1 पतरस 3:14 - जीवन को च्यानणो (सेकावाटी नया नियम की पोथ्या)

¹⁴ अर ज थे भलाई करबा बेई दुख भोगो हो, जणा थे भागहाळा हो। इ ताँई बाऊँ डरबो छोड द्‍यो अर इकी बी चिंत्या मना करो क मिनख काँई कर सकै ह।

1 पतरस 3:14 Referans Kwoze

मत्ती 10:28

“थे बा मिनखाऊँ मना डरो जखा थारी कायानै नास कर सकीं हीं पण थारी आत्मानै नास कोनी कर सकीं। पण परमेसरऊँ डरो जखो थारी आत्मा अर काया दोन्यानै नरक म गेर'र नास कर सकै ह।

2 कुरन्थीयो 12:10

हाँ म कमजोर होर, बेजत होर, दुख म, सताव म, परेसानी म राजी हूँ, ज बे मसी की बजेऊँ ह। क्युं क जद म कमजोर होऊँ हूँ, जणाई ताकतबर होऊँ हूँ।

याकूब 1:12

बो मिनख भागहाळो ह जखो बिचास्या जाबा की घड़ी म डट्यो रेह्‍वै ह, क्युं क बिनै बिचास्या जाबा क पाछैई खरो मिनख बणार जीवन को मुकट मिलसी, जिनै परबु आपका परेम करबाळानै देबा को बादो कर राख्यो ह।

यहून्ना 14:27

थानै चिंत्या अर डरबा की जुर्त कोनी, क्युं क म थानै स्यांती देस्युँ। आ इ दुनिया की स्यांती की जंय्यां की कोनी, आ बा स्यांती ह, जखी मई दे सकूँ हूँ।

यहून्ना 14:1

ईसु आपका चेलाऊँ बोल्यो, “मन म चिंत्या कर उदास मना होवो , पण परमेसर अर मेर प बी बिस्वास करो।

मरकुस 10:29

ईसु बोल्यो, “म थानै सची-सची खेऊँ हूँ ज कोई मेरै ताँई अर चोखा समचार ताँई घर, सागे भाई-भाण, माँ-बापा, टाबर-टिकरा, अर खेतनै छोड दिओ ह

मरकुस 8:35

जखो बी आपको पिराण बचाबो चावै ह बो आपका पिराणा की हानी उठासी। अर जखो बी मेर ताँई अर चोखा समचार ताँई आपका पिराण तजसी, बो बिनै बचासी।

मत्ती 19:29

अर जखो बी मेरै ताँई आपका घरबार, सागे भाई-भाणा, माँ-बापानै, टाबरानै अर जमीन-जायजादनै तज्यो ह बिनै सो गुणा मिलसी। अर बो अजर-अमर जीवन जिसी।

मत्ती 16:25

जखो बी खुदका पिराण बचाबो चावै ह बो बिनै खोसी अर जखो बी मेर ताँई खुदका पिराण तजसी, बो आपका पिराण बचासी।

1 पतरस 3:6

जंय्यां, सारा अब्राहम की मान्या करती ही अर बा बिनै आपको मालिक बोलती ही। इ ताँई ज थे बी जखो सई ह बो करो अर ख्याऊँई मना डरो जणा थे बिकी बेट्या खुवास्यो।

मत्ती 10:39

“जखो बी आपका पिराण बचावै ह बो बिकी हानी उठावै ह, अर जखो बी मेरी बजेऊँ आपका पिराण देवै ह बो बिनै पासी।

फलिपी 1:29

क्युं क मसी प बिस्वास करबा को सोभागई नइ पण बि ताँई दुख उठाबा को बी सोभाग थानै दियड़ो ह;

मत्ती 10:31

इ ताँई डरो मना क्युं क परमेसर की नजर्या म थारो मोल तो चिड़कल्याऊँ बी बोळो ह।

भेजेड़ा चेला का काम 9:16

अर मेरा नामऊँ दुख उठाबो कतो जरूरी ह आ बात म खुद बिनै दिखास्युं।”

याकूब 5:11

आपा बानै दुख मुसीबत सेह्बा की बजेऊँई भागहाळा बोलां हां। अर थे अयुब क थ्यावस राखबा क बारां म तो सुण्योई हो अर थे आबी सुण्या हो क परबु बिनै बिको काँई फळ दिओ क्युं क परबु तरस अर दया करबाळो ह।