1 पतरस 5:1 - जीवन को च्यानणो (सेकावाटी नया नियम की पोथ्या)

¹ इब म, थारै माला बिस्वासी मंडळी का मुखियाऊँ अरदास करूं हूँ। म खुद एक बिस्वासी मंडळी को मुखियो हूँ अर मसी जखो दुख भोग्यो हो बिको म गुवा हूँ अर आबाळी मेमा को म पाँतीवाळ हूँ।

1 पतरस 5:1 Referans Kwoze

लूका 24:48

थे आ बाता का गुवा हो।

दरसाव 1:9

म यहून्ना थारो बिस्वासी भाई हूँ, म आपणा ईसु मसी म पिड़ा, थ्यावस अर राज म थारो साती हूँ। मनै परमेसर का बचन अर ईसु मसी की गुवाई देबा की बजेऊँ देस निकाळो देर पत्तमुस नाम का टापू प भेज दिओ गयो हो।

2 यहून्ना 1:1

म बिस्वासी मंडळी को मुखियो, आ चिठी बि लूगाईनै अर बिका टाबरानै मांडू हूँ। जिनै परमेसर टाळ्यो हो, अर बिका टाबराऊँ, म बाकै सचाई प चालबा की बजेऊँ परेम करूं हूँ। अर मई थारूँ परेम कोनी करूं पण बे सगळा जखा सचाईनै जाणगा हीं बे बी बाऊँ परेम करीं हीं।

1 पतरस 5:4

क्युं क जद बो रूखाळो मसी जखो सकै उपर परधान ह परगट होसी, जणा थानै मेमा को मुकट मिलसी अर इ मुकट की रंगत कदैई कोनी जावै।

1 यहून्ना 3:2

ओ लाडलो, इब आपा परमेसर का टाबर हां, पण आबाळा टेम म आपा काँई होस्यां इकै बारां म आपानै ज्ञान कोनी करायो गयो ह। पण चाए जखोबी हो आपा आ जाणा हां क जद मसी ओज्यु परगट होसी जणा आपा बिकै जंय्यां का होज्यास्यां, क्युं क जंय्यां बो ह बंय्यांई बिनै आपा देखस्यां।

1 पतरस 1:7

ओ इ ताँई होयो जिऊँ थारो बो बिस्वास जखो आग म ताईड़ा नास होबाळा सोनाऊँ बी मेंगो ह। जखो ईसु मसी क परगट होबाळा दिन थारै ताँई बडाई, मेमा अर ईज्जत को कारण होसी।

भेजेड़ा चेला का काम 14:23

अर बे सगळी बिस्वासी मंडळ्या म मुखिया टाळ्या अर बरत क सागै अरदास कर बानै परबु क हाता म सूप दिआ जिपै बे बिस्वास कर लिआ हा।

भेजेड़ा चेला का काम 11:30

अर बरनाबास अर साऊल क हाताऊँ यरूसलेम की बिस्वासी मंडळी का मुखिया क कनै थोड़ी घणी मदद भेजी।

1 पतरस 1:12

पण बानै ओबी बतायो गयो क, बे खुदकी नइ पण थारी सेवा ताँई अ बाता बोल्या हीं। बे थारै ताँई ईस्बर नगरीऊँ आईड़ी पबितर आत्मा की सक्‍तिऊँ चोखा समचार को हेलो पाड़्या। जदकी आ बातानै जाणबा ताँई ईस्बर नगरी दुत बी तरसीं हीं, पण इकै वावजुद बी अ बाता बस थारै ताँई परचार करी गई।

फिलेमोन 1:9

अर म उमर म बी बडो हूँ अर अठै ताँई क म मसी ईसु का चोखा समचारनै सुणाबा की बजेऊँ जेळ म बंदि हूँ। पण आ सगळी बाता क वावजुद बी म तेरूँ परेमऊँ अरदास करूं हूँ,

तितूस 1:5

करेत टापू म, म तनै इ ताँई छोडर आयो हो क तू बठै की सगळी बचेड़ी बातानै सुदारै अर मेरी हिदायत गेल हर नगरी म बिस्वासी मंडळी का मुखियानै टाळर जिमेबारी सूपै।

2 तिमूतियूस 4:8

अर इब ईस्बर नगरी म जीत को इनाम मनै उडिकर्यो ह, जिनै धरमी न्यायी परबु आखरी दिन मनै देसी। मनै एकलानैई नइ पण बा सगळानै बी जखा परेम क सागै बिकै परगट होबानै उडिकीं हीं।

1 तिमूतियूस 5:19

कोईबी बिस्वासी मंडळी का मुखिया क खिलाप दो नहिस बिऊँ बेसी गुवा बिना बिपै लगाया गया दोस मना सुणजै।

1 तिमूतियूस 5:1

जद तू बूडा-ठेरा मिनखानै चेतावै जणा बानै मना दकालजे, पण बाऊँ ईज्जतऊँ बोलजे जंय्यां क खुदका बापऊँ बोलै ह। अंय्यांई जवान मोट्यारा क सागै खुदका भाई की जंय्यां बरताव कर।

फलिपी 1:19

क्युं क म, इ बातनै आछ्यां जाणू हूँ क, थारी अरदास अर ईसु मसी की पबितर आत्मा कानिऊँ मिलेड़ा साराऊँ म केदऊँ छुट जास्युं।

2 कुरन्थीयो 5:1

क्युं क आपा जाणा हां आपणी काया जखी धरती का टापरा की जंय्यां ह जखी माटी होज्यासी। पण आपणा ताँई परमेसर जुग-जुग ताँई रेह्बाळो टापरो बणा राख्यो ह जखो ईस्बर नगरी म ह।

भेजेड़ा चेला का काम 21:18

अर दुसरा दिन पोलुस अर म्हें याकूब क कनै गया जठै सगळा बिस्वासी मंडळी का मुखिया बी हा।

भेजेड़ा चेला का काम 20:28

जणा इब थे बिस्वासी मंडळी का रूखाळा हो आ जिमेदारी थानै पबितर आत्मा सूपी ह। बा लल्ड्या का रेवड़ा का गुवाळ्या बणो, जिनै परमेसर आपका बेटा का लोयऊँ मोल लिओ ह।

भेजेड़ा चेला का काम 20:17

पोलुस मिलेतूसऊँ इफिसुस म खुवा भेज्यो अर बिस्वासी मंडळी का मुखियानै आपकै कनै बुलावो भेज्यो।

भेजेड़ा चेला का काम 15:6

जणा बिस्वासी मंडळी का मुखिया अर भेजेड़ा चेला इ बात प बिचार करबा ताँई भेळा होया।

भेजेड़ा चेला का काम 15:4

बाकै यरूसलेम पुगताई बठै की बिस्वासी मंडळी, भेजेड़ा चेला अर बिस्वासी मंडळी का मुखिया बाऊँ राजी होर मिल्या, अर बे बानै बताया क परमेसर बाकै सागै होर कंय्यां का बडा-बडा काम कर्या ह।

भेजेड़ा चेला का काम 2:32

अर इ ईसुनै परमेसर मरेड़ा मऊँ जीवायो, अर इ बात का आपा सगळा गुवा हां।

भेजेड़ा चेला का काम 1:8

पण जद पबितर आत्मा थानै मिलसी जणा थारै म परमेसर की सक्‍ति आज्यासी अर थे यरूसलेम, सगळा यहूदिआ, सामरीया का इलाका अर धरती का इ कूणाऊँ बि कूणा ताँई मेरा गुवा होस्यो।”

2 कुरन्थीयो 5:8

जणा आपानै हिमत राखबो चाए क्युं क खुदकी कायानै छोडर परबु क सागै बिका घर म रेह्बो चोखो ह।

भेजेड़ा चेला का काम 3:15

अर बि जिंदगी देबाळानै मार गेर्यो पण परमेसर बिनै मोतऊँ जिंदो कर दिओ, अर इ बात का म्हें गुवा हा।

इबरानीआ 12:1

इ ताँई आपणै च्यारूमेर गुवाया की भीड़ ह जणा आओ रोड़ो गेरबाळी हरेक चिजानै, उळजाबाळा पापनै दूर करर बा दोड़ जिमै आपानै दोड़णो ह थ्यावस क सागै दोड़ां।

1 पतरस 4:13

पण राजी होवो क थानै मसी की जंय्यां दुख भोगबा को मोको मिल्यो। आ बात थानै बि बडी खुसी ताँई त्यार करसी जखी मसी जि दिन आपकी मेमा क सागै आसी जणा होसी।

3 यहून्ना 1:1

म, बिस्वासी मंडळी को मुखियो, आ चिठी लाडला गयुसनै मांडू हूँ , जिऊँ म बिकै सचाई प चालबा की बजेऊँ परेम करूं हूँ।