1 पतरस 3:18 - जीवन को च्यानणो (सेकावाटी नया नियम की पोथ्या)

¹⁸ क्युं क मसी सगळा का पाप ताँई एकर मर्यो जखो धरमी होर बी पाप की बजेऊँ दुख भोग्यो जिऊँ आपानै परमेसरऊँ मिलावै। बो काया म मर्यो पण आत्मा म जीवायो गयो।

1 पतरस 3:18 Referans Kwoze

इबरानीआ 9:28

बंय्यांई मसी बी बोळा मिनखा का पापनै धोबा ताँई एकर बलिदान होयो; अर मसी बा मिनखा ताँई जखा बिनै उडिकै ह बाका पाप धोबा ताँई नइ पण बाका छुटकारा ताँई दुसरकै परगट होसी।

इबरानीआ 9:26

अर ज अंय्यां होतो जणा मसीनै इ सरस्टि की सरूआतऊँ लेर कई बार पिड़ा भोगणी पड़ती; पण इब बो इ जुग क आखरी म सगळा ताँई एकबरई परगट होगो, जिऊँ बो खुदई बलिदान होर पाप को नास कर दे।

2 कुरन्थीयो 5:21

अर जखो कदैई पाप कोनी कर्यो बिनै परमेसर आपणा ताँई पापबली बणायो जिऊँ आपा परमेसर क सामै धरमी बाजां।

1 पतरस 4:6

मरेड़ानै तो इ ताँई चोखो समचार सुणायो गयो हो क काया म तो मिनखा क कह्या गेल बाको न्याय हो, पण आत्मा म बे परमेसर क कह्या गेल जिवीं।

तितूस 2:14

बो आपणा ताँई खुदकी ज्यान दे दिनी। जिऊँ बो आपानै सगळा पापऊँ बचावै अर आपानै सुद कर खुद ताँई अंय्यां का मिनख बणावै जखा भला काम करबा ताँई उतावळा रेह्‍वै।

1 यहून्ना 1:9

पण ज आपा परमेसर क सामै खुदका पापनै मानल्या जणा बो आपणा सगळा पाप माफ कर देसी अर सगळी बुरायाऊँ आपानै सुद कर देसी। क्युं क बो बिस्वास जोगो अर न्याय करबाळो ह।

रोमीयो 4:25

ईसुनै आपणा पाप ताँई मरबानै दिओ गयो अर आपानै धरमी बणाबा ताँई मरेड़ा मऊँ ओज्यु जीवायो गयो।

1 पतरस 4:1

जदकी मसी काया म दुख भोग्यो जणा थे बी बिकी लीक प चालता होया जीवन जीओ, क्युं क जखो काया म दुख भोग्यो बिनै पापऊँ छुटकारो मिलगो।

रोमीयो 8:3

नेम-कायदो आपानै कोनी बचा सक्यो क्युं क पापी मिनख सुभाव की बजेऊँ बो कमजोर होगो। जणा परमेसर बो कर्यो जखो नेम-कायदो कोनी कर सक्यो, बो आपका एकलोता बेटानै आपणा पाप की सजा भोगबा ताँई आपणी पाप्या की काया स्यारकी काया म भेज्यो। अंय्यां परमेसर पापी काया म पापनै दंड दिओ।

गलातियो 3:13

मसी आपणा सरापनै आपकै उपर लेर आपानै नेम-कायदा का सरापऊँ अजाद कर दिओ। क्युं क पबितर सास्तर म मंडेड़ो ह क, “जखो बी सुळी प लटकायो जासी बो सरापित ह।”

गलातियो 1:4

परम-पिता परमेसर की इंछ्यानै पूरी करबा ताँई मसी आपणा पाप ताँई खुदनै मरबा ताँई दे दिओ जिऊँ आपा बुरी दुनियाऊँ छुटाया जावां।

2 कुरन्थीयो 13:4

बो कमजोरी म हो जणा बो सुळी प मर्यो, पण बो परमेसर की सक्‍तिऊँ जिंदो ह। अर म्हें बी बिमै तो कमजोर हां पण परमेसर की सक्‍ति की बजेऊँ बिकै सागै जीवां हां जिऊँ थानै सुदार सकां।

रोमीयो 5:2

बिस्वास की बजेऊँ बो आपानै परमेसर की दया म ल्यायो जिमै आपा इब जिर्या हां अर परमेसर की मेमा की आस प गुमान करां हां।

याकूब 5:6

अर थे धरमी मिनखानै जखा थारै खिलाप कोनी होया, बानै दोसी बतार बाकी हत्या कर दिनी।

भेजेड़ा चेला का काम 3:14

बो पबितर अर धरमी हो। पण थे बिनै तज दिआ, अर एक हत्यारानै छोडबा की पीळातुसऊँ दरखास्त करी।

2 कुरन्थीयो 1:24

अर इको ओ मतबल कोनी क म्हें थारा मालिक हां जखा थानै खेवां क थारो बिस्वास कंय्यां को होवै। पण म्हें तो थारी खुसी ताँई थारै सागै काम करां हां, क्युं क थे बिस्वास म मजबूत हो।

रोमीयो 8:11

अर ज बो पबितर आत्मा जखो मसी ईसुनै मरेड़ा मऊँ जीवायो हो, थारै मांयनै बास करै ह जणा बो, जखो मसी ईसुनै मरेड़ा मऊँ ओज्यु जीवायो हो थारी नसबर कायानै आपकी पबितर आत्माऊँ जखी थारै मांयनै बास करै ह ओज्यु जीवासी।

भेजेड़ा चेला का काम 22:14

जणा बो मेरूँ बोल्यो, ‘आपणा बाप-दादा को परमेसर तनै इ ताँई टाळ्यो ह क तू बिकी इंछ्या जाणै। अर बि धरमीनै देखै अर बिका मुंडाऊँ बाता सुणै।

मत्ती 27:19

अर जद पीळातुस न्यायहाळा सिंघासन प बेठ्यो हो जणा बिकी लूगाई बिकन एक संदेसो भेज्यो। जिमै मंडर्यो हो क, “सुआरैसिक म सूपना म इ मिनख की बजेऊँ बोळो दुख पाई हूँ। जणा इ धरमी मिनख क सागै क्युंई बुरो मना करज्यो।”

मत्ती 27:24

पीळातुस आ देखर सोच्यो इब क्युंई कोनी हो सकै ज म भीड़ क खिलाप जास्युं तो दंगो हो सकै ह। इ ताँई बो पाणी लेर भीड़ क सामै हात धोर खयो, “इ मिनख की मोत म मेरो कोई लेणदेण कोनी आ थारी करनी ह।”

यहून्ना 16:10

बो धारमिक्‍ता क बारां बतासी क्युं क म परम-पिता कनै जार्यो हूँ अर थे मनै ओज्यु कोनी देखस्यो।

इफिसुस 3:12

ईसु मसी क सागै संगत अर बिपै आपणा बिस्वास की बजेऊँई आपा बेधड़क अर सगळा भरोसा क सागै परमेसर क सामै जा सकां हां।

इबरानीआ 9:14

ज अ बाता साची ह जणा मसी को लोय कतो सक्‍तिसाली ह। अर अजर-अमर पबितर आत्मा क जरिए बो खुदनै निरदोस चढावा क रूप म परमेसरनै चढा दिओ, अंय्यां करबाऊँ अर लोयऊँ आपानै बो, मोत क गेलै लेज्याबाळा कामाऊँ सुद कर दिओ जिऊँ आपा जीवता परमेसर की सेवा कर सकां।

इबरानीआ 10:10

अर परमेसर की बि इंछ्याऊँ आपा ईसु मसी की कायानै एकर बलिदान करबा की जरिए पबितर कर दिआ गया हां।

1 पतरस 3:19

मर्या पाछै अर मरेड़ा मऊँ जिंदो होबाऊँ पेली बो मरेड़ा मिनखा की आत्मा जखी न्याय होबानै केद म ही बामै चोखा समचार को हेलो पाड़्यो।