1 तिमूतियूस 2:1 - जीवन को च्यानणो (सेकावाटी नया नियम की पोथ्या)

¹ इब सऊँ पेल्या म थारूँ अंय्यां अरज करूं हूँ क, बिणती, अरदास, बिचबचाव अर धनेवाद परमेसरनै सगळा मिनखा ताँई दिओ जावै।

1 तिमूतियूस 2:1 Referans Kwoze

2 थिसलूनिकी 1:3

मेरा लाडला बिस्वास्यो, थारै ताँई म्हानै पिता परमेसरनै धनेवाद देतो रेह्णो चाए अर ओ बाजीब बी ह, क्युं क थे बिस्वास म बोळा बढर्या हो। था सगळा म आपसरी म बोळो प्यार-परेम ह।

याकूब 5:16

इ ताँई एक दुसरा क सामै खुदका पापनै मानल्यो अर एक दुसरा ताँई अरदास करो जिऊँ थे भला चंगा होज्याओ। धरमी मिनख की अरदास बोळी सक्‍तिसाली अर असर करबाळी होवै ह।

इफिसुस 5:20

अर आपणा परबु ईसु मसी का नामऊँ परम-पिता परमेसर को सगळी बाता ताँई सदाई धनेवाद देता रह्यो।

2 तिमूतियूस 2:24

परमेसर को दास लड़बाळो नइ पण सगळा प दया दिखाबाळो, थ्यावस राखबाळो अर चोखो सीखाबाळो होणो चाए।

1 तिमूतियूस 2:4

अर बो चावै क, धरती का सगळा मिनख बचज्यावीं अर बे सचनै जाणी।

फलिपी 1:3

जद बी म थानै याद करूं जणा थारै ताँई परमेसर पिता को धनेवाद करूं हूँ;

इबरानीआ 6:11

म्हारी तो आई दिली इंछ्या ह क थे हरेक जणा आखीर ताँई इ लगनऊँ काम करता रेह्‍वो, जिऊँ थारी आस पूरी होज्यावै।

तितूस 3:2

बाऊँ बोल क बे कोईकी बुराई नइ करै, पण सगळा क सागै चोखो बरताव कर रळमिलर स्यांतीऊँ रेह्‍वै।

तितूस 2:11

क्युं क परमेसर सगळा मिनखा का छुटकारा ताँई दया दिखाई ह।

1 तिमूतियूस 5:5

बा जखी सचमई खालीहोइड़ी लूगाई ह जिकै कनै बिकी साळसमाळ करबाळो कोई कोनी, अर जखी परमेसर म आस राखै ह अर रात-दिन अरदास करै ह अर परमेसरऊँ मदद माँगै ह।

1 कुरन्थीयो 15:3

सऊँ खास बात जिको मनै बेरो पड़्यो बा म थानै खे सुणाई क सास्तर म मांडेड़ो ह क, मसी आपणा पाप की सजा भोगबा ताँई मर्यो,

भेजेड़ा चेला का काम 17:30

परमेसर बि टेम का मिनखा को लेखो कोनी लेबो चायो जद बे बिनै कोनी जाणता हा, पण इब बो हुकम देवै ह क सगळी धरती का सगळा मिनख पापऊँ तौबा करै।

1 थिसलूनिकी 3:12

अर परबु करै थारो प्यार-परेम आपसरी म अर सगळा मिनखा क सागै दिन-दिन बढतो अर ओर बी बेत्ती बढतो जावै जंय्यां म्हारो प्यार-परेम थारै सागै ह।

रोमीयो 6:17

पण परमेसर को गुण-एसान क, थे पाप का दास होबा क बावजुद बी, बि सीखनै हियाऊँ मान्या जखी थानै सूपी गई ह।

रोमीयो 1:8

सऊँ पेली म थारै सगळा ताँई ईसु मसी म परमेसर को धनेवाद देऊँ हूँ, क्युं क सगळी दुनिया म थारा बिस्वास क बारां म बतायो जार्यो ह।

2 कुरन्थीयो 8:6

इ ताँई म्हें तितूसनै बोल्या हा क जंय्यां बो दान भेळा करबा का कामनै थारै मांय सरू कर्यो हो, बिनै सूल पूरो करबा म थारी मदद करै।

इफिसुस 3:13

जणाई म थारूँ हात जो'ड़र खेऊँ हूँ क, थे हिमत मना हारो क्युं क म थारै ताँई जेळ म दुख उठार्यो हूँ, अर अ सगळी बाता थारै भला ताँई ह।

इफिसुस 6:18

हरेक मोका प अर सगळी बाता म पबितर आत्माऊँ अरदास करता रह्यो अर बंय्यांई सगळा परमेसर का मिनखा ताँई जी ज्यानऊँ अरदास करबा ताँई जागता रेह्ओ।

फलिपी 4:6

कोईबी बात की चिंत्या मना करो, पण परमेसर को सगळी बात ताँई दिलऊँ धनेवाद करता होया थानै जखो चाए ह बि ताँई बिऊँ अरदास अर बिणती कर माँगता रह्यो।