1 पतरस 4:13 - जीवन को च्यानणो (सेकावाटी नया नियम की पोथ्या)

¹³ पण राजी होवो क थानै मसी की जंय्यां दुख भोगबा को मोको मिल्यो। आ बात थानै बि बडी खुसी ताँई त्यार करसी जखी मसी जि दिन आपकी मेमा क सागै आसी जणा होसी।

1 पतरस 4:13 Referans Kwoze

रोमीयो 8:17

अर ज आपा बिकी ओलाद हां जणा परमेसर का वारिस अर मसी क सागै पाँतीवाळ बी हां, ज आपा बिकै सागै दुख म पाँतीवाळ हां जणा बिकै सागै मेमा म बी पाँतीवाळ हां।

रोमीयो 5:3

खाली ओई नइ, म्हें तो म्हारा दुख म बी गुमान करां हां क्युं क म्हें जाणा हां क दुख थ्यावसनै जलम देवै ह।

फलिपी 3:10

म आ आस राखूँ हूँ क म बी मर'र मोतऊँ ओज्यु जिंदो हो जास्युं। अर इ आस ताँई म मसीनै जाणबो चाऊँ हूँ अर बिकी बि सक्‍तिनै म्हेसुस करबो चाऊँ जिऊँ बो मर्या पाछै ओज्यु जिंदो होगो हो। अर म बिकीसी पिड़ा उठार बिकासा मरबा म बिको संगी होबो चाऊँ हूँ।

2 कुरन्थीयो 1:7

म्हानै थार प पक्की आस ह क्युं क म्हें जाणा हां क जंय्यां थे म्हारा कळेस म म्हारा साती हो बंय्यांई बि अराम म बी साती हो जखो म्हानै मिलै ह।

1 पतरस 5:10

परमेसर जखो दया को दाता ह। बोई थानै मसी म जुग-जुग ताँई आपकी की मेमा ताँई बुलायो ह। अर थारै थोड़ोसोक दुख भोगबा क पाछै बो खुदई थानै मजबूत, ताकतबर अर पक्को बणासी।

2 कुरन्थीयो 4:10

क्युं क म्हें सदाई इ बातनै ध्यान म राखां हां क ईसुनै मिनख मार्या। जणा बिका समचार को हेलो पाड़बा ताँई जद म्हें हांडा हां जणा मिनख म्हानै बी मार सकीं हीं इकै पाछै बी म्हें डरां कोनी पण मरबानै त्यार हां। जिऊँ क ईसु को जीवन बी म्हारी काया म खुला रूप म दिखै।

2 तिमूतियूस 2:12

ज आपा थ्यावस क सागै दुख भोगस्यां, जणा आपा बिकै सागै राज बी करस्यां। ज आपा बिऊँ मुंडो फेरां, जणा बो बी आपणाऊँ मुंडो फेरसी।

2 कुरन्थीयो 4:17

अर ओ स्यातेक को कळेस आपणा ताँई जुग-जुग की मेमा लेर आसी जिकै सामै ओ स्यातेक को कळेस क्युंई कोनी।

भेजेड़ा चेला का काम 5:41

बे राजी-खुसी पंचायतऊँ चलेगा क्युं क ईसु नामऊँ परमेसर बानै पिड़ा अर बेजती भोगबा जोगा समज्या।

दरसाव 1:9

म यहून्ना थारो बिस्वासी भाई हूँ, म आपणा ईसु मसी म पिड़ा, थ्यावस अर राज म थारो साती हूँ। मनै परमेसर का बचन अर ईसु मसी की गुवाई देबा की बजेऊँ देस निकाळो देर पत्तमुस नाम का टापू प भेज दिओ गयो हो।

1 पतरस 5:1

इब म, थारै माला बिस्वासी मंडळी का मुखियाऊँ अरदास करूं हूँ। म खुद एक बिस्वासी मंडळी को मुखियो हूँ अर मसी जखो दुख भोग्यो हो बिको म गुवा हूँ अर आबाळी मेमा को म पाँतीवाळ हूँ।

कलुसीयो 1:24

मसी की सेवा करतो होयो म थारै ताँई दुख उठाबानै राजी हूँ, अर म मसी की काया मतबल बिस्वास्या की बिस्वासी मंडळी ताँई मसी का सेवका की पिड़ानै भोगर्यो हूँ।

मत्ती 16:27

जद मिनख को बेटो ईस्बर नगरी दुता क सागै परम-पिता की मेमा म आसी जणा बो मिनखानै बाका कामा गेल फळ देसी।”

मत्ती 5:12

जणा थे राजी होज्यो क्युं क ईस्बर नगरी म थानै इको फळ मिलसी। क्युं क बे तो परमेसर की खेबाळानै बी जखा थारूँ पेली हा बानै बी अंय्यांई सताया हा।

1 पतरस 1:13

इ ताँई थारी बुदीनै काम म ल्यो, खुदनै बस म राखो अर बि दया की आस राखो जखी थानै ईसु मसी क परगट होबा की टेम मिलसी।

भेजेड़ा चेला का काम 16:25

आदी रातनै पोलुस अर सीलास अरदास अर परमेसर का भजन गाबा लागर्या हा अर बानै सगळा केदि सुणर्या हा।

मत्ती 25:34

जणा बो राजा आपकै दाया कानि खड़्या मिनखाऊँ बोलसी, ‘मेरा परम-पिताऊँ आसिरबाद लियड़ा मिनखो थे आओ अर बा आसिरबादानै लेल्यो जखा इ सरस्टि की सरूआतऊँ थारै ताँई ह।

मत्ती 25:31

“मिनख को बेटो जद ओज्यु आसी। जणा बो आपकी मेमा अर ईस्बर नगरी दुता क सागै आसी। बो एक राजा की जंय्यां आपका मेमाभर्या सिंघासन प बेठसी।

मत्ती 25:23

मालिक बिनै बी बोल्यो, ‘स्याबास तू बी बिस्वास जोगो अर चोखो दास ह। तू बी थोड़ा म बिस्वास राख्यो इ ताँई म तनै बी बोळी चिजा प अधिकार देस्युँ। आर मेरै सागै खुसी मना।’

मत्ती 25:21

बिकी इ बातनै सुणर मालिक खयो, ‘स्याबास तू बिस्वास जोगो अर चोखो दास ह। तू थोड़ा म बिस्वास राख्यो इ ताँई म तनै ओर बोळी चिजा प अधिकार देस्युँ। आर मेरै सागै खुसी मना।’

दरसाव 1:7

“देखो, बो बादळा क सागै आर्यो ह,” अर “हरेक आँख बिनै देखसी, अठै ताँई बे बी जखा बिनै मार्या हा।” अर धरती का सगळा कूणबा का मिनख “बि ताँई छाती पिटसी।” अंय्यांई होसी! अंय्यांई होवै।

लूका 17:30

बि दिन बी अंय्यां होसी जि दिन मिनख को बेटो परगट होसी।

मरकुस 8:38

ईसु बाऊँ बोल्यो, “जखो बी इ कुकरमी अर सचा परमेसरनै कोनी ध्यार बाळी पिडी मऊँ, मेरूँ अर मेरा बचनाऊँ मुंडो फेरसी जणा मिनख को बेटो बी जद बो पबितर ईस्बर नगरी दुता क सागै अर आपका परम-पिता की मेमा म आसी बो बी बा मिनखाऊँ मुंडो फेर लेसी।”

रोमीयो 8:18

म सोचूँ हूँ क, इ टेम जखो दुख आपा भोगर्या हां बो आबाळी मेमा क आगै क्युंई कोनी।

2 कुरन्थीयो 1:5

क्युं क जंय्यां मसी जखी पिड़ा भोगी बिनै म्हें बी भोगां हां जिऊँ आपा मसी की बजेऊँ परमेसर की बि म्हान मददनै बी भोगां।

1 पतरस 2:21

क्युं क परमेसर थानै भलो करबा ताँई बुलायो ह, चाए पाछै थे भलो करबा ताँई दुखई क्युं नइ उठाओ जंय्यां क मसी थारै ताँई उठाया हा। अंय्यां करबा बेई मसी थारै ताँई नमूनो ह। जणा थानै बी बिकी लीक प चालबो चाए। सास्तर म मंडर्यो ह,

यहूदा 1:24

परबु ईसु मसी की बजेऊँ आपानै बचाबाळा परमेसर की जे-जैकार हो। परमेसरई थानै बचा सकै ह, अर पापऊँ धो सकै ह। अर बोई ह जखो थानै आपकी मेमाभरी मोजूदगीऊँ राजी कर सकै ह अर खुद क सामै निरदोस खड़्यो कर सकै ह। जुगादऊँ इब ताँई अर आबाळा जुग-जुग ताँई मेमा, मान, ताकत अर अधिकार परमेसर कोई ह। अंय्यांई होवै।