1 थिसलूनिकी 1:2 - जीवन को च्यानणो (सेकावाटी नया नियम की पोथ्या)

² म्हें म्हारी अरदास म थानै सदाई याद करां हां, अर थारै ताँई परमेसर को धनेवाद देवां हां।

1 थिसलूनिकी 1:2 Referans Kwoze

फिलेमोन 1:4

फिलेमोन, म जद बी अरदास करूं हूँ, जणा म मेरी अरदास म तनै याद राखूँ हूँ, अर तेरै ताँई सदाई परमेसर को धनेवाद देऊँ हूँ।

कलुसीयो 1:3

म्हें जद बी अरदास करां हां, जणा सदाई आपणा परबु ईसु मसी का परम-पिता परमेसरनै थारै ताँई धनेवाद देवां हां,

1 कुरन्थीयो 1:4

थार प मसी ईसु क जरिए जखी दया करी गई ह, बि ताँई म मेरा परमेसरनै सदाई धनेवाद देऊँ हूँ।

रोमीयो 6:17

पण परमेसर को गुण-एसान क, थे पाप का दास होबा क बावजुद बी, बि सीखनै हियाऊँ मान्या जखी थानै सूपी गई ह।

1 थिसलूनिकी 2:13

म्हें इ ताँई बी थारै ताँई परमेसर को धनेवाद करता कोनी रूकां, क जद म्हें थानै परमेसर को चोखो समचार सुणायो हो जणा थे इनै मिनखा कानि को कोनी जाण्या पण परमेसर को जा'णर इनै मान्या अर सच बी ओई ह, इ बजेऊँ परमेसर थारै म जखा बिस्वास करो हो काम करै ह।

1 थिसलूनिकी 3:9

थारी बजेऊँ परमेसर क सामै जखी खुसी म्हानै मिली ह बिको धनेवाद करबा ताँई म्हारै कनै बोल कोनी।

2 थिसलूनिकी 1:3

मेरा लाडला बिस्वास्यो, थारै ताँई म्हानै पिता परमेसरनै धनेवाद देतो रेह्णो चाए अर ओ बाजीब बी ह, क्युं क थे बिस्वास म बोळा बढर्या हो। था सगळा म आपसरी म बोळो प्यार-परेम ह।