1 थिसलूनिकी 5:12 - जीवन को च्यानणो (सेकावाटी नया नियम की पोथ्या)

¹² मेरा लाडला बिस्वास्यो, म्हें थारूँ आ बिणती करां हां क मंडळी का अगुवा जखा थारै ताँई मेनत करै, परबु म थानै गेलो दिखावै अर सीख देवै ह बाको आदरमान करो।

1 थिसलूनिकी 5:12 Referans Kwoze

इबरानीआ 13:17

थे थारा आत्मिक मुखिया प भरोसो करो अर बाकै बस म रेह्‍वो, क्युं क बे बाकी जंय्यां जानै लेखो देणो पड़ै ह थारा पिराणा ताँई जागता रेह्‍वै ह। अंय्यांई कर्या करो जिऊँ बाका काम थारै ताँई बोज नइ पण राजी होबा की बजे बणै। क्युं क बोज समज्या तो थारो क्युंई फाईदो कोनी होवै।

इबरानीआ 13:7

थे बा मुखियानै याद राखो जखा थानै परमेसर को बचन सुण्या हीं। अर ध्यानऊँ बाका चाल-चलन का फळनै देखर बाकी जंय्यांई बिस्वास करो।

1 कुरन्थीयो 16:18

बे मेरी अर थारी आत्मानै राजी करी ह। इ ताँई अंय्यां का मिनख ईज्जत क जोगा हीं।

1 कुरन्थीयो 16:16

थे खुदनै बानै अर बाकी जंय्यां मेनत क सागै परबु को काम करबाळा मिनखानै सूप द्‍यो।

1 कुरन्थीयो 15:10

अर आज म जोक्यु बी हूँ परमेसर की दयाऊँ हूँ, अर बिकी दया मेर ताँई बेकार कोनी गई म दुसरा भेजेड़ा चेलाऊँ बढचढ'र मेनत करी ह। पण आ मेरी काबलीयत कोनी आ तो परमेसर की दया ह।

तितूस 1:3

परमेसर को बचन सई टेम प परचार कर परगट कर्यो गयो। बोई समचार मनै सूप्यो गयो हो, अर आपानै बचाबाळा परमेसर का हुकमऊँ म इको हेलो पाड़ूँ हूँ।

1 थिसलूनिकी 5:14

मेरा लाडला बिस्वास्यो, म्हें थानै समजावां हां क, जखा कामऊँ जी चुरावै ह बानै समजाओ, डरपोकानै हिमत बंधाओ, माड़ानै समाळो अर सगळा क सागै नरमाई बरतो।

1 कुरन्थीयो 12:28

अर परमेसर बिस्वासी मंडळी म न्यारा-न्यारा मिनखानै न्यारा-न्यारा पद दिओ ह, पेलानै भेजेड़ा चेला को, दुसरानै परमेसर की बात बताबा को, तीसरानै गरूजी को अर कोईनै चमत्कार का काम करबाको, अर कोईनै निरोगा करबाको, अर कोईनै मदद करबाको, अर कोईनै बेबस्ता करबाको तो कोईनै न्यारी-न्यारी बोली बोलबा को काम सोप्यो ह।

1 कुरन्थीयो 3:9

परमेसर की सेवा म म्हें साती-संगी हां, अर थे परमेसर का खेत अर बिका भवन हो।

भेजेड़ा चेला का काम 20:35

म परबु ईसु का बे बचन याद राख'र की ‘लेबाऊँ देबो चोखो ह।’ मेरा हाताऊँ मेनत कर माड़ानै समाळर थानै दिखायो हूँ।”

भेजेड़ा चेला का काम 20:28

जणा इब थे बिस्वासी मंडळी का रूखाळा हो आ जिमेदारी थानै पबितर आत्मा सूपी ह। बा लल्ड्या का रेवड़ा का गुवाळ्या बणो, जिनै परमेसर आपका बेटा का लोयऊँ मोल लिओ ह।

लूका 10:7

अर जोक्यु बे थानै दे, बिनै खा-पीर बठैई रेहज्यो, क्युं क ध्यानग्यानै ध्यानगी को हक ह। अर बासो लेबा ताँई घर-घर मना भटकज्यो।

दरसाव 1:20

बा सात तारा, जिनै तू मेरै दाया हात म देख्यो हो अर बा सात सोना का दिपदाना को भेद ओ ह क बे सात तारा बिस्वासी मंडळ्या का सात ईस्बर नगरी दुतानै दिखावै अर बे सात दिपदान सात बिस्वासी मंडळ्यानै दिखावै ह।

तितूस 1:5

करेत टापू म, म तनै इ ताँई छोडर आयो हो क तू बठै की सगळी बचेड़ी बातानै सुदारै अर मेरी हिदायत गेल हर नगरी म बिस्वासी मंडळी का मुखियानै टाळर जिमेबारी सूपै।

2 तिमूतियूस 2:6

मेनत करबाळा किसाननै सऊँ पेली धरती को फळ मिलणो चाए।

कलुसीयो 1:29

इ ताँई तो म, मेर म दम क सागै काम करबाळी बिकी सक्‍तिऊँ कड़ी मेनत करर्यो हूँ।

फलिपी 2:16

अर बानै जीवन को चोखो समचार सुणाणो चाए जणा आ सगळी बाता ताँई मनै मसी क ओज्यु आबा का दिन म थार प फकर होसी क चोखा समचारनै फेलाबा ताँई मेरो काम अर भाग-दोड़ अळी कोनी गई।

गलातियो 4:11

म तो थारै बारां म आ सोचर डरूँ हूँ क, कदै अंय्यां नइ हो क जखी मेनत म थार ताँई करी ही बिपै पाणी फिरज्यावै।

2 कुरन्थीयो 11:23

बे मसी का दास हीं जणा म बावळा की जंय्यां खेऊँ हूँ, म बाऊँ बी बढर मसी को दास हूँ। म बाऊँ बेत्ती मेनत करी ह, बार-बार केद म गयो हूँ, अर बोळीबर कोड़ा खाया, बार-बार मोत को सामनो कर्यो हूँ।

2 कुरन्थीयो 6:1

परमेसर का संगी होबा क नातै म्हें थानै समजावां हां क परमेसर की दया थार प होई ह बिनै बेकार मना जाबाद्‍यो।

2 कुरन्थीयो 5:9

इ ताँई म्हारा हिया की इंछ्या तो आ ह क चाए धरती प रेह्‍वां चाए ईस्बर नगरी म रेह्‍वां पण परमेसरनै भाता रेह्‍वां।

दरसाव 3:14

“लोदिकीया की बिस्वासी मंडळी का मुखियानै मांड। अ बाता बिकै कानिऊँ ह जखो परमेसर का हरेक वादा की जामनी ह, जखो बिस्वास जोगो, सचो गुवा अर परमेसर की सगळी सरस्टि प राज करबाळो ह।

दरसाव 3:7

“फिलीदिलफिआ की बिस्वासी मंडळी का मुखियानै मांड। अ बाता बिकै कानिऊँ ह जखो पबितर अर सचो ह अर जिकै कनै दाऊद राजा की नगरी की ताळी ह। अर बो जि दरूजानै खोलै ह बिनै कोईबी कोनी जुड़ सकै अर जिनै बो जुड़ै ह बिनै कोईबी खोल कोनी सकै।

दरसाव 3:1

“सरदिस की बिस्वासी मंडळी का मुखियानै मांड। अ बाता बिकै कानिऊँ ह जिकै कनै परमेसर की सात आत्मा अर सात तारा हीं। म थारा करमानै जाणू हूँ। थे जिंदा तो बाजो हो पण हो मरेड़ा।

दरसाव 2:18

“थुआतिरा की बिस्वासी मंडळी का मुखियानै मांड। अ बाता परमेसर का बेटा कानिऊँ ह, जिकी आँख्या आग की लपटा की जंय्यां ह, अर पग चमकता काँसा की जंय्यां ह।

दरसाव 2:12

परगमुम की बिस्वासी मंडळी का मुखियानै मांड। अ बात बिकै कानिऊँ ह जिकै कनै पेनी दोधारी तलवार ह।

दरसाव 2:8

“स्मुरना की बिस्वासी मंडळी का मुखियानै मांड। अ बात बिकै कानिऊँ ह जखो पेलो अर आखरी ह, जखो मरगो हो पण ओज्यु जिंदो होगो।

दरसाव 2:3

तू थ्यावस राखै ह, अर मेरा नाम की बजेऊँ दुख भोगतो भोगतो बी थक्यो कोनी।

1 थिसलूनिकी 2:9

मेरा लाडला बिस्वास्यो, म्हें जाणा क थे म्हारी मेनतनै जखी म्हें थार ताँई करी अर दुखानै याद राखो हो। अर थानै पक्काई याद होगो क जद म्हें थानै परमेसर को चोखो समचार सुणार्या हा बि टेम का म्हारो पेट भरबा ताँई रात-दिन कंय्यां मेनत करी। क्युं क म्हें थार प म्हारो बोज कोनी लादबो चावा हा।

यहून्ना 4:38

म थानै बि खेत की लावणी करबानै भेज्यो जिमै थे मेनत कोनी करी। दुसरा बिमै मेनत करी पण इब बि खेत का फळ म थारी बी पाँती ह।”

तितूस 2:15

तू अ सगळी बाता अधिकार क सागै तेरा सुणबाळानै सीखा, जुर्त पड़ै तो बाकै दकाल लगा अर जुर्त पड़ै तो हिमत बंधा। कोईकै सामैई तनै निचो नइ देखणो पड़ै।

1 तिमूतियूस 5:20

जखा पाप करीं बाकै सगळा क सामै दकाल लगा जिऊँ दुसरा पाप करबाऊँ डरै।

1 तिमूतियूस 5:1

जद तू बूडा-ठेरा मिनखानै चेतावै जणा बानै मना दकालजे, पण बाऊँ ईज्जतऊँ बोलजे जंय्यां क खुदका बापऊँ बोलै ह। अंय्यांई जवान मोट्यारा क सागै खुदका भाई की जंय्यां बरताव कर।

फलिपी 2:19

ज परबु ईसु चायो तो, तिमूतियूसनै थारै कनै बेगोसो भेजबा की म आस राखूँ हूँ जिऊँ थारा समचार सुणर मेरी खुसी ओर बढ जावै।

रोमीयो 16:6

मरीयमनै, जखी थारै ताँई बोळी मेनत करी ह, नमस्कार।

रोमीयो 16:12

तरेफेना अर तरेफोसानै जखी परबु म कड़ी मेनत करबाळी हीं, मेरो नमस्कार। मेरी लाडली परसिसनै जखी परबु म बोळी मेनत करी ह, मेरो नमस्कार।

1 थिसलूनिकी 4:1

मेरा लाडला बिस्वास्यो, म्हें थारूँ ईसु मसी का नामऊँ आ अरदास करां अर थानै समजावां हां क जंय्यां थे म्हारूँ परमेसरनै राजी करबाळो जीवन जिबो सीख्यो, अर बंय्यांई जीओ बी हो। जणा म्हें चावां हां क, थे बिमै ओर बी बेत्ती बढता जाओ।