1 थिसलूनिकी 5:14 - जीवन को च्यानणो (सेकावाटी नया नियम की पोथ्या)

¹⁴ मेरा लाडला बिस्वास्यो, म्हें थानै समजावां हां क, जखा कामऊँ जी चुरावै ह बानै समजाओ, डरपोकानै हिमत बंधाओ, माड़ानै समाळो अर सगळा क सागै नरमाई बरतो।

1 थिसलूनिकी 5:14 Referans Kwoze

2 तिमूतियूस 4:2

परमेसर का बचना को परचार कर। टेम बेटेम मिनखानै सुदारबा ताँई त्यार रेह। तू मिनखानै सई कर अर बाका पाप प बाकै दकाल लगा। सागैई बानै उदास बी मना होबा दे, बानै हिदायत देती टेम सदाई थ्यावस राखजे।

रोमीयो 14:1

जखा बिस्वास म कमजोर हीं बानै बी सागै राखो, पण बाका मतापै बहस मना करो।

भेजेड़ा चेला का काम 20:35

म परबु ईसु का बे बचन याद राख'र की ‘लेबाऊँ देबो चोखो ह।’ मेरा हाताऊँ मेनत कर माड़ानै समाळर थानै दिखायो हूँ।”

कलुसीयो 1:28

म्हें मसी को परचार कर हरेक मिनखानै चितावां अर सगळा ज्ञानऊँ बानै सीखावां, जिऊँ हरेक मिनखनै मसी म सिद कर परमेसर क सामनै हाजिर कर सकां।

इबरानीआ 13:3

केदिआनै अंय्यां याद राखो जंय्यां थे बी बिकै सागै केद म रिह्या हो। अर जाकै सागै बुरो बरताव कर्यो गयो ह बाकी आ जाणर सुदी ल्यो क जंय्यां थे खुद पिड़ा म हो।

1 तिमूतियूस 6:11

पण तू, जखो परमेसरनै मानबाळो ह, आ सगळी बाताऊँ दूर रेह्जे, पण धारमिक्‍ता, भगती, बिस्वास, परेम, थ्यावस अर दिनता म बण्यो रेह।

इफिसुस 4:2

सगळी बाता म खुदनै छोटो बणार नरमाई समेत, थ्यावस राख'र प्यार-परेमऊँ एक दुसरा की सेण करो;

1 कुरन्थीयो 4:14

म थारी बेजती करबा ताँई अ बाता कोनी मांडर्यो। पण म मेरा लाडला टाबर जा'णर थानै समजाऊँ हूँ।

भेजेड़ा चेला का काम 20:31

जणा इब थे चेता म रेह्‍वो अर आ कदैई मना भूलज्यो की तीन बरसा ताँई दिन-रात आसुआ क सागै थानै एक-एकनै चेताबो कोनी भूल्यो।

मत्ती 12:20

जद ताँई बो धरती प धारमिक्‍ता नइ फेलादे बो खिनई नास कोनी करै। चाए कोई अटकेड़ी पान्नी की जंय्यां हो नहिस दिआ की बुत्तबाळी लोय की जंय्यां कमजोर हो।

इबरानीआ 12:12

इ ताँई थे थारा ढिला हातानै अर कमजोर गोडानै मजबूत करो।

तितूस 1:6

एक बडका म अ बाता होणी चाए क, बिमै कोई एब नइ हो, बिकै एकई लूगाई हो, बिका टाबर बिस्वासी, संस्कारी अर आज्ञा मानबाळा हो।

1 तिमूतियूस 3:3

बो दारूड़ो नइ हो, मारपीट करबाळो नइ हो, पण दयाऊँ भरेड़ो अर स्यांतीऊँ रेह्बाळो होवै, बिको मो रिपीआ म नइ होवै।

इफिसुस 4:32

एक दुसरा प दया कर्या करो अर जंय्यां परमेसर ईसु मसी म थारा बुरा कामा ताँई थानै माफ कर्यो ह बंय्यांई थे बी एक दुसरानै माफ करो।

गलातियो 5:22

पण पबितर आत्मा का फळ परेम, खुसी, स्यांती, थ्यावस, दया, भलाई, बिस्वास,

रोमीयो 12:1

इ ताँई मेरा लाडला बिस्वास्यो मेरी अरदास ह क, परमेसर जखी दया आपणा प दिखाई ह। बिकी बजेऊँ थारी कायानै पबितर अर जीवती भेंट चढावा क रूप म परमेसरनै चढा द्‍यो जखी बिनै राजी करै। क्युं क बिनै ध्यारबा को ओई सचो अर सई तरिको ह।

भेजेड़ा चेला का काम 20:27

क्युं क म परमेसर की सगळी इंछ्या थानै बता दिओ हूँ।

लूका 22:32

पण म तेरै ताँई परमेसरऊँ अरदास करी ह की तेरो बिस्वास बण्यो रेह्‍वै अर जद तू पाछो जीवन का गेला प आवै जणा तेरा भाई-भाणानै बिस्वास म पक्को करजे।”

तितूस 1:10

क्युं क अठै सीर उठाबाळा, बकवास करबाळा अर धोको देबाळा बोळा मिनख हीं, खासकर बे जखा छुटकारा ताँई सुन्नत प जोर देवीं हीं।

1 कुरन्थीयो 8:7

पण ओ ज्ञान सगळा मिनखानै कोनी। अर कई मिनख तो इब ताँई मूरती धोकी हीं, अर बे आ सोचर अंय्यां की चिजा खावीं क ओ तो परसाद ह। अर बाकै अंय्यां करबाऊँ बाकी अन्तर-आत्मा असुद हो जावै ह क्युं क बाको मांयलो माड़ो ह।

2 थिसलूनिकी 3:15

पण बिनै बेरी मना जाणज्यो, पण सागे भाई-भाण जा'णर चेताओ।