1 थिसलूनिकी 5:11 - जीवन को च्यानणो (सेकावाटी नया नियम की पोथ्या)

¹¹ इ ताँई जंय्यां थे करता आर्या हो बंय्यांई एक दुसरानै हिमत अर सारो द्‍यो।

1 थिसलूनिकी 5:11 Referans Kwoze

इफिसुस 4:29

कोईबी बुरी बात थारै मुंडाऊँ नइ निकळै पण दुसरा को भलो करबाळी बाता बोलो जिऊँ सुणबाळा की जुर्ता पूरी होवै अर बाको भलो होवै।

इबरानीआ 10:25

थे भेळो होबो मना छोडो, जंय्यां क कयानै तो बाणई पड़गी ह। पण एक दुसरानै समजाता रेह्ओ अर जंय्यां-जंय्यां बि दिननै कनै आता देखो जणा थानै ओर बी बेत्ती अंय्यां करबो चाए।

रोमीयो 15:2

आपणा मऊँ हरेक जणो बिस्वासी भाईड़ा की भलाई ताँई बिनै राजी करै जिऊँ बो मजबूत होवै।

इबरानीआ 3:13

जद ताँई आज को दिन खुवावै ह रोजकी एक दुसरा की हिमत बंधाता रेहज्यो। जिऊँ थार मालो कोईसो बी पाप का धोका म आर आपका हियानै काठो नइ करै।

1 थिसलूनिकी 4:18

इ ताँई थे एक दुसरानै आ बाताऊँ हिमत देता रेह्ओ।

रोमीयो 14:19

जणा, बा बाता म लाग्या रेह्ओ जखी स्यांतीनै बढावै ह अर एक दुसरा की आत्मिक बढोतरी म मदद करै ह।

1 कुरन्थीयो 14:12

थार प बी अ बाता लागू होवै ह क्युं क थे आत्मिक बरदान पाबा ताँई उतावळा हो, थे आ कोसिस कर्या करो क थारा आत्मिक बरदानाऊँ बिस्वासी मंडळी पबितर आत्मा म पक्की होवै।

इफिसुस 4:12

बो अंय्यां मसी की कायानै मजबूत करबा अर परमेसर का मिनखानै मसी की सेवा ताँई त्यार करबानै कर्यो।

यहूदा 1:20

पण लाडलो, थे बिस्वास की पबितर निम प मजबूत होता जाओ अर पबितर आत्मा की मददऊँ अरदास करो।

1 कुरन्थीयो 10:23

आपा सक्यु करबा ताँई अजाद हां। पण सक्यु भलाई ताँई कोनी ह। आपा सक्यु करबा ताँई अजाद तो हां पण सगळी बाताऊँ बिस्वास मजबूत कोनी होवै ह।

2 पतरस 1:12

जदकी थे आ बातानै जाणो हो, अर थानै जखी सचाई का बचन मिल्या हीं अर थे आ बचनानै मानो बी हो। जणा बी म थानै अ बाता याद दिवाऊँ हूँ।

2 कुरन्थीयो 12:19

हो सकै ह! थे अंय्यां सोचो हो क, म्हें अंय्यां बोलर खुदको बचाव करर्या हां। नइ! म्हें मसी का दास होर बोल्या, अर इ बात को गुवा परमेसर ह। ओ मेरा लाडला भाईड़ो! म्हें जोक्यु बी कर्या बो थानै आत्मिक रूपऊँ मजबूत करबा ताँई कर्या।

1 कुरन्थीयो 14:29

बिस्वासी मंडळी म दो नहिस तीन जणानैई बोलबो चाए जानै परमेसरऊँ आएड़ा बोल दिआ गया ह बाकी मिनखानै ध्यान देणो चाए क बे काँई खेवै ह।

रोमीयो 15:14

मेरा लाडला बिस्वास्यो, मनै पक्को बेरो ह क थे भलो करबाळा हो, सगळा ज्ञानऊँ भर्यापूरा हो अर एक दुसरानै सीखा सको हो।

1 तिमूतियूस 1:4

अर बा क्हाण्या अर पिड्या प गोर नइ करै जखी राड़ करावै ह, अर परमेसर की बि इंछ्यानै पूरी कोनी करीं, जखी खाली बिस्वासऊँई पूरी हो सकै ह।

1 थिसलूनिकी 4:10

सचमई थे सगळा मकीदुनिया का बिस्वासी भाई-बंदा क सागै प्यार-परेम राखो हो। पण म्हें चावां हां क थे प्यार-परेम म ओर बी बढता जाओ।

1 कुरन्थीयो 14:5

अर म आ चाऊँ हूँ क थे न्यारी-न्यारी बोली म बाता करो पण इऊँ बी बेत्ती म आ चाऊँ हूँ क परमेसरऊँ आबाळा बोलां का समचार को हेलो पाड़ो: क्युं क बिस्वासी मंडळीनै पक्को करबा ताँई जद ताँई न्यारी-न्यारी बोल्या को मतबल समजाबाळा नइ समजावै जणा मंडळीनै काँई फाईदो? इ ताँई परमेसरऊँ आबाळा बोलां का समचार को हेलो पाड़बो बिऊँ बेत्ती जरूरी ह।