1 तिमूतियूस 1:7 - जीवन को च्यानणो (सेकावाटी नया नियम की पोथ्या)

⁷ अर बे नेम-कायदा का सास्तरी होबो चावीं, पण जखी बातानै बे बोलीं हीं अर जखी बाता प बे जोर देवै ह, बानै बे खुदई कोनी समजीं।

1 तिमूतियूस 1:7 Referans Kwoze

रोमीयो 1:22

बे बोलीं हीं क बे स्याणा हीं, पण बे तो मूरख हीं।

2 पतरस 2:12

पण अ मिनख निरबुदी ज्यानबरा की जंय्यां हीं, जखा को जलम पकड़्या जाबा अर नास होबा ताँई होयो ह। अ मिनख जखी बाता क बारां म जाणैई कोनी बाकै बारां म दुसरा की बुराई करीं हीं, अर जंय्यां ज्यानबर मार्या जावीं हीं बंय्यांई अ मिनख बी मार्या ज्यासी।

1 तिमूतियूस 6:4

जणा अंय्यां को मिनख मरोड़ म बांको रेह्‍वै, पण बो क्युंई कोनी जाणै। बिकी मत्ती मारी गई, अर बिनै बाता प जिदबो चोखो लागै ह। बिमैऊँ बळोकड़ोपूणो, दोस लगाबो, सूगली बाता अर बुराई निकळै ह।

गलातियो 3:5

परमेसर, जखो थानै पबितर आत्मा दिनी ह अर थारै मांयनै ताजूब हाळा काम करै ह, के बो थारै मांयनै अ काम नेम-कायदानै मानबा की बजेऊँ नहिस थारै मसी का चोखा समचार प बिस्वास करबा की बजेऊँ करै ह?

2 तिमूतियूस 3:7

अ लूगाया सदाई बा सीखाबाळाऊँ सीखबो तो चावीं, पण सच काँई ह इनै कोनी जाण सकै।

गलातियो 3:2

म तो थारूँ अत्तो जाणबो चाऊँ हूँ, क थानै पबितर आत्मा को बरदान नेम-कायदानै मानबा की बजेऊँ मिल्यो नहिस जखो चोखो समचार थे सुण्या बिपै बिस्वास करबा की बजेऊँ मिल्यो हो?

गलातियो 4:21

नेम-कायदानै मानबाळो, थे मनै बताओ, के थे नेम-कायदा की इ बातनै कोनी सुण्या?

मत्ती 15:14

बाकी बातई मना करो क्युं क बे आँदा मिनखा का नेता बण्या फिरै ह। अर ज आँदो आँदानै गेलो दिखावै जणा बे दोन्यु खाडा म जा पड़ै।”

भेजेड़ा चेला का काम 15:1

इकै पाछै यहूदिआ परदेसऊँ आर क्युंक मिनख बिस्वासी मंडळी का भाईड़ानै सीखाया क, “ज मूसा की रीत गेल थारी सुन्नत नइ करी जावै जणा थानै छुटकारो कोनी मिल सकै।”

मत्ती 21:27

जणा बे ईसुनै बोल्या, “म्हानै कोनी बेरो।” इपै ईसु बी बाऊँ बोल्यो, “जणा म बी कोनी बताऊँ क म अ बाता की अधिकारऊँ करूं हूँ!

लूका 2:46

तीन दिना क पाछै बो बानै ज्ञानीधान्या म बेठ्यो बाकी सुणतो अर बाऊँ सुवाल जुबाब करतो मनदर म लाध्यो।

याकूब 3:1

ओ मेरा लाडला बिस्वास्यो, थार मऊँ घणकराकनै चाए क बे बिस्वासी मंडळी म सीख देबाळा नइ बणै। क्युं क थे जणो हो क म्हें जखा सीख देबाळा हां बाको न्याय ओर बी बेत्ती कल्डाईऊँ होसी।