1 पतरस 3:21 - जीवन को च्यानणो (सेकावाटी नया नियम की पोथ्या)

²¹ अर बा पाणी की बाढ बतिस्मा की जंय्यां ही, बतिस्मो जखो थारो छुटकारो करै ह पण इ बतिस्मा को मतबल काया का मेलनै धोबो कोनी पण अन्तर-आत्मानै सुद कर खुदनै परमेसर कानि मोड़बो ह। क्युं क ईसु मसी मरेड़ा मऊँ ओज्यु जीवायो गयो ह।

1 पतरस 3:21 Referans Kwoze

मरकुस 16:16

अर जखो बी थारी बाता प बिस्वास करसी अर बतिस्मो लेसी बिको छुटकारो होसी अर जखो बिस्वास कोनी करसी बो पापी रेह्सी अर सजा भोगसी।

भेजेड़ा चेला का काम 2:38

जणा पतरस बोल्यो, “थे थारा पापऊँ तौबा करो ईसु मसी का नाम म बतिस्मो लेल्यो जिऊँ थारा पाप धोया जासी। अर थानै पबितर आत्मा को बरदान मिलसी

गलातियो 3:27

अर थार मऊँ जत्ता बी मसी म बतिस्मो लिआ हो बे मसीनै गाबा की जंय्यां पेर लिआ हीं।

भेजेड़ा चेला का काम 22:16

इब देर क्याकी? खड़्यो हो बतिस्मो ले अर बिका नामऊँ अरदास कर जिऊँ परमेसर तेरा पाप धो दे।’

इफिसुस 5:26

जिऊँ बिस्वासी मंडळीनै मसी परमेसर का बचना अर पाणी का बतिस्माऊँ धोर पबितर अर उजळी बणावै,

1 पतरस 1:3

परमेसर अर आपणा परबु ईसु मसी का परम-पिता की जे हो। क्युं क परमेसर आपणा प बडी दया दिखाई जणाई बो मसीनै मरेड़ा मऊँ जीवार आपानै नया जीवन की आस ताँई ओज्यु जीवायो ह।

1 कुरन्थीयो 12:13

क्युं क आपा सगळा चाए यहूदि हो चाए यूनानी, चाए दास हो, चाए अजाद सगळा एकई पबितर आत्माऊँ एक काया होबा ताँई पबितर आत्मा को बतिस्मो लिओ ह अर आपानै एकई पबितर आत्मा को दान दिओ गयो ह।

कलुसीयो 2:12

अर जद थे बतिस्मो लिआ जणा मसी क सागै गाड्या गया हा अर परमेसर की काम करबाळी सक्‍ति प थारा बिस्वासऊँ ओज्यु मसी क सागै जीवाया गया हा। जि मसीनै परमेसर मरेड़ा मऊँ ओज्यु जीवायो हो।

मत्ती 28:19

इ ताँई थे जाओ अर धरती का सगळा कूणबा का मिनखानै मेरा चेला बणाओ अर परम-पिता, बेटा अर पबितर आत्मा क नाम म बतिस्मो द्‍यो।

इबरानीआ 9:24

क्युं क मसी बि पबितर झघा म कोनी गयो जखी हातऊँ बणाएड़ी अर असली परमेसर का पबितर तम्मू की नकल ह पण बो तो ईस्बर नगरी मई गयो, जिऊँ क बो आपणै कानिऊँ परमेसर क सामै बिचोली करै।

1 तिमूतियूस 6:12

बिस्वास की दोड़ म पूरी ज्यान लगार भाज। अर खुद ताँई अजर-अमर जीवन जीत, जि ताँई तनै परमेसर बुलायो हो, जद तू रोब क सागै तेरा बिस्वासनै बोळा सारका गुवा क सामै दिखायो हो।

2 कुरन्थीयो 7:1

लाडला भाईड़ो जदकी आपणै कनै परमेसर का करेड़ा अ करार ह। इ ताँई आपानै परमेसर को डर मानर काया अर आत्मानै सूगली चिजाऊँ दूर राख'र पबितर राखबो चाए।

1 कुरन्थीयो 4:6

मेरा लाडला बिस्वास्यो, थारै ताँई म अ बाता जखी म थानै सीखायो हूँ बानै अपुलोस अर खुद प लागू करी ह, जिऊँ थे म्हारूँ खेबत का मतबलनै सीख सको अर आ खेबत आ ह, “जोक्यु पबितर सास्तर म मंडेड़ो ह थे बिनै नइ उंडाळ ज्याओ।” अर थानै दुसरा को विरोध करबा ताँई एक की भीड़ लेर गुमानऊँ नइ फुलबो चाए।

भेजेड़ा चेला का काम 16:33

बि रातई बो बानै लेज्यार बाका घाव धोया अर आपका सगळा कूणबा समेत रात्यु-रातई बतिस्मो लिओ।

भेजेड़ा चेला का काम 8:36

अर बे चालता-चालता एक पाणी हाळी झघा पुग्या, जणा पाणीनै देखर हिंजड़ो बिऊँ बोल्यो, “अठै पाणी तो हई, जणा पाछै मनै बतिस्मो लेबा म काँई ढिलाई ह।”

रोमीयो 5:14

पण आदमऊँ लेर मूसा का टेमताई मोत सगळा प राज करती री। मोत बापै बी ही जखा आदम की जंय्यां को पाप कोनी कर्या। आदम आबाळा जंय्यां कोई हो।

इबरानीआ 11:19

क्युं क अब्राहम सोच्यो क परमेसर मरेड़ानै जिंदो कर सकै अर ज इनै दुसरा तरिकाऊँ बोलां जणा बो इसाकनै मोतऊँ पाछो ले लिओ।

2 कुरन्थीयो 1:12

म्हानै गुमान ह क म्हें साप अन्तर-आत्माऊँ आ खे सकां हां, क म्हें इ दुनिया का मिनखा क सागै अर खासकर थारै सागै परमेसर की खराई अर ईमानदारीऊँ रिह्या हां। अंय्यां म्हें परमेसरऊँ मिलबाळी दयाऊँ कर्या हां, दुनियादारीऊँ मिलबाळी बुदीऊँ नइ।

1 तिमूतियूस 1:5

इ आदेस को मकसद ओ ह क, सगळा बिस्वासी परेमऊँ भरज्यावै, जखो पबितर मनऊँ, साप अन्तर-आत्माऊँ अर बिना मिलावट का बिस्वासऊँ पैदा होवै ह।

इबरानीआ 9:14

ज अ बाता साची ह जणा मसी को लोय कतो सक्‍तिसाली ह। अर अजर-अमर पबितर आत्मा क जरिए बो खुदनै निरदोस चढावा क रूप म परमेसरनै चढा दिओ, अंय्यां करबाऊँ अर लोयऊँ आपानै बो, मोत क गेलै लेज्याबाळा कामाऊँ सुद कर दिओ जिऊँ आपा जीवता परमेसर की सेवा कर सकां।

इबरानीआ 10:22

जणा आओ, आपा सचा हिया अर पूरा बिस्वास क सागै मन का बुरा बिचारानै छिड़कावऊँ सुद करवार कायानै पबितर पाणीऊँ धुलवार परमेसर क कनै चालां।

इबरानीआ 13:18

थे म्हारै ताँई अरदास करता रेह्‍वो। अर म्हानै पक्को बेरो ह क म्हारी अन्तर-आत्मा सुद ह। अर म्हें हरतर्याऊँ चोखी जिंदगी जिबो चावां हां।

1 पतरस 3:16

अर थारी अन्तर-आत्मानै बी सुद राखो, अंय्यां थे बा मिनखानै सरमा मार देस्यो जखा मसी म थारै भला करमा क बारां म बुरो बोलीं हीं।

यहून्ना 13:9

समोन पतरस बोल्यो, “जणा परबु तू मेरा पगई क्युं, हात अर माथो बी धो दे!”

भेजेड़ा चेला का काम 8:37

(फलिपूस बिनै जुबाब दिओ, “तू तेरा मनऊँ पूरो बिस्वास करै जणा तनै कूण डाट सकै ह।” बो बोल्यो, “हाँ म मेरा पूरा मनऊँ मानू हूँ क परबु ईसु मसीई परमेसर को बेटो ह।”)