1 पतरस 3:1 - जीवन को च्यानणो (सेकावाटी नया नियम की पोथ्या)

¹ जंय्यां दास आपका मालिक क बस म रेह्‍वै ह बंय्यांई ओ लूगायो, थे बी थारा मोट्यारा की मानो। जिऊँ ज कोईसी को मोट्यार परमेसर का बचन प नइ चालबाळो होवै जणा बिऊँ कोईनै क्युं बोलबा की जुर्त कोनी पण बो आपकी लूगाई का बरतावनै देखरई परमेसर का बचन प चालबा लागज्या।

1 पतरस 3:1 Referans Kwoze

कलुसीयो 3:18

ओ परबुनै मानबाळी लूगायो, थारै ताँई ओ चोखो ह क, थे थारा मोट्यारा क बस म रह्यो।

इफिसुस 5:33

इ ताँई थारै म हरेक मोट्यार आपकी लूगाईनै खुदकी जंय्यां परेम करै अर लूगाया बी आपका मोट्यारा की ईज्जत करै।

1 कुरन्थीयो 11:3

अर म थानै बताबो चाऊँ हूँ क लूगाई को सीर बिको मोट्यार ह, अर मोट्यार को सीर ईसु मसी ह, अर ईसु मसी को सीर परमेसर ह।

1 कुरन्थीयो 7:16

ओ लूगायो थे जाणो हो के? थारै अंय्यां करबाऊँ काँई बेरो थे थारा अबिस्वासी मोट्यारानै बचाल्यो? ओ मोट्यारो थे जाणो हो के? थारै अंय्यां करबाऊँ काँई बेरो थे थारी अबिस्वासी लूगायानै बचाल्यो?

1 पतरस 3:7

अंय्यांई ओ मोट्यारो, थे बी थारी लूगाया क सागै समजदारीऊँ जीवन जीओ। अर लूगायानै थारूँ कम मजबूत अर जीवन का बरदान म थारी पाँतीवाळ मानर बाकी ईज्जत करो। जिऊँ थारी अरदास म कोई आट नइ आवै।

रोमीयो 7:2

जंय्यां एक ब्याईड़ी लूगाई काण कायदा गेल आपका मोट्यार क सागै बिकै जीताजीई बंधेड़ी ह, ज बिको मोट्यार मरज्यावै जणा बा ब्या का सगळा काण कायदाऊँ अजाद होज्यावै।

1 कुरन्थीयो 14:34

क लूगायानै बिस्वासी मंडळी म चुपचाली रेह्णो चाए। क्युं क बानै बोलबा की इजाजत कोनी, जंय्यां की यहूदि रीत बतावै ह क बे आपका मोट्यारा क बस म ह।

मत्ती 18:15

“ज तेरो बिस्वासी भाई तेरै सागै बुरो करै जणा तू बिनै एकला म लेज्यार बिनै बिकी गळती बता, अर जद बो थारी बात सुणर बिनै मानले जणा तू बिनै नास होबाऊँ बचा लिओ ह।

कलुसीयो 4:5

अबिस्वास्या क सागै थारो बरताव सलिका को राखो अर हरेक मोका को चोखो फाईदो उठाओ।

इबरानीआ 11:8

बिस्वास करबा की बजेऊँई जद अब्राहमनै बुलायो गयो हो, जणा बो हुकम मानर बि झघा कानि चाल पड़्यो जिको बो वारिस बणबाळो हो। जदकी बो कोनी जाणतो हो क बो कठै जार्यो ह।

2 थिसलूनिकी 1:8

अर जखा परमेसरनै कोनी जाणै अर आपणा परबु ईसु का चोखा समचारनै कोनी मान्या बानै सजा देसी।

रोमीयो 6:17

पण परमेसर को गुण-एसान क, थे पाप का दास होबा क बावजुद बी, बि सीखनै हियाऊँ मान्या जखी थानै सूपी गई ह।

1 पतरस 4:17

क्युं क बा घड़ी आबाळी ह जद पेल्या तो परमेसर का मिनखा को न्याय कर्यो ज्यासी; अर न्याय की सरूआत आपणाऊँई होसी जणा बाको काँई होसी जखा परमेसर का चोखा समचारनै कोनी मानी?

1 पतरस 1:22

थे सच का गेला प चाल्या जणा थारा पाप सुद कर दिआ गया, जणा इब थानै चाए क एक दुसराऊँ भाईचारो राखो अर एक दुसराऊँ खरा हिया क सागै डूँगो परेम राखो।

इबरानीआ 5:9

बो सगळी बाता म निधान होर बा सगळा मिनखा ताँई जखा बिका हुकमानै मानै ह, जुग-जुग ताँई छुटकारा को आधार बणगो।

रोमीयो 10:16

पण चोखा समचारनै सगळा कोनी मान्या। यसाया बोलै ह, “ओ परबु, म्हारूँ सुणर कूण बिस्वास कर्यो?”

1 पतरस 3:2

क्युं क बो देखसी क थे परमेसर को आदरमान करो हो अर पबितर चाल-चलन राखो हो।