1 तिमूतियूस 5:22 - जीवन को च्यानणो (सेकावाटी नया नियम की पोथ्या)

²² मिनखा क सीर प आसिरबाद देबा ताँई हात म्हेलर बानै परमेसर की सेवा म देबा ताँई तावळ मना करजे। दुसरा क पाप म सामिल मना होए, खुदनै पबितर बणायो राख।

1 तिमूतियूस 5:22 Referans Kwoze

इफिसुस 5:11

अर अँधकार का बुरा कामा म सामिल मना होवो जंय्यां मिनख करै ह इकी बजाय बानै बाका बुरा कामा ताँई चेताओ।

1 तिमूतियूस 3:10

अ पेल्या बिचास्या जावीं अर ज आमै कोई एब नइ होवै जणाई आनै बिस्वासी मंडळी का सेवक की जंय्यां काम करबा द्‍यो।

1 तिमूतियूस 3:6

बो बिस्वास म पक्को होणो चाए, क्युं क कदै अंय्यां नइ होवै क, बो सेतान की जंय्यां गुमान कर सजा पावै।

1 तिमूतियूस 4:14

तेरै मांयनै जखो आत्मिक बरदान ह जखो तनै बि टेम मिल्यो हो जद परमेसर की खेबाळा अर बिस्वासी मंडळी का मुखिया तेरा सीर प तनै आसिरबाद देबा ताँई हात मेहल्या हा, बि बरदान बई लापरवा मना हो।

भेजेड़ा चेला का काम 6:6

अर आनै भेजेड़ा चेला क सामै लेज्यार खड़्या कर दिआ जणा बे बापै हात धर'र अरदास कर दिनी।

2 यहून्ना 1:11

क्युं क जखो मिनख बिकी आवभगत करै ह बो बिका बुरा करमा म सामिल होवै ह।

2 तिमूतियूस 1:6

जणाई म तनै याद दिआऊँ क, बि बरदाननै थाम्यो राख, जिनै परमेसर तनै बि टेम दिओ हो जद म तेर प हात धर्यो हो।

इबरानीआ 6:2

सुद होबा का रिती-रिवाजा की सीख, सीर प हात धरबो, मरेड़ा को ओज्यु जिबो अर आखरी न्याय।

2 तिमूतियूस 2:2

जखी बाता तू मेरूँ बोळा सारका गुवाई देबाळा की मोजूदगी म सुणी ह बा बातानै बिस्वास जोगा मिनखानै सूप दे, जखा दुसरानै सीखाबा जोगा हीं।

1 तिमूतियूस 4:12

तनै कोई क सामैई निचो नइ देखणो पड़ै क्युं क तू जवान ह, पण बोली-चाली, चाल-चलन, प्यार-परेम, बिस्वास अर खराई म तू बिस्वास्या क सामै नमूनो बणज्या।

भेजेड़ा चेला का काम 13:3

जणा बे बरत अर अरदास कर बाकै माथा प हात म्हेलर बानै बिदा कर्या।

दरसाव 18:4

मनै ईस्बर नगरीऊँ एक ओर हेलो अंय्यां बोलता सुणाई दिओ, “ ‘मेरा मिनखो, इमैऊँ बारनै आज्याओ,’ जिऊँ थे इका पाप म सामिल नइ होवो, अर थे बिपै पड़बाळी बिपदाऊँ बचज्यावो।

भेजेड़ा चेला का काम 20:26

इ ताँई म आज थानै गुवाई देर बोलुँ हूँ क ज थारै मालो कोईबी नास होसी बिकी मेरी जुबाबदारी कोनी।

भेजेड़ा चेला का काम 18:6

पण जद बे मिनख पोलुस को बिरोद अर बिकी बुराई करबा लागगा जणा बो आपको पल्लो झाड़ लिओ अर बोल्यो, “थारी करनी थेई पाओ! इमै मेरी कोई जुबाबदारी कोनी अर इबऊँ म गैर-यहूदि मिनखा क कनै जास्युं।”

1 तिमूतियूस 3:2

एक बिस्वासी मंडळी का रूखाळा परधान म आँगळी टेकबा की झघा नइ हो, बिकै एकई लूगाई हो, खुदनै बस म राखबाळो, थ्यावस राखबाळो अर मरियादा म रेह्बाळो, बो आपकै घर म अणजाण की बी आवभगत करै, बो सीखाबा म निधान हो।