखो मनै ताकत दि ह, बिको गुण-एसान मानू हूँ क, बो मनै बिस्वास जोगो जाणर आपकी सेवा सूपी ह।

1 तिमूतियूस 1:15

आ बात बिस्वास जोगी अर मानबाळी ह क, मसी ईसु इ दुनिया म पाप्यानै बचाबा ताँई आयो हो। जामै सऊँ बडो पापी म हूँ।