1 पतरस 4:3 - जीवन को च्यानणो (सेकावाटी नया नियम की पोथ्या)

³ थे बिस्वास म आबाऊँ पेली परमेसरनै नइ ध्यारबाळा मिनखा की जंय्यां खूब जीवन जीआ हो। थे कुकरमी हा, अर थे थारी बुरी इंछ्या गेल चालता हा। थे दारू म धुत्त, मेफलबाज्या अर उदफेली म लाग्या रेह्ता हा। अठै ताँई क थे सूगली मूरतानै पूजता हा।

1 पतरस 4:3 Referans Kwoze

1 कुरन्थीयो 6:11

अर थारै म बी पेल्या क्युंक मिनख अंय्यां का हा, पण इब थानै परबु ईसु मसी अर परमेसर की पबितर आत्मा क जरिए पापऊँ धोर पबितर कर परमेसर क सागै सई होबा ताँई परमेसरनै सूप दिओ गयो ह।

इफिसुस 5:18

दारू पीर मतवाळा मना बणो, क्युं क इऊँ मत्त मारी ज्यावै, पण इकी बजाय पबितर आत्मा म भर्यापूरा होता जाओ।

1 थिसलूनिकी 4:5

बस थारी काया की भूख मिटाबा ताँई थे ब्या मना करो जंय्यां परमेसरनै नइ ध्यारबाळा मिनख करीं हीं।

1 पतरस 1:14

खयो मानबाळा टाबरा की जंय्यां जीओ। पेली थारा जीवन प बुरी इंछ्या को जोर चालतो हो, बंय्यां इब थारा जीवन प बुरी इंछ्या को जोर मना चालबा द्‍यो।

गलातियो 5:21

जळबो, नसो करबो, भोगबिलास करबो अंय्यां का ओर बि बोळा काम हीं। जाकै बारां म पेल्या बी म थानै चेता दिओ हूँ अर ओज्यु चेतार्यो हूँ क, अंय्यां का काम करबाळा मिनख परमेसर का राज म वारिस कोनी होसी।

गलातियो 5:19

काया का काम तो सामै हीं जंय्यांकी, कुकरम, सूगला काम, उदफेली,

यहूदा 1:4

पण थारै म अंय्यां का मिनख घुसगा हीं, जिकै बारां म सास्तर म पेल्याऊँई मांडेड़ो ह क, बानै सजा मिलसी। बे परमेसरनै कोनी मानी अर आपणा परमेसर की दयानै कुकरम करबा ताँई हरी झंडी मानी हीं। बे आपणा परबु जखो आपणो मालिक ह बि ईसु मसीनै मानबाऊँ बी मना करीं हीं।

भेजेड़ा चेला का काम 17:30

परमेसर बि टेम का मिनखा को लेखो कोनी लेबो चायो जद बे बिनै कोनी जाणता हा, पण इब बो हुकम देवै ह क सगळी धरती का सगळा मिनख पापऊँ तौबा करै।

तितूस 3:3

क्युं क मसीनै मानबाऊँ पेली आपा बी बेबुदी का, खयो नइ मानबाळा, भटकेड़ा अर हरतर्या की मो-माया का गुलाम हा। आपणो जीवन बुराई अर बळोकड़ा पुणाऊँ भरेड़ो हो। अर आपा एक दुसराऊँ नफरत करता हा।

2 कुरन्थीयो 12:21

अर मनै ओ बी डर ह क, जद म थारूँ मिलबा आऊँ, जणा मनै परमेसर क सामै सरमिंदा नइ होणो पड़ै। अर मनै बा ताँई रोबो नइ पड़ै जखा पेल्या पाप करता हा, बे कुकरम, सूगली बाता, अर रांडबाजी म जीवन जीता हां, इकै पाछै बी, बे आपका पापऊँ तौबा कोनी कर्या।

1 कुरन्थीयो 12:2

क्युं क थे खुदई जाणो हो क जद थे परमेसरनै नइ ध्यारबाळा हा जणा बिना जीव की मूरत्यानै धोक्या करता हा अर बाकीई लीक पिट्या करता हा।

रोमीयो 13:13

जणा क्युंना आपा सूल रेह्‍वां जंय्यां मिनख दिन का उजाळा म रेह्‍वै। खा पीर धुत्त रेह्बाळासा नइ, नइ कुकरम अर रांडबाज की जंय्यां, नइ लड़बाळा की जंय्यां अर नइ बळोकड़ा की जंय्यां।

मरकुस 7:22

व्यबिचार, लोभ, कमिणोपुणो, दोगलोपुणो, ठगणो, बेहूदोपुणो, बळोकड़ोपूणो, कोईकी बुराई करबो, गुमान अर गोबुपुणो (मोथोपुणो) बारनै निकळ ह।