1 पतरस 3:15 - जीवन को च्यानणो (सेकावाटी नया नियम की पोथ्या)

¹⁵ पण मसीनै थारा हिया को मालिक मानो अर ज कोई थारूँ थारी आस क बारां म क्युं बुजै, जणा थे बिनै मान अर कदर क सागै जुबाब देबा ताँई सदाई त्यार रेह्‍ओ।

1 पतरस 3:15 Referans Kwoze

कलुसीयो 4:6

थारो बोल मिठो अर मननै चोखो लागबाळो होणो चाए जिऊँ थे जाणल्यो की कूणसा आदमीनै कंय्यां को जुबाब देणो चाए।

1 पतरस 3:2

क्युं क बो देखसी क थे परमेसर को आदरमान करो हो अर पबितर चाल-चलन राखो हो।

तितूस 1:2

ओ सच अजर-अमर जीवन की आस बंधावै ह। जिको करार बिस्वास जोगो परमेसर जगत की सरूआतऊँ पेली कर दिओ हो।

कलुसीयो 1:27

परमेसर आपका टाळेड़ा मिनखा प बि भेदभर्या सतनै परगट कर्यो जिकी बो मनस्या बणा राखी ही ओ सत बोळो मेमाभर्यो ह, अर ओ सगळा ताँई ह। ओ भेद भर्यो सत ओ ह क, मसी गैर-यहूदि मिनखा म बी रेह्‍वै ह जखो मेमा की आस ह।

इबरानीआ 6:1

इ ताँई आओ आपा मसी की सरूआती सीखनै छोडर स्याणा बणबा ताँई आगै बढता रेह्‍वां। अर आपानै ओज्यु बाई बाता म नइ पड़्यो रेह्बो चाए जखी बाता आपा सरूआत म सीखी ही जंय्यां क मोत कानि लेज्याबाळा करमाऊँ हियो फेरबो अर परमेसर प बिस्वास करबो,

कलुसीयो 1:5

अंय्यां बि आस करेड़ी चिज की बजेऊँ होयो ह जखी थारै ताँई ईस्बर नगरी म धरेड़ी ह। अर जिकै बारां म थे पेल्याऊँई चोखा समचार जखो सचो ह बिमै सुण लिआ हो।

कलुसीयो 1:23

ओ जणाई हो सकै ह जद थे बिस्वास म एक झघा अर अटल बण्या रह्यो अर जि चोखा समचारनै थे सुण्या हो बिऊँ मिलेड़ी बि आसनै मना तजो। ओ बोई चोखो समचार ह जिको म पोलुस गुलाम बण्यो हूँ अर इकी इ जगत का सगळा मिनखानै सीख दिनी गई ह।

इबरानीआ 3:6

पण मसी बेटो होबा क नातै परमेसर का घर को मुखियो ह, अर ज आपा हिमत अर बि आसनै जिपै आपा बिस्वास करां हां थाम्या राखां जणा आपा बिका परिवार हां।

1 पतरस 3:4

पण थे स्यांत अर सुदी बणो जिऊँ थे मांयऊँ सोवणी होस्यो। अंय्यां को सोवणोपूणो सदाई बण्यो रेह्‍वै ह अर परमेसर की नजर्या म इको बोळो मोल ह।

1 पतरस 1:17

थे बिनै, “परम-पिता” खेर हेलो द्‍यो हो, इकै वावजुद बी बो थारा कामा को दोगलापुणाऊँ न्याय कोनी करै। क्युं क बिकी नजर्या म सगळा मिनख बराबर ह अर बो सगळा को न्याय बाकै करमा गेल करै ह। जणा थे थारा इ जीवन म बिकै खया प चालो क्युं क थे इ धरती प परदेसी की जंय्यां हो।

भेजेड़ा चेला का काम 24:25

पण जद पोलुस धारमिक्‍ता, खुद प काबू राखबो अर परमेसर को मिनखा प आबाळा न्याय का दिन क बारां म बोलबा लाग्यो जणा फेलिक्स डरगो अर बोल्यो, “इब तो तू जा कदै ओज्यु मोको पड़सीक जणा तनै बुलास्युं।”

भेजेड़ा चेला का काम 21:39

जणा पोलुस बोल्यो, “अजी म बो कोनी। म तो कलिकीया की मानेड़ी नगरी तरसुस को रेह्बाळो यहूदि मिनख हूँ। म थारूँ हात जो'ड़र खेऊँ हूँ की थे मनै मिनखाऊँ बात करबा को मोको द्‍यो।”