1 थिसलूनिकी 2:11 - जीवन को च्यानणो (सेकावाटी नया नियम की पोथ्या)

¹¹ क्युं क थे जाणो हो क, जंय्यां बाप आपका टाबरा क सागै भेवार करै ह बंय्यांई म्हें थारै सागै भेवार राख्यो।

1 थिसलूनिकी 2:11 Referans Kwoze

इबरानीआ 13:22

ओ मेरा लाडला बिस्वास्यो, म थारूँ अरदास करूं हूँ क थे आ हिमत बंधाबाळा बचना प चालो, क्युं क म थानै थोड़ीई बाता मांडी ह।

1 तिमूतियूस 5:21

म तनै परमेसर, मसी ईसु अर टाळेड़ा ईस्बर नगरी दुता की मोजूदगी म बोलुँ हूँ क, बिना कोईकी भीड़ लिये तू आ आदेसानै मानजै अर ख्यामई कोईकै सागैई भेद-भाव मना करजे।

2 थिसलूनिकी 3:12

अंय्यां का मिनखानै परबु ईसु मसी म म्हें आदेस देवां हां अर समजावां हां क, बे हद म रेह्‍वै अर खुद कमार खावीं।

1 थिसलूनिकी 5:11

इ ताँई जंय्यां थे करता आर्या हो बंय्यांई एक दुसरानै हिमत अर सारो द्‍यो।

1 थिसलूनिकी 2:7

पण जंय्यां माँ आपका टाबरा की खेचळ करै ह बंय्यांकोई नरमाई को भेवार म्हें थारै सागै राख्यो। नहिस म्हें मसी का भेजेड़ा चेला होबा क चलतै थार प रोब जमार बोज गेर सकां।

तितूस 2:15

तू अ सगळी बाता अधिकार क सागै तेरा सुणबाळानै सीखा, जुर्त पड़ै तो बाकै दकाल लगा अर जुर्त पड़ै तो हिमत बंधा। कोईकै सामैई तनै निचो नइ देखणो पड़ै।

तितूस 2:6

अंय्यांई तू जुवान छोरानै समजदारीऊँ जीबा ताँई समजा।

1 तिमूतियूस 6:17

जखा मिनख इ दुनिया म पिसाळा हीं बानै आदेस दे बे इपै गुमान नइ करै, पण बाकी आस, नास होबाळा धन की बजाय परमेसर म हो, जखो आपानै आपणा सुक ताँई सगळी चिजा देवै ह।

1 तिमूतियूस 6:13

सगळानै जीवन देबाळा परमेसर क सामै अर मसी ईसु जखो पीळातुस क सामै हिमत क सागै आपका बिस्वासनै दिखायो बिमै, म तनै आदेस देऊँ हूँ,

1 तिमूतियूस 6:2

जखा दासा का मालिक बिस्वासी हीं, बे इ बजेऊँ क, बाका मालिक बिस्वासी हीं बाको मान-समान करबो कम नइ करै, इकी झघा बे बाकी सूल सेवा करै। क्युं क बाका कामा को फाईदो जानै मिलर्यो ह बे बिस्वासी हीं जानै बे परेम करै ह। अ बाता थे लोगानै करबा ताँई बोलो अर सीखाओ।

1 तिमूतियूस 5:7

आ सगळानै आ बाता ताँई आदेस दे जिऊँ बापै कोई लालछण नइ लागै।

1 थिसलूनिकी 4:1

मेरा लाडला बिस्वास्यो, म्हें थारूँ ईसु मसी का नामऊँ आ अरदास करां अर थानै समजावां हां क जंय्यां थे म्हारूँ परमेसरनै राजी करबाळो जीवन जिबो सीख्यो, अर बंय्यांई जीओ बी हो। जणा म्हें चावां हां क, थे बिमै ओर बी बेत्ती बढता जाओ।

भेजेड़ा चेला का काम 20:2

अर बा परदेसा को दोरो कर्यो अर बठै का बिस्वास्यानै हिमत बंधार बो यूनान का अखाया परदेस गयो।

तितूस 2:9

दासानै सीखा क बे आपका मालिका की हर बातनै मानर बानै राजी राखै। बे बानै ओटो जुबाब नइ देवै,

इफिसुस 4:17

इ ताँई परबु का नामऊँ म थानै चेतार्यो हूँ क इब आगैऊँ परमेसरनै नइ ध्यारबाळा मिनखा की जंय्यां मना जीवो क्युं क बाकी सोच बुरी ह,

लूका 16:28

क्युं क मेरै पाच भाईड़ा ओर हीं ओ जार बानै चेतासी कमऊँ कम बे, इ पिड़ा हाळी झघा म आबाऊँ बच ज्यासी।’

1 थिसलूनिकी 4:6

कोई मिनख दुसरा की लूगाईनै बुरी नजरऊँ नइ देखै। क्युं क परबु अंय्यां करबाळा मिनखनै बेसी सजा देवै ह जंय्यां आ बाता क बारां म म्हें पेल्याई थानै बता अर चेता दिओ हो।

1 थिसलूनिकी 5:14

मेरा लाडला बिस्वास्यो, म्हें थानै समजावां हां क, जखा कामऊँ जी चुरावै ह बानै समजाओ, डरपोकानै हिमत बंधाओ, माड़ानै समाळो अर सगळा क सागै नरमाई बरतो।

3 यहून्ना 1:4

मनै इऊँ बेत्ती राजी कोई बात कोनी करै क मेरा टाबर सचाई प चालै ह।

2 थिसलूनिकी 2:5

थानै याद कोनी के? जद म थारै कनै रिह्या करतो हो जणा म थानै अ सगळी बाता बोल्या करतो हो।