1 पतरस 4:4 - जीवन को च्यानणो (सेकावाटी नया नियम की पोथ्या)

⁴ पण इब जद थे बाका बा बुरा कामा म सामिल कोनी होवो जणा बानै ताजूब होवै ह। अर बे थारी बुराई करै ह।

1 पतरस 4:4 Referans Kwoze

1 पतरस 3:16

अर थारी अन्तर-आत्मानै बी सुद राखो, अंय्यां थे बा मिनखानै सरमा मार देस्यो जखा मसी म थारै भला करमा क बारां म बुरो बोलीं हीं।

1 पतरस 2:12

परमेसरनै नइ ध्यारबाळा मिनख थानै बुरा बतावीं हीं। इकै वावजुद बी बाकै मांयनै थारो बरताव अर चाल-चलन चोखो राखो। जिऊँ जखी चोखी बाता बे थारै म देखसी बा बेई बे न्यायहाळा दिन परमेसर की मेमा करसी।

भेजेड़ा चेला का काम 18:6

पण जद बे मिनख पोलुस को बिरोद अर बिकी बुराई करबा लागगा जणा बो आपको पल्लो झाड़ लिओ अर बोल्यो, “थारी करनी थेई पाओ! इमै मेरी कोई जुबाबदारी कोनी अर इबऊँ म गैर-यहूदि मिनखा क कनै जास्युं।”

यहूदा 1:10

पण अ मिनख तो जखी बाता क बारां म जाणैई कोनी बाकै बारां म भावै जंय्यां बोलीं हीं। अ तो बिना समज का ज्यानबरा की जंय्यां हीं, जणाई बिना सोच्या समज्या भाऊँ बंय्यां करीं हीं। आ बुरी बाता की बजेऊँ बाको नास कर दिओ ज्यासी।

भेजेड़ा चेला का काम 13:45

इ भीड़नै देखर यहूदि बळगा अर पोलुस की बाता क खिलाप बोलता होया बिकी बुराई करी।

2 पतरस 2:22

बापै आ खेबत सई बेठै ह, “गंडक्ड़ो आपकी उल्टी चाटै ह अर न्हूवायड़ी सूलडी पाछी कादा म जावै ह।”

2 पतरस 2:12

पण अ मिनख निरबुदी ज्यानबरा की जंय्यां हीं, जखा को जलम पकड़्या जाबा अर नास होबा ताँई होयो ह। अ मिनख जखी बाता क बारां म जाणैई कोनी बाकै बारां म दुसरा की बुराई करीं हीं, अर जंय्यां ज्यानबर मार्या जावीं हीं बंय्यांई अ मिनख बी मार्या ज्यासी।

रोमीयो 13:13

जणा क्युंना आपा सूल रेह्‍वां जंय्यां मिनख दिन का उजाळा म रेह्‍वै। खा पीर धुत्त रेह्बाळासा नइ, नइ कुकरम अर रांडबाज की जंय्यां, नइ लड़बाळा की जंय्यां अर नइ बळोकड़ा की जंय्यां।

लूका 15:13

“थोड़ाई दिन बित्या जणा बो छोटक्यो छोरो आपकी पाँती को सगळो धन भेळो कर दूर दिसावर चलेगो। अर बठै बि धननै उदफेली म उडा दिओ।

इफिसुस 5:18

दारू पीर मतवाळा मना बणो, क्युं क इऊँ मत्त मारी ज्यावै, पण इकी बजाय पबितर आत्मा म भर्यापूरा होता जाओ।

मत्ती 23:25

“सास्तर्यो अर फरिसीयो! थार प धिक्कार ह, थे लालची अर मतलबी हो। थे बि कचोळा अर थाळी की जंय्यां हो जखा मांयनैऊँ नइ पण बारनै-बारनैऊँ मांज्या जावीं हीं।