1 तिमूतियूस 1:9 - जीवन को च्यानणो (सेकावाटी नया नियम की पोथ्या)

⁹ आ जा'णर क नेम-कायदा धरम्या ताँई कोनी, पण अधरम्या, खयो नइ मानबाळा, परमेसरनै नइ मानबाळा, पापी, असुद, माँ-बाप को बुरो करबाळा, मिनखानै मारबाळा,

1 तिमूतियूस 1:9 Referans Kwoze

गलातियो 3:19

जणा नेम-कायदा की कठै जुर्त री? आ तो पाछै दि गई जिऊँ आपानै बेरो चालै क आपा पाप करां हां, बि एक वंसज क आबा ताँई जिकै बारां म करार कर्यो गयो हो। अर नेम-कायदा तो ईस्बर नगरी दुता की बजेऊँ मूसानै दिआ गया हा, अर बो मिनखानै दिओ। अर मूसा अंय्यां एक बिचोलिओ होयो।

1 पतरस 4:18

अर जंय्यां सास्तर बोलै ह, “ज धरमी मिनखई बडी मुसकीलाऊँ बचसी, जणा पाप्या अर जखा भगतीऊँ न्यारा रेह्‍वै ह बाको काँई होसी?”

रोमीयो 5:20

नेम-कायदा इ ताँई आया क पाप बढ सकीं। पण जठै पाप बढ्यो बठै परमेसर की दया इऊँ ओर बी ज्यादा बढी।

गलातियो 5:23

नरमाई अर खुदनै बस म राखबो, अंय्यां का कामा क खिलाप म कोई नियम कोनी ह।

तितूस 3:3

क्युं क मसीनै मानबाऊँ पेली आपा बी बेबुदी का, खयो नइ मानबाळा, भटकेड़ा अर हरतर्या की मो-माया का गुलाम हा। आपणो जीवन बुराई अर बळोकड़ा पुणाऊँ भरेड़ो हो। अर आपा एक दुसराऊँ नफरत करता हा।

रोमीयो 6:14

थार प पाप को राज कोनी हो सकै क्युं क थे नेम-कायदा क साराऊँ कोनी जीओ पण परमेसर की दया क साराऊँ जीओ हो।

रोमीयो 1:30

बे आपका मुंडाऊँ एक दुसरा की बुराई करबाळा, परमेसरऊँ नफरत करबाळा, उपरादी, गुमानऊँ भरेड़ा अर फांप मारबाळा हीं। बे बुराई करबा की नई-नई तरकीब घड़ी हीं। बे आपका माँ-बापा का कह्या म कोनी चालीं।

दरसाव 22:15

पण जादू-टोणा करबाळा, हत्यारा, कुकरमी, मूरती धोकबाळा अर बे हरेक जखा झूठनै चावै ह अर बिपै चालै ह बे हड़कायड़ा गंडक की जंय्यां हीं अर बे नगरी क बारनै रेह्सी।

दरसाव 21:8

पण डरपोक, परमेसर म बिस्वास नइ करबाळा, भरस्ट, हत्यारा, कुकरमी, जादू-टोणा करबाळा, मूरती धोकबाळा अर झूठा मिनखानै तिजाब हाळा नरक का भबकती आग का कूंड म गेर्यो जासी। आई दुसरी मोत ह।”

तितूस 1:16

बे खेवै ह, क म्हें परमेसरनै जाणा हां, पण बाका करम इ जोगा कोनी। बे सूगला अर बात नइ मानबाळा अर चोखा काम करबा क जोगा कोनी।

1 पतरस 3:20

अ बा मिनखा की आत्मा ही जखी नूह का टेम म जद बो झाज बणार्यो हो बे परमेसर का कह्यानै कोनी मान्या पण परमेसर बा बेई थ्यावस राख्यो। बस आठ मिनख झाज म बड़्या अर पाणी म डूबबाऊँ बचाया गया हा।

इबरानीआ 11:31

बिस्वास करबा की बजेऊँई राहाब नाम की रांड हुकम नइ मानबाळा क सागै कोनी मारी गई, क्युं क बा भेध्या की आवभगत करी ही।

2 थिसलूनिकी 2:8

जणा पाछै परमेसर का नियम कायदानै तोड़बाळो परगट होसी। बिनै परबु ईसु आर आपकी मोजूदगी का च्यानणाऊँ अर फूंकऊँ नास कर देसी।

रोमीयो 4:13

अब्राहम अर बिकी ओलादानै ओ करार क बे जगत का वारिस होसी, नेम-कायदाऊँ कोनी मिल्या पण बि धारमिक्‍ताऊँ मिल्या जखी बिस्वास की बजेऊँ आई ही।

मत्ती 10:21

सागे भाई-भाण भाई-भाणानै पकड़ा'र मरवासी, माँ-बाप टाबरानै मरवासी अर टाबर माँ-बापा क सामै होर बानै मरवा गेरसी।

1 पतरस 2:7

जणा इब थे जखा बिपै बिस्वास करो हो, बा ताँई बो भाठो अंय्यां को ह, जिको मोलई कोनी लगायो जा सकै। पण बिपै बिस्वास कोनी करबाळा ताँई बो भाठो अंय्यां को ह, “जि भाठानै चेजारा ख्याई जोगो कोनी जाण्या, बोई कूणा को भाठो निकळ्यो।”

इबरानीआ 12:16

ध्यान द्‍यो क कोई कुकरमी नइ होवै अर नइ कोई एसाव की जंय्यां बिना परमेसर क होवै, जखो एक टेमकी रोटी खाबा ताँई आपका पेलीपोतको होबा का हकनै बेच दिओ।

गलातियो 5:21

जळबो, नसो करबो, भोगबिलास करबो अंय्यां का ओर बि बोळा काम हीं। जाकै बारां म पेल्या बी म थानै चेता दिओ हूँ अर ओज्यु चेतार्यो हूँ क, अंय्यां का काम करबाळा मिनख परमेसर का राज म वारिस कोनी होसी।

गलातियो 5:18

अर ज थे पबितर आत्मा क कह्या गेल भेवार करो हो जणा थे नेम-कायदा क बस म कोनी हो।

1 तिमूतियूस 4:7

पण खुदनै, नइ खेबा जोगी बा क्हाणी-कथाऊँ परै राख, जामै परमेसर कोनी पण खुदनै परमेसर की भगती म लगायो राख।

1 तिमूतियूस 6:20

ओ तिमूतियूस, जखो तनै सोप्यो गयो ह बिनै समाळर राख। दुनियादारी की बात अर बकवास जिरैऊँ खुदनै परै राख जिनै क्युंक मिनख गळतीऊँ “ज्ञान” बोलै ह।

2 तिमूतियूस 2:16

मिनखनै परमेसरऊँ दूर लेज्याबाळी दुनियादारी अर बकवास बाताऊँ खुदनै दूर राख।

2 तिमूतियूस 3:2

क्युं क मिनख मतलबी, लालची, फाँप मारबाळो, मरोड़ म बाँका अर बुराई करबाळा, खुदका माँ-बाप को खयो नइ मानबाळा, दया नइ करबाळा, अधरमी होसी।

तितूस 1:6

एक बडका म अ बाता होणी चाए क, बिमै कोई एब नइ हो, बिकै एकई लूगाई हो, बिका टाबर बिस्वासी, संस्कारी अर आज्ञा मानबाळा हो।

तितूस 1:10

क्युं क अठै सीर उठाबाळा, बकवास करबाळा अर धोको देबाळा बोळा मिनख हीं, खासकर बे जखा छुटकारा ताँई सुन्नत प जोर देवीं हीं।

यहूदा 1:15

सगळा को न्याय करसी। बो बा सगळा मिनखानै जखा परमेसरनै कोनी मानी बाका बुरा करमा की सजा देसी, जखा बे कर्या हीं। परबु पक्काईऊँ परमेसरनै नइ मानबाळा मिनखानै बाका हरेक बुरा बोल ताँई सजा देसी जखा परबु बेई बे बोल्या ह।”