1 थिसलूनिकी 2:17 - जीवन को च्यानणो (सेकावाटी नया नियम की पोथ्या)

¹⁷ मेरा लाडला बिस्वास्यो, जद म्हें क्युंक दिना ताँई थारूँ कायाऊँ दूर हा पण हियाऊँ तो थारै कनैई हा, जणाबी म्हानै थारी बोळी उसेर आई अर थारूँ ओज्यु मिलबा की म्हें बोळी कोसिस करी।

1 थिसलूनिकी 2:17 Referans Kwoze

कलुसीयो 2:5

बंय्यां तो म कायाऊँ थारूँ दूर हूँ पण आत्माऊँ थारै कनै हूँ, म राजी हूँ अर सुणर्यो हूँ क थे सई ढंगऊँ हो अर मसी म थारो बिस्वास मजबूत ह।

1 कुरन्थीयो 5:3

म कायाऊँ तो थारै कनै कोनी पण आत्माऊँ तो थारै कनैई रेह्ऊँ हूँ। अर इ बजेऊँ म अठैऊँई मेरो फेसलो बुरा मिनखा ताँई सुणा दिओ।

1 थिसलूनिकी 3:6

पण तिमूतियूस थारै कनैऊँ पाछो आयोक जणा म्हानै थारै बिस्वास अर प्यार-परेम का चोखा समचार सुणाया। बो म्हानै बतायो क थे सदाई म्हानै प्यार-परेम क सागै याद करो हो, अर जंय्यां म्हारो जी थानै देखबानै करै ह बंय्यांई थारो बी करै ह।

रोमीयो 1:13

मेरा लाडला बिस्वासी भाईड़ो, म चाऊँ हूँ थे इनै जाणो क म बोळी बार थारै कनै आबा की सोची क थारै म बाकी का दुसरा गैर-यहूदि मिनखा की जंय्यां फळ पा सकूँ पण हर बर क्युंना क्युं अंय्यां होयो क म कोनी आ सक्यो।

रोमीयो 15:23

पण इब आ परदेसा म मेरै काम करबा की कोई झघा कोनी बची, अर बोळा बरसाऊँ म थारूँ मिलबा ताँई बी तरसर्यो हूँ।

लूका 22:15

अर बो बाऊँ बोल्यो, “पिड़ा भोगबाऊँ पेली म चाऊँ हूँ क म थारै सागै फसै की रोटी खाऊँ।

भेजेड़ा चेला का काम 17:10

जणा बठै का बिस्वासी भाईड़ा पोलुस अर सीलासनै रात्यु-रातई बठैऊँ बिरीया भेज दिआ अर बे बठै पुगर सिदा यहूदिआ क अरदास करबाळी झघा गया।

लूका 12:58

ज कोई तेरै खिलापत म मुकदमो लेर आवै। अर तनै कचेरी म लेज्यावै जणा चोखो ओई ह क बिऊँ कचेरी म जाबाऊँ पेल्याई सुळजेटो करले। नहिस बो तनै पंच क कनै लेज्यासी। अर पंच तनै परधान क हाता म देदेसी। अर परधान तनै काळ-कोठड़ी म बंद कर देसी।