1 तिमूतियूस 5:1 - जीवन को च्यानणो (सेकावाटी नया नियम की पोथ्या)

¹ जद तू बूडा-ठेरा मिनखानै चेतावै जणा बानै मना दकालजे, पण बाऊँ ईज्जतऊँ बोलजे जंय्यां क खुदका बापऊँ बोलै ह। अंय्यांई जवान मोट्यारा क सागै खुदका भाई की जंय्यां बरताव कर।

1 तिमूतियूस 5:1 Referans Kwoze

तितूस 2:2

बूडा-ठेरानै हिदायत दे क बे सिदा-सादा, थ्यावस राखबाळा, खुदनै बस म राखबाळा लोगा म बुजहाळा, प्यार-परेम अर बिस्वास म मजबूत अर बरदास करबाळा हो।

1 पतरस 5:1

इब म, थारै माला बिस्वासी मंडळी का मुखियाऊँ अरदास करूं हूँ। म खुद एक बिस्वासी मंडळी को मुखियो हूँ अर मसी जखो दुख भोग्यो हो बिको म गुवा हूँ अर आबाळी मेमा को म पाँतीवाळ हूँ।

गलातियो 6:1

ओ मेरा लाडला बिस्वास्यो, थे जखा आत्मिक जीवन जीओ हो, ज थारी नजर्या म थार मऊँ कोई पाप करतो पकड़्यो जावै, जणा बिकै सागै नरमाईऊँ बरताव कर बिकी मदद करो जिऊँ बो पाछो बिस्वास म आज्यावै। अर थे बी हुस्यार रेहज्यो कदै थे पाप म नइ पड़ जाओ।

तितूस 2:6

अंय्यांई तू जुवान छोरानै समजदारीऊँ जीबा ताँई समजा।

मत्ती 23:8

“थे जखा मेरा चेला हो खुदनै गरूजी मना खुवायो क्युं क थारो गरूजी एक ह अर बो म हूँ। थे सगळा भाई-भाण हो।

1 तिमूतियूस 5:17

एक मुखिया क रूप म, जखाबी बिस्वासी मंडळी का मुखिया, चोखो काम करीं बे दुणा मान क जोगा समज्या जावै, खासकर बे जखा परचार अर सीखाबा म घणी मेनत करीं हीं।

रोमीयो 13:7

कोईकी उधारी ह जणा बिनै चुकतो कर दे, अर जखो कर जिनै देणो ह बिनै दे। अर चुंगी लेबाळानै चुंगी दे। जिऊँ डरबो चाए बिऊँ डर अर जिको मान करबो चाए बिको मान कर।

भेजेड़ा चेला का काम 15:4

बाकै यरूसलेम पुगताई बठै की बिस्वासी मंडळी, भेजेड़ा चेला अर बिस्वासी मंडळी का मुखिया बाऊँ राजी होर मिल्या, अर बे बानै बताया क परमेसर बाकै सागै होर कंय्यां का बडा-बडा काम कर्या ह।

भेजेड़ा चेला का काम 14:23

अर बे सगळी बिस्वासी मंडळ्या म मुखिया टाळ्या अर बरत क सागै अरदास कर बानै परबु क हाता म सूप दिआ जिपै बे बिस्वास कर लिआ हा।

दरसाव 4:4

बि सिंघासन क च्यारूमेर चोबिस सिंघासन ओर हा, बाकै उपर चोबिस बडका बेठ्या हा। बे धोळा गाबा पेर राख्या हा अर बाका माथा प सोना का ताज हा।

3 यहून्ना 1:1

म, बिस्वासी मंडळी को मुखियो, आ चिठी लाडला गयुसनै मांडू हूँ , जिऊँ म बिकै सचाई प चालबा की बजेऊँ परेम करूं हूँ।

2 यहून्ना 1:1

म बिस्वासी मंडळी को मुखियो, आ चिठी बि लूगाईनै अर बिका टाबरानै मांडू हूँ। जिनै परमेसर टाळ्यो हो, अर बिका टाबराऊँ, म बाकै सचाई प चालबा की बजेऊँ परेम करूं हूँ। अर मई थारूँ परेम कोनी करूं पण बे सगळा जखा सचाईनै जाणगा हीं बे बी बाऊँ परेम करीं हीं।

याकूब 5:14

अर ज कोई थारै मांयनै रोगलो होवै जणा बिनै बिस्वासी मंडळी का मुखियानै बुलाबो चाए जिऊँ बे बिकै परबु क नामऊँ तेलऊँ अभिसेक कर अरदास करै।

याकूब 3:17

पण जखी बुदी ईस्बर नगरीऊँ आवै ह बा सऊँ पेली तो पबितर होवै अर बिकै पाछै स्यांतीऊँ भरेड़ी, नरमाईऊँ भरेड़ी, बात मानबाळी, अपरम्पार दयाऊँ भरेड़ी, चोखा कामाऊँ भरेड़ी, दोगलोपुणो नइ करबाळी अर खरी होवै ह।

भेजेड़ा चेला का काम 20:17

पोलुस मिलेतूसऊँ इफिसुस म खुवा भेज्यो अर बिस्वासी मंडळी का मुखियानै आपकै कनै बुलावो भेज्यो।

भेजेड़ा चेला का काम 15:6

जणा बिस्वासी मंडळी का मुखिया अर भेजेड़ा चेला इ बात प बिचार करबा ताँई भेळा होया।

1 तिमूतियूस 5:2

अर बूडी-ठेरी लूगायानै माँ जंय्यां अर जवान लूगायानै पूरी खराई क सागै भाण समजर बरताव कर।