1 तिमूतियूस 3:2 - जीवन को च्यानणो (सेकावाटी नया नियम की पोथ्या)

² एक बिस्वासी मंडळी का रूखाळा परधान म आँगळी टेकबा की झघा नइ हो, बिकै एकई लूगाई हो, खुदनै बस म राखबाळो, थ्यावस राखबाळो अर मरियादा म रेह्बाळो, बो आपकै घर म अणजाण की बी आवभगत करै, बो सीखाबा म निधान हो।

1 तिमूतियूस 3:2 Referans Kwoze

2 तिमूतियूस 2:24

परमेसर को दास लड़बाळो नइ पण सगळा प दया दिखाबाळो, थ्यावस राखबाळो अर चोखो सीखाबाळो होणो चाए।

रोमीयो 12:13

परमेसर का मिनखा की जुर्ता म बाको सागो द्‍यो, मिजमानी घालबा का मोका ढुंढता रेह्ओ।

1 तिमूतियूस 5:9

बि खालीहोइड़ी लूगाई को नाम इ बिदवा सायता सूची म मांडजै जखी साठ बरसऊँ कम नइ होवै, अर बा एकरई ब्याईड़ी होवै,

1 पतरस 4:9

थे बिना बड़बड़ाया एक दुसरा की आवभगत कर्या करो।

1 पतरस 5:8

थे चेता म रह्यो अर जागता रह्यो; क्युं क थारो बेरी सेतान धाड़बाळा सेर की जंय्यां इ खोज म रेह्‍वै ह क किनै पाड़ खाऊँ।

इबरानीआ 13:2

अर अणजाण की आवभगत करबो मना भूलज्यो, क्युं क अंय्यां करर कई मिनख अणभोळ म ईस्बर नगरी दुता की आवभगत करीं ह।

तितूस 2:2

बूडा-ठेरानै हिदायत दे क बे सिदा-सादा, थ्यावस राखबाळा, खुदनै बस म राखबाळा लोगा म बुजहाळा, प्यार-परेम अर बिस्वास म मजबूत अर बरदास करबाळा हो।

फलिपी 2:15

जिऊँ थे इ जगत म रेह्बाळा कुटिचर अर पापी मिनखा म परमेसर का खरा अर बिना बलेम हाळा सायर टाबर बण सको। अर आसमान म तारा जंय्यां चिलकै ह बंय्यां थानै बी जगत का मिनखा म चिलकणो चाए,

1 पतरस 4:7

बा घड़ी सांकड़ैई ह जद सक्यु नास होज्यासी। इ ताँई स्याणा बणो अर खुदनै बस म राखो जिऊँ थानै अरदास करबा म मदद मिलै।

इबरानीआ 3:14

क्युं क ज आपा पेलड़ा बिस्वास म आखीर ताँई मजबूत बण्या रेहस्यां जणाई आपा मसी का पाँतीवाळ बणस्यां।

1 तिमूतियूस 4:3

अंय्यां का मिनख ब्या करबानै गळत अर खाबा की क्युंक चिजाऊँ परेज करबा की सीख देसी, पण परमेसर बा चिजानै इ ताँई बणायो हो क, बिस्वासी अर सचनै जाणबाळा बानै परमेसर को धनेवाद कर खावै।

लूका 1:6

परमेसर की नजर्या म बे दोन्युई धरमी हा अर बे परबु का सगळा हुकमानै मानबा म खरा हा।

लूका 2:36

अर बठै हन्ना नाम की परमेसर की खेबाळी एक बूडी लूगाई ही। अर बा आसेर का कूणबा का फानूल की छोरी ही। अर बा आपकै ब्या क सात बरसा ताँई सुहागण ही।

1 तिमूतियूस 3:8

बिस्वासी मंडळी का सेवक बी सचा अर ईज्जत हाळा होणा चाए; बे पिसा का भूखा अर घणी अँगूरी पीबाळा नइ हो;

1 तिमूतियूस 3:12

बिस्वासी मंडळी का सेवक क एकई लूगाई हो, अर बो खुदका टाबरा अर खुदका परवारनै सूल चलाबाळो हो।

1 तिमूतियूस 5:10

जिको चोखा काम करबा म नाम होयड़ो हो, अर जखी आपका टाबरानै सूल पाळी हो, जखी पराया अर अणजाण मिनखा की आवभगत करी हो, परमेसर का मिनखा को खुदका घर म आवभगत करी हो, दिन-दुखीया की मदद करी हो, अर जखी खुदनै चोखा काम करबा म लगादि होवै।

1 तिमूतियूस 5:22

मिनखा क सीर प आसिरबाद देबा ताँई हात म्हेलर बानै परमेसर की सेवा म देबा ताँई तावळ मना करजे। दुसरा क पाप म सामिल मना होए, खुदनै पबितर बणायो राख।