1 थिसलूनिकी 2:15 - जीवन को च्यानणो (सेकावाटी नया नियम की पोथ्या)

¹⁵ जखा परबु ईसुनै अर परमेसर की खेबाळानै मार्या अर आपानै दिन घाल्या बाऊँ परमेसर बोळो नराज ह क्युं क बे सगळा क विरोध म हीं।

1 थिसलूनिकी 2:15 Referans Kwoze

मत्ती 5:12

जणा थे राजी होज्यो क्युं क ईस्बर नगरी म थानै इको फळ मिलसी। क्युं क बे तो परमेसर की खेबाळानै बी जखा थारूँ पेली हा बानै बी अंय्यांई सताया हा।

भेजेड़ा चेला का काम 7:52

अंय्यां को कोई परमेसर की खेबाळो होयो हो के जिनै थारा बाप-दादा कोनी सताया हो? बे बा परमेसर की खेबाळानै मार गेर्या जखा बि परमेसर का धरमी दास क आबा को समचार पेल्याई दिआ करता हा। अर ठिक बंय्यांई थे बी बिनै धोकाऊँ पकड़ाबाळा अर मारबाळा होया।

भेजेड़ा चेला का काम 2:23

परमेसर आपका मकसद अर आबाळी बातानै जाणबाळा ज्ञानऊँ पेल्याई ते कर्यो, क ईसु थारा हाता म सूप्यो ज्यासी अर थे पापी मिनखा क हाता बिनै पकड़र बिका हाता म किलां ठोकर बिनै सुळी प चढार मार गेरस्यो।

भेजेड़ा चेला का काम 3:15

अर बि जिंदगी देबाळानै मार गेर्यो पण परमेसर बिनै मोतऊँ जिंदो कर दिओ, अर इ बात का म्हें गुवा हा।

लूका 24:20

बिनै म्हारा यहूदि नेता अर परधान याजक पकड़ा'र बिनै मोत की सजा दिवा दिआ अर बिनै सुळी प चढा दिओ गयो।

मत्ती 27:25

जणा बे सगळा बोल्या, “इका जिमेबार म्हें अर म्हारा टाबर-टिकर हीं।”

मत्ती 23:37

“ओ यरूसलेम का मिनखो थे परमेसर की खेबाळानै मारगेर्या अर जिनै परमेसर थारै कनै भेज्या बानै बी थे भाठा मार'र मारगेर्या हो। जंय्यां मुरगी आपका चुजानै पांखड़ा तळै भेळो करै ह बंय्यांई परमेसर बी कत्ती बार भेळो करबो चायो पण थे ओ कोनी चाया।

1 कुरन्थीयो 10:5

पण बामैऊँ घणकराऊँ परमेसर राजी कोनी होयो अर बे मिनख उजाड़ मई मर'र ढेर होगा।

भेजेड़ा चेला का काम 12:3

अर आ देखर क अंय्यां करबाऊँ यहूदि मिनख राजी होवीं हीं जणा बो पतरसनै बी पकड़ाबा की मन म करी, अर बे बिना खमिर की रोटी खाबाळा त्युंहार का दिन हा।

भेजेड़ा चेला का काम 5:30

म्हारा बाप-दादा को परमेसर थारै हाता सुळी प चढार मार्या गया ईसुनै मोतऊँ ओज्यु जीवायो।

भेजेड़ा चेला का काम 4:10

जणा थानै अर इजरायल का सगळा रेह्बाळानै ओ बेरो होज्याणो चाए, क ओ मिनख जखो थारी आँख्या क आगै चोखो-भलो निरोगो खड़्यो ह ओ ईसु मसी नासरी का नामऊँ निरोगो होयो ह। ओ बोई ईसु ह जिनै थे सुळी प चढायो हो अर जिनै परमेसर मर्या पाछै ओज्यु जीवायो हो।

2 कुरन्थीयो 11:26

म बोळीबर लामो-लामो सफर कर्यो, कई बर तो म उफणती नद्‍या को तो कदै डाकूआ का खतरा को सामनो कर्यो। खुदका मिनखाऊँ खतरा को सामनो कर्यो अर गैर-यहूदि मिनखाऊँ बी खतरा को सामनो कर्यो। नगर्या म, उजाड़ म, अर समदर म मनै तो खतरोई मिल्यो। अर बा मिनखाऊँ बी जखा खुदनै बिस्वासी बतावीं हीं बाऊँ बी मनै तो खतरोई मिल्यो।