1 थिसलूनिकी 4:16 - जीवन को च्यानणो (सेकावाटी नया नियम की पोथ्या)

¹⁶ क्युं क परबु खुदई ईस्बर नगरीऊँ जोरका हेला क सागै आदेस, परधान दुत की ललकार अर परमेसर की तुरई की उवाज क सागै उतरसी, अर मसी म जखा मरग्या बे पेल्या जी उठसी।

1 थिसलूनिकी 4:16 Referans Kwoze

दरसाव 1:7

“देखो, बो बादळा क सागै आर्यो ह,” अर “हरेक आँख बिनै देखसी, अठै ताँई बे बी जखा बिनै मार्या हा।” अर धरती का सगळा कूणबा का मिनख “बि ताँई छाती पिटसी।” अंय्यांई होसी! अंय्यांई होवै।

1 कुरन्थीयो 15:23

पण आपणा सगळा को बी सरो आसी। सऊँ पेली परमेसर मसीनै मरेड़ाऊँ जीवायो अर जद ईसु ओज्यु आसी जणा परमेसर बा सगळानै जीवासी जखा मसीऊँ जुड़ेड़ा हीं।

मत्ती 16:27

जद मिनख को बेटो ईस्बर नगरी दुता क सागै परम-पिता की मेमा म आसी जणा बो मिनखानै बाका कामा गेल फळ देसी।”

मत्ती 25:31

“मिनख को बेटो जद ओज्यु आसी। जणा बो आपकी मेमा अर ईस्बर नगरी दुता क सागै आसी। बो एक राजा की जंय्यां आपका मेमाभर्या सिंघासन प बेठसी।

2 थिसलूनिकी 1:7

अर थे जखा कळेस भोगो हो थानै बो म्हारै सागै सुक-स्यांती देसी। आ बात बि दिन होसी जद परबु ईसु मसी आपका ईस्बर नगरी दुता क सागै भबकती आग म ईस्बर नगरीऊँ आसी,

2 थिसलूनिकी 2:1

मेरा लाडला बिस्वास्यो, आपणा परबु ईसु मसी क आबा अर बिकन भेळा होबा क बारां म, म्हें थारूँ बिणती करां हां क,

भेजेड़ा चेला का काम 1:11

अर बाऊँ बोल्या, “अरै गलिली मिनखो, खड़्या-खड़्या आसमान म काँई देखर्या हो? ओ ईसु जिनै थारै मऊँ ईस्बर नगरी म उठायो गयो ह ओ जंय्यां गयो ह बंय्यांई पाछो आसी।”

2 पतरस 3:10

परबु क ओज्यु आबा को दिन चोर की जंय्यां चाणचुक आज्यासी। बि दिन आसमान जोरऊँ गरजसी अर बो सुजसी कोनी। अर आसमान म जत्ता बी गरह ह बे तपर पिघळ ज्यासी, अर आ धरती अर इपै जोक्यु बी ह बो सक्यु बळ ज्यासी।

दरसाव 8:13

जणा म आसमान म एक बाजनै उडता देख्यो अर बो जोरकी उवाज म बोलर्यो हो, “इबी तो तीन ईस्बर नगरी दुता को तूताड़ी फूंकबो बाकी ह इ ताँई धरती प रेह्बाळा मिनखा प हाय! हाय! हाय!”

मत्ती 26:64

ईसु बोल्यो, “हाँ जंय्यां थे बोलो हो म बोई हूँ। अर थे मिनख का बेटानै सऊँ सक्‍तिसाली परमेसर क दाया हात बेठर राज करता देखस्यो। अर थे मनै ईस्बर नगरीऊँ बादळा मऊँ आतो बी देखस्यो।”

दरसाव 14:13

जणा ईस्बर नगरीऊँ म ओ हेलो सुण्यो, “इनै मांडले: जखा इबऊँ परबु म मरी हीं बे भागहाळा हीं।” पबितर आत्मा खेवै ह, “हाँ क्युं क बे आपका कामाऊँ अराम पासी, अर बाका काम बाकै सागै ह।”

यहूदा 1:9

थानै याद होवै तो ईस्बर नगरी को दुत मीकाईल जखो दुता को मुखियो ह। बिकी जद मूसा की लास ताँई सेतानऊँ जिरै होई, क बिकी लासनै लेज्याबा को हक किको ह। जणा बी बो सेतान की बुराई कोनी करी, बस अत्तोई बोल्यो, “तनै परबुई सजा देवै!” क्युं क बिमै बी न्याय करबा का परबु का अधिकारनै हड़पबा की हिमत कोनी ही।

दरसाव 1:10

अरामहाळा दिन म परबु की जे-जैकार करर्यो हो जणा म पबितर आत्माऊँ भरगो अर म मेरै गेलनै नरसिंगा की उवाज सुणी ,

मत्ती 16:28

ईसु बाऊँ बोल्यो, “म थानै सची खेऊँ हूँ अठै खड़्या मिनखा मऊँ कई तो अंय्यां का हीं क बे जद ताँई मिनख का बेटानै बिका राज म आतो नइ देखलीं जद ताँई बे कोनी मरै।”

1 कुरन्थीयो 15:18

अर जत्ता बी मसी प बिस्वास करता होया मर्या बे तो नास होगा।

1 कुरन्थीयो 15:20

पण सचाई आ ह क मसीनै मरेड़ा मऊँ जीवायो गयो आ इ बात की जामनी ह क मरेड़ानै जीवायो ज्यासी।

1 थिसलूनिकी 1:10

अर बिकाळा बेटा ईसु मसीनै ईस्बर नगरी मऊँ ओज्यु आबानै उडिको हो, जिनै बो मरेड़ा मऊँ ओज्यु जीवायो हो, अर बोई आपानै परमेसर का आबाळा परकोपऊँ बचा सकै ह।

1 थिसलूनिकी 3:11

इब म्हारो परम-पिता परमेसर अर परबु ईसु खुदई अंय्यां को गेलो खोलै क म्हें थारूँ आर मिलां।

दरसाव 8:2

अर म परमेसर क सामै सात ईस्बर नगरी दुतानै खड़्या देख्यो। बानै सात तूताड़ी दि गई ही।