1 तिमूतियूस 4:12 - जीवन को च्यानणो (सेकावाटी नया नियम की पोथ्या)

¹² तनै कोई क सामैई निचो नइ देखणो पड़ै क्युं क तू जवान ह, पण बोली-चाली, चाल-चलन, प्यार-परेम, बिस्वास अर खराई म तू बिस्वास्या क सामै नमूनो बणज्या।

1 तिमूतियूस 4:12 Referans Kwoze

तितूस 2:7

तू खुद बोई कर जखो चोखो ह, जिऊँ दुसरानै बेरो पड़ै की बानै कंय्यां को बरताव करबो चाए। तू तेरी सीख म ईमानदार अर खरो बण्यो रेह।

2 तिमूतियूस 2:22

जुवानी की बुरी इंछ्याऊँ भाज अर जखा पबितर मनऊँ परबु को नाम लेवीं हीं बाकै सागै खुदनै धरम, बिस्वास, परेम अर मेळमिलाप क सागै संगरो राख।

2 तिमूतियूस 2:15

परमेसर की नजर्या म खुदनै काम करबाळो मिनख बणबा ताँई मेनत कर, जिऊँ तनै सरमिन्दो नइ होणो पड़ै, पण परमेसर क सच का बचनानै सई-सई सीखावै।

1 पतरस 5:3

अर जखी बिस्वासी मंडळी थारी देखरेख म ह बिपै जोर मना जमायो। पण बा ताँई सीख बणो।

1 कुरन्थीयो 11:1

म मसी की जंय्यां जीबा की कोसिस करूं हूँ, बंय्यांई थे बी करो।

1 थिसलूनिकी 1:6

थे कळेस क बावजुद बी पबितर आत्मा का दियड़ा आनंद क सागै परमेसर का बचननै मानर म्हारी अर परबु की जंय्यां चालबाळा बणग्या।

तितूस 2:15

तू अ सगळी बाता अधिकार क सागै तेरा सुणबाळानै सीखा, जुर्त पड़ै तो बाकै दकाल लगा अर जुर्त पड़ै तो हिमत बंधा। कोईकै सामैई तनै निचो नइ देखणो पड़ै।

मत्ती 18:10

“सुणो थे मेरो खयो मानबाळानै निचो मना जाणो क्युं क ईस्बर नगरी दुत थारो लेखो-जोखो मेरा परम-पितानै देवै ह।

2 तिमूतियूस 2:7

जोक्यु म बोलुँ हूँ बिपै गोर धर, क्युं क परबु तनै सगळी बातानै समजबा की बुदी देसी।

याकूब 3:13

थार म स्याणो अर समजदार कूण ह? अर ज कोई अंय्यां को ह जणा बो आनै आपका चोखा जीवनऊँ, नरमाई अर बुदीऊँ भर्या कामाऊँ दिखावै।

याकूब 3:17

पण जखी बुदी ईस्बर नगरीऊँ आवै ह बा सऊँ पेली तो पबितर होवै अर बिकै पाछै स्यांतीऊँ भरेड़ी, नरमाईऊँ भरेड़ी, बात मानबाळी, अपरम्पार दयाऊँ भरेड़ी, चोखा कामाऊँ भरेड़ी, दोगलोपुणो नइ करबाळी अर खरी होवै ह।

फलिपी 4:8

मेरा लाडला बिस्वास्यो, जखी बाता सची, आदरमान करबाळी, धारमिक, पबितर, प्यारी, सदगुण, चोखी, बडाई जोगी ह बा बाताऊँ थे थारी बुदीनै भरल्यो।

1 थिसलूनिकी 2:10

थे खुद अर परमेसर इ बात का गुवा हो क थारै बिस्वास्या म म्हारो भेवार कंय्यां को पबितर, धारमिक अर बेदाग हो।

1 तिमूतियूस 1:14

अर परबु मेर प खूब दया करी, अर सागैई बो परेम अर बिस्वास जखो मसी ईसु म ह बो मनै मिल्यो।