1 थिसलूनिकी 2:7 - जीवन को च्यानणो (सेकावाटी नया नियम की पोथ्या)

⁷ पण जंय्यां माँ आपका टाबरा की खेचळ करै ह बंय्यांकोई नरमाई को भेवार म्हें थारै सागै राख्यो। नहिस म्हें मसी का भेजेड़ा चेला होबा क चलतै थार प रोब जमार बोज गेर सकां।

1 थिसलूनिकी 2:7 Referans Kwoze

1 थिसलूनिकी 2:11

क्युं क थे जाणो हो क, जंय्यां बाप आपका टाबरा क सागै भेवार करै ह बंय्यांई म्हें थारै सागै भेवार राख्यो।

याकूब 3:17

पण जखी बुदी ईस्बर नगरीऊँ आवै ह बा सऊँ पेली तो पबितर होवै अर बिकै पाछै स्यांतीऊँ भरेड़ी, नरमाईऊँ भरेड़ी, बात मानबाळी, अपरम्पार दयाऊँ भरेड़ी, चोखा कामाऊँ भरेड़ी, दोगलोपुणो नइ करबाळी अर खरी होवै ह।

2 कुरन्थीयो 10:1

मसी की दिनता अर नरमाई क सागै म पोलुस निजी तोरऊँ बोलुँ हूँ। थारै मऊँ क्युं क जणा मेरै बारां म बोलीं हीं क जद म थारै आमै-सामै होऊँ बि टेम थारै सागै नरमाईऊँ रेह्ऊँ हूँ अर जद म थारूँ दूर रेह्ऊँ बि टेम सकताई बरतुँ हूँ।

1 कुरन्थीयो 9:22

अर म बिस्वास म कमजोर ताँई कमजोर बण्यो जिऊँ म बानै मसी म ल्या सकूँ अर म मिनखा ताँई क्युंना क्युं बण्यो जोक्यु हो सकै हो बो म कर्यो की म बामैऊँ क्युंकनै बचा सकूँ।

2 कुरन्थीयो 13:4

बो कमजोरी म हो जणा बो सुळी प मर्यो, पण बो परमेसर की सक्‍तिऊँ जिंदो ह। अर म्हें बी बिमै तो कमजोर हां पण परमेसर की सक्‍ति की बजेऊँ बिकै सागै जीवां हां जिऊँ थानै सुदार सकां।

1 कुरन्थीयो 2:3

जणाई म थारै कनै डरपतो, धुजतो अर कमजोरी क सागै आयो,

भेजेड़ा चेला का काम 13:18

अर करीब चाळिस बरसा ताँई बो बानै उजाड़ म बरदास करतो रिह्यो।

गलातियो 4:19

ओ मेरा टाबरो, जद ताँई थार म मसी को सुभाव नइ आज्यावै, जद ताँई म जच्चा की सी पिड़ा भोगर्यो हूँ।