1 तिमूतियूस 1:16 - जीवन को च्यानणो (सेकावाटी नया नियम की पोथ्या)

¹⁶ पण मेर प इ ताँई दया होई ह क, म जखो सऊँ बडो पापी हूँ मेर म ईसु मसी आपको थ्यावस दिखायो ह, अंय्यां करबाऊँ जखा मिनख बिपै अजर-अमर जीवन ताँई बिस्वास करसी बा ताँई म, एक नमूनो बणू।

1 तिमूतियूस 1:16 Referans Kwoze

1 तिमूतियूस 1:13

पेल्या म मेरा मुंडाऊँ परमेसर की बुराई करबाळो, परमेसर का मिनखानै दिन घालबाळो अर एक अँधेर करबाळो मिनख हो। इकै पाछै बी मेर प दया होई। क्युं क म एक परमेसर म बिस्वास नइ करबाळा की जंय्यां अणभोळ म अ सगळा काम कर्यो हो।

इफिसुस 2:7

ओ उपकार जखो बो मसी ईसु म आपणा प दिखायो ह, बि दया क जरिए बो आबाळा जुग-जुग का मिनखानै बिका उपकार की बोळी मुकळाईनै दिखाबो चावै ह, जिकी कोई होड कोनी कर सकै।

लूका 7:47

जणा म तेरूँ बोलुँ हूँ क इको ओ आँदो परेम ओ दिखावै ह क इका बोळासारा पाप माफ कर्या गया हीं। पण जिका थोड़ा पाप माफ कर्या गया हीं बो थोड़ो प्यार दिखावै ह।”

2 पतरस 3:15

अर आपणा परबु का थ्यावसनै छुटकारो समजो, जंय्यां की म्हारो लाडलो भाईड़ो पोलुस बि ज्ञान गेल जखो बिनै मिल्यो हो थानै मांड्यो हो।

2 पतरस 3:9

अर परबु आपका करेड़ा करारनै पूरो करबा म देर कोनी करै, जंय्यांकी कई मिनख सोचै ह। पण परबु आपणा ताँई थ्यावस धरै ह क्युं क बो कोईको बी नास करबो कोनी चावै। पण बो चावै ह क सगळा मिनखानै पापऊँ हिया फेरबा को मोको मिलै।

1 पतरस 3:20

अ बा मिनखा की आत्मा ही जखी नूह का टेम म जद बो झाज बणार्यो हो बे परमेसर का कह्यानै कोनी मान्या पण परमेसर बा बेई थ्यावस राख्यो। बस आठ मिनख झाज म बड़्या अर पाणी म डूबबाऊँ बचाया गया हा।

यहून्ना 20:31

अर जखी बाता अठै मांडेड़ी ह बे इ ताँई ह क, थे बिस्वास करो क ईसुई परमेसर को बेटो मसी ह अर बिस्वास करके, थे बिका नाम म जीवन पाओ।

यहून्ना 3:36

जखो मिनख परमेसर का बेटा प बिस्वास करै, बिनै अजर-अमर जीवन मिलसी। पण जखो बिकी कोनी मानै, बि ताँई जीवन कोनी अर बो परमेसर की झाळ भोगसी।”

रोमीयो 6:23

क्युं क पाप की मजुरी तो मोत ह पण आपणा परबु मसी ईसु म परमेसर को बरदान अजर-अमर जीवन ह।

भेजेड़ा चेला का काम 13:39

थानै नेम-कायदा गेल छुटकारो कोनी मिल सकै, पण जखो बी बिपै बिस्वास करसी बिनै सगळा पापऊँ अजाद कर्यो जासी अर परमेसर क सामै धरमी बणायो जासी।

यहून्ना 6:54

जखो बी मेरो मास खावै अर मेरो लोय पिवै अजर-अमर जीवन बिको ह। अर आखरी दिन, म बिनै जीवास्युं।

यहून्ना 6:40

क्युं क मेरा परम-पिता की इंछ्या आ ह क जखो बी बेटानै देखै ह। अर बिपै बिस्वास ल्यावै ह बिनै अजर-अमर जीवन मिलै, अर आखरी दिन म खुद बिनै जीवा देस्युँ।”

इबरानीआ 7:25

अर बिकै जरिए जखो बी परमेसर क कनै जावै ह, बाको बो पूरो-पूरो छुटकारो कर सकै ह। क्युं क बो बाकै ताँई अरदास करबा ताँई सदाई जिंदो ह।

2 थिसलूनिकी 1:10

ओ बी दिन होसी जद बो आपका सगळा परमेसर का मिनखाऊँ जखा बिपै बिस्वास करीं हीं बाऊँ मेमा अर आदरमान लेबा आसी। थे बी बा मिनखा म होस्यो, क्युं क म्हें जखो चोखो समचार थानै सुणायो ह बिपै थे बिस्वास कर्यो ह।

इफिसुस 1:12

जणाई म्हें मसी प आस लगाबाळा पेला हां, परमेसर की मेमा ताँई जे-जैकार करां हां।

इफिसुस 1:6

परमेसर की मेमाभरी दया ताँई बिकी जे-जैकार होवै, जखी बिका लाडला बेटा म आपानै सितमित म मिली ह!

2 कुरन्थीयो 4:1

म्हारै प परमेसर की दया होई जिऊँ म्हानै आ सेवा मिली ह, जणा म्हें हिमत कोनी हारां।

रोमीयो 15:4

हरेक बात जखी पबितर सास्तर म मांडी गई ह, बा आपानै सीख देबा ताँई हीं, जिऊँ जखी थ्यावस अर हिमत सास्तराऊँ मिलै ह, बिऊँ आपानै आस मिलै।

यहून्ना 6:37

जोक्यु परम-पिता मनै देवै ह, बो मेरै कनै आसी अर म बिऊँ मुंडो कोनी फेरूं।

यहून्ना 5:24

“म थारूँ सची बोलुँ हूँ, जखा मेरी सुणर मनै भेजबाळा प बिस्वास करीं हीं, अजर-अमर जीवन बाको ह अर बो मिनख सजाऊँ बचज्यासी। बो मोतऊँ पार होर जीवन म बड़गो ह।

लूका 23:43

जणा ईसु बिऊँ बोल्यो, “म तनै बचन देऊँ हूँ क आज तू मेरै सागै परलोक म होसी।”

लूका 15:10

म थारूँ बोलुँ हूँ ठिक अंय्यांई जद कोई पापी पापऊँ तौबा करै ह, जणा परमेसर का ईस्बर नगरी दुता क सामै खुसी मनाई जावै ह।”

1 कुरन्थीयो 7:25

कुंआरी ताँई परबु क कानिऊँ मनै कोई हुकम कोनी मिल्या। इ ताँई म परबु की दयाऊँ अर बिस्वास जोगो होबा की बजेऊँ सला देऊँ हूँ।