1 थिसलूनिकी 2:13 - जीवन को च्यानणो (सेकावाटी नया नियम की पोथ्या)

¹³ म्हें इ ताँई बी थारै ताँई परमेसर को धनेवाद करता कोनी रूकां, क जद म्हें थानै परमेसर को चोखो समचार सुणायो हो जणा थे इनै मिनखा कानि को कोनी जाण्या पण परमेसर को जा'णर इनै मान्या अर सच बी ओई ह, इ बजेऊँ परमेसर थारै म जखा बिस्वास करो हो काम करै ह।

1 थिसलूनिकी 2:13 Referans Kwoze

इबरानीआ 4:12

क्युं क परमेसर को बचन जिंदो अर काम करबाळो ह। बो दोधारी तलवारऊँ बी बेत्ती पेनो ह। परमेसर को बचन आत्मा, पिराण, जोड़ अर गुली म जार बानै न्यारो-न्यारो कर सकै ह। अर ओ हिया का बिचारानै अर मनस्यानै बिचासै ह।

रोमीयो 10:17

सुणबाऊँ बिस्वास उपजै ह अर सुणबो खाली मसी का बचनऊँई होवै।

1 पतरस 1:23

क्युं क थे नयो जीवन पाया हो। अर थारो ओ नयो जीवन मिनखऊँ कोनी आयो जिको अंत होवै ह। पण थारो ओ जीवन परमेसरऊँ आयो ह, जिको कोई अंत कोनी। क्युं क थे परमेसर का बचन प बिस्वास कर्या, जखो सदा-सदाई बण्यो रेह्‍वै ह।

1 पतरस 1:25

पण परबु को बचन सदाई बण्यो रेह्सी।” अर ओई बचन चोखो समचार ह जखो थानै सुणायो गयो ह।

1 पतरस 2:2

जंय्यां माँ को दुद पीता टाबर खरा दुद ताँई रोवीं हीं, बंय्यांई थार म पबितर आत्मिक दुद की भूख होणी चाए जखी परमेसर की बाता ह। जिऊँ थारो छुटकारो पक्को होतो जावै।

लूका 11:28

पण ईसु बोल्यो, “इऊँ बी बडा भागहाळा तो बे हीं जखा परमेसर का बचनानै सुणी अर बिपै चालीं हीं।”

भेजेड़ा चेला का काम 13:48

आ सुणर गैर-यहूदि मिनख बोळा राजी होया अर परबु का बचना की मेमा करबा लागगा। अर जत्ता बी अजर-अमर जीवन ताँई टाळेड़ा हा बे बिस्वास कर्या।

1 यहून्ना 3:3

अर जखो बी मिनख बिमै आस करमाली ह, बो खुदनै बंय्यांई पबितर राखै जंय्यांकी मसी पबितर ह।

गलातियो 4:14

अर मेरी आ बिमारी थारी बिचासबा की घड़ी होई, जणा बी थे मनै छोटो कोनी जाण्या अर नइ मेरूँ नफरत करी, पण परमेसर का ईस्बर नगरी दुत अर मसी ईसु की जंय्यां जा'णर मेरी आवभगत करी।

2 कुरन्थीयो 3:18

इ ताँई आपणा मुंडा ढकेड़ा कोनी। बे परबु की मेमा का तेजनै दरसावीं हीं अर पबितर आत्मा आपानै होळ्या-होळ्या आपणा मेमाभर्या परबु की जंय्यां बणावै ह।

भेजेड़ा चेला का काम 17:11

अठै का यहूदि थिसलूनिकी का यहूदि मिनखाऊँ चोखा हा अर बे पूरा मनऊँ बचननै अपणाया अर बे रोजकी बाकी बोलेड़ी बातानै सास्तर म टोता हा क बे बंय्यांई ह क कोनी।

कलुसीयो 1:6

चोखो समचार सगळा जगत म फळर्यो-फुलर्यो अर फेलर्यो बी ह। बंय्यांई जद थे परमेसर की दया क बारां म सुण्या अर सचमई बिनै समज्या हा जदऊँ लेर थारै म बी चोखो समचार फळर्यो-फुलर्यो अर फेलर्यो बी ह।

लूका 8:21

इपै ईसु बानै बोल्यो, “मेरी माँ अर मेरा भाईड़ा तो बे हीं जखा परमेसर का बचनानै सुणी अर बिपै चालीं।”

यहून्ना 17:19

म बा ताँई खुदनै पबितर कर थारी सेवा करूँ हूँ, जिऊँ सच क जरिए बे बी पबितर होर थारी सेवा कर सकीं।

मत्ती 10:40

“जखो बी थारो मान करै ह, बो मेरो बी मान करै ह; अर जखो मेरो मान करै ह बो मनै अधिकार क सागै भेजबाळा परमेसर को बी मान करै ह।

यहून्ना 17:17

सच क जरिए थे बानै थारी सेवा करबा ताँई पबितर करो। थारा बचन सचा हीं।

यहून्ना 15:3

अंय्यांई थानै मेरा खया प चालबा की बजेऊँ पेलीई पबितर कर दिओ गयो ह।

लूका 8:11

“इ मिसाल को मतबल ओ ह क बीज ह जखा परमेसर का बचन हीं।

मत्ती 10:20

क्युं क बोलबाळा थे कोनी पण थारा परम-पिता की पबितर आत्मा थारै मऊँ होर बोलसी।

2 पतरस 3:2

जिऊँ थे बा बातानै जानै परमेसर की खेबाळा पेल्याई खे दिआ हा याद राख सको अर परबु, अर आपणानै छुटकारो देबाळा का हुकमनै याद राखो जखो थानै भेजेड़ा चेला की बजेऊँ दिओ हो।

याकूब 1:18

बो आपकी इंछ्याऊँ आपानै सचाई का बचनऊँ पैदा कर्यो ह जिऊँ आपा बिकी बणाएड़ी सगळी सरस्टि म पेलो फळ होवां।

भेजेड़ा चेला का काम 17:32

मरेड़ा मऊँ ओज्यु जीबा की बात सुणर क्युंक मिनख बिपै हसबा लागगा। अर क्युंक बिऊँ बोल्या की, “इ बारां म म्हें ओज्यु कदै सुणस्यां।”

भेजेड़ा चेला का काम 16:14

बा लूगाया म थुआतिरा नगरीऊँ लुदिआ नाम की एक लूगाई ही जखी मेंगा भाव का गाबा बेच्या करती ही अर बा परमेसर की भगत ही। परबु बिका मन का पाट खोल दिआ अर बा पोलुस की बाता प गोर करी।

भेजेड़ा चेला का काम 10:33

जणा म हात की हात तेरै कनै मिनख भेज्या, अर तू बी ठिक कर्यो जखो आकै सागै आगो। अर इब म्हें परमेसर क आगै इ ताँई भेळा होर्या की जोक्यु तनै परबु ओडायो ह बे सगळी बाता तेरूँ सुण सकां।”

भेजेड़ा चेला का काम 2:41

बोळाजणा बिकी बाता प बिस्वास कर्या अर हात्युहात बतिस्मो ले लिआ, अर बि दिन करीब तीन झार मिनख बाकी टोळी म सामिल होया।

भेजेड़ा चेला का काम 8:14

अर जद ईसु का भेजेड़ा चेलानै ओ बेरो पड़्यो क सामरीया का रेह्बाळा परमेसर का बचनानै मानबा लागगा हीं जणा बे पतरस अर यहून्नानै बाकन भेज्या।

लूका 5:1

एकर ईसु गनेसरत झिल क किनारै खड़्यो हो, अर परमेसर को बचन सुणबा ताँई भीड़ बिनै च्यारूमेरूँ ढक राख्यो हो,

इबरानीआ 4:2

क्युं क आपानै बी आपणा बडका की जंय्यांई चोखो समचार सुणायो गयो ह पण बानै बि समचारऊँ क्युंई फाईदो कोनी होयो क्युं क बे बि समचारनै तो सुण्यो पण बिपै बिस्वास कोनी कर्यो।