1 पतरस 3:22 - जीवन को च्यानणो (सेकावाटी नया नियम की पोथ्या)

²² बो ईस्बर नगरी जार परमेसर क दायणै हात बेठगो, अर ईस्बर नगरी दुत, उपरी सक्‍तिया का अधिकारी, सगळी सक्‍तिया बिकै बस म कर दिनी गई।

1 पतरस 3:22 Referans Kwoze

इबरानीआ 9:24

क्युं क मसी बि पबितर झघा म कोनी गयो जखी हातऊँ बणाएड़ी अर असली परमेसर का पबितर तम्मू की नकल ह पण बो तो ईस्बर नगरी मई गयो, जिऊँ क बो आपणै कानिऊँ परमेसर क सामै बिचोली करै।

इबरानीआ 12:2

आओ ल्यो आपा आपणी आँख्या ईसु प लगावां। जखो बिस्वास को मालिक अर बिनै निधान करबाळो ह। बो आगला सुक क बारां म सोचतो होयो बेजती होबा की चिंत्या कर्या बिना सुळी प दुख भोग्यो अर परमेसर क सिंघासन क दायणै जार बिराजगो।

इबरानीआ 10:12

पण ईसु मसी तो एक याजक क रूप म एकरई पाप क बदलै सदा ताँई को चढाओ चढार परमेसर क दायणै हात जार बेठगो।

मरकुस 16:19

अ सारी बाता बोलबा क पाछै ईसु ईस्बर नगरी म उठा लिओ गयो अर परमेसर क दाया नाकै जार बेठगो।

इबरानीआ 8:1

जोक्यु बी म्हें खेर्या हां बा सगळी बाता मऊँ बडी बात तो आ ह क आपणै कनै अंय्यां को म्हायाजक ह जखो ईस्बर नगरी म सऊँ सक्‍तिसाली क दायणै हात सिंघासन प बिराजमान ह।

इबरानीआ 6:20

जठै आपणा कानिऊँ ईसु मसी आपणाऊँ पेली गयो। अर बो मिलिकीसिदक की रीत गेल सदा-सदाई को म्हायाजक बणगो।

कलुसीयो 3:1

मसी मरेड़ा मऊँ ओज्यु जीवायो गयो इ बजेऊँ थे आत्मा म जीवाया गया हो। इ ताँई थे ईस्बर नगरी हाळी चिजानै टोल्यो। जठै मसी परमेसर का दायणै हात कानि बिका सिंघासन प बिराजर्यो ह।

रोमीयो 8:38

क्युं क म पक्काई जाणू हूँ क नइ तो मोत अर नइ जीवन, नइ ईस्बर नगरी दुत अर नइ उपरी सक्‍तिया प राज करबाळा, नइ इ टेम की कोई चिज अर नइ आबाळा टेम की कोई चिज, नइ कोई सक्‍तिया

रोमीयो 8:34

कूण ह जखो आपणा प दोस लगासी? क्युं क मसी ईसु आपणा ताँई मर्यो अर आई नइ, बो मरेड़ा मऊँ ओज्यु जियो जखो इब परमेसर क दाया हात कानि बेठ्यो ह अर आपणा ताँई बिचोली करै ह।

मत्ती 22:44

“परबु मेरा परबुऊँ खेवै ह तू मेरै दायणै हात बेठ्यो रेह जद ताँई म तेरा दुस्मनानै तेरै पगा तळै नइ कर द्‍युँ।

इबरानीआ 1:3

परमेसर को बेटो परमेसर की मेमा को उजाळो अर बिमै बिकोसोई सुभाव ह। बोई आपका बचना की सक्‍तिऊँ सरस्टि की सगळी चिजानै थाम राखी ह। बो मिनखा का पापनै धोर ईस्बर नगरी म सऊँ सक्‍तिसाली परमेसर क दायणै हात जार बेठगो।

1 कुरन्थीयो 15:24

इकै पाछै इ दुनिया को अंत आसी, मसी राज करबाळा, उपरी सक्‍तिया प राज करबाळा अर सक्‍तियानै नास करसी। जणा पाछै मसी आपको राज परम-पिता परमेसर क हाता म सूप देसी।

भेजेड़ा चेला का काम 3:21

मसी बि दिन ताँई ईस्बर नगरी म रेह्सी जद ताँई बे सगळी बाता पेली जंय्यां कोनी होज्यावै। जानै परमेसर आपकी खेबाळा पबितर मिनखा क मुंडाऊँ बोळी पेल्याई खुवायो ह।

भेजेड़ा चेला का काम 1:11

अर बाऊँ बोल्या, “अरै गलिली मिनखो, खड़्या-खड़्या आसमान म काँई देखर्या हो? ओ ईसु जिनै थारै मऊँ ईस्बर नगरी म उठायो गयो ह ओ जंय्यां गयो ह बंय्यांई पाछो आसी।”

मरकुस 12:36

पण दाऊद खुद पबितर आत्माऊँ भर'र बोल्यो हो: ‘परबु (परमेसर) मेरा परबुऊँ खियो जद ताँई म तेरा दुस्मनानै तेरै पगा तळै नइ कर द्‍युँ मेरै दाया हात बेठ्यो रेह।’

इबरानीआ 1:13

परमेसर कदैई कोई ईस्बर नगरी दुतऊँ अंय्यां कोनी बोल्यो क, “तू मेरै दाया हात बेठ, जद ताँई म तेरा बेरीयानै तेरै पगा तळै की चोकी नइ कर द्‍युँ।”

लूका 20:42

क्युं क भजना हाळी पोथी म खुद दाऊद अंय्यां बोलै ह: ‘परबु मेरा परबुऊँ बोल्यो, मेरा दाया हात बेठ,

मत्ती 28:18

जणा ईसु बाकन आर खेयो, “ईस्बर नगरी अर धरती को सगळो अधिकार मनै दिओ गयो ह।

इबरानीआ 1:6

अर जद परमेसर आपका पेलीपोत का बेटानै जगत म भेज्यो ह, जणा बो बोलै ह क, “सगळा ईस्बर नगरी दुत बिकै आगै धोक खावै।”

इबरानीआ 4:14

इ ताँई परमेसर को बेटो ईसु मसी अंय्यां को म्हान म्हायाजक ह जखो ईस्बर नगरी गयो। जणा आओ आपा बा बाता म मजबूत रेह्‍वां जानै आपा मानी ह।

यहून्ना 13:32

ज परमेसर की मेमा बिकै जरिए होवै। जणा तावळोई परमेसर मिनख का बेटा की मेमा परगट करसी।