1 पतरस 2:25 - जीवन को च्यानणो (सेकावाटी नया नियम की पोथ्या)

²⁵ क्युं क पेली थे भटकेड़ी लल्ड्या की जंय्यां हा। पण इब थे थारा गुवाळ्या अर थारी आत्मा की रूखाळी करबाळा कनै ओटा आगा हो।

1 पतरस 2:25 Referans Kwoze

भेजेड़ा चेला का काम 20:28

जणा इब थे बिस्वासी मंडळी का रूखाळा हो आ जिमेदारी थानै पबितर आत्मा सूपी ह। बा लल्ड्या का रेवड़ा का गुवाळ्या बणो, जिनै परमेसर आपका बेटा का लोयऊँ मोल लिओ ह।

मत्ती 9:36

अर ईसु जद बी भीड़नै देखतो बानै बापै तरस आतो क्युं क बे बि लल्डी की जंय्यां हा जिको गुवाळ्यो कोनी होवै ह जिकै बजेऊँ बा अठिनै-बठिनै रूळती फिरै ह।

मत्ती 18:12

म थानै बुजूँ हूँ ज खिकन सो लल्डी हो अर बामैऊँ एक लल्डी गुमज्या जणा बो बा निन्याणमनै डूँगर म छोडर बि लल्डीनै ढुंढबा कोनी ज्यासी के? बो पक्कोई ज्यासी।

1 पतरस 5:4

क्युं क जद बो रूखाळो मसी जखो सकै उपर परधान ह परगट होसी, जणा थानै मेमा को मुकट मिलसी अर इ मुकट की रंगत कदैई कोनी जावै।

इबरानीआ 13:20

स्यांती देबाळो परमेसर थानै हर भली बात म भर्योपूरो करै। जिऊँ थे बिकी इंछ्या पूरी करो, अर ईसु मसी क जरिए आपणै मांयनै बी काम करै जंय्यां क बिनै चोखो लागै। परमेसर, आपणा परबु ईसुनै नइ मिटबाळा नया करार का लोय क जरिए मोतऊँ ओज्यु जीवायो जखो लल्ड्या को म्हान गुवाळ्यो ह। परमेसर की मेमा जुग-जुग ताँई होती रेह्‍वै। अंय्यांई होवै।

इबरानीआ 3:1

ईस्बर नगरी का बुलावा म पाँतीवाळ ओ मेरा पबितर बिस्वासी भाईड़ो, थे थारो ध्यान बि परमेसर का भेजेड़ा ईसु प जखो म्हायाजक ह अर जिनै म्हें माना हां बिपै लगाओ।

इबरानीआ 5:2

बो अज्ञानी अर भटकेड़ा मिनखा क सागै नरमाईऊँ बरताव कर सकै ह। क्युं क बो खुद कमजोर्या क बस म ह।

1 पतरस 3:20

अ बा मिनखा की आत्मा ही जखी नूह का टेम म जद बो झाज बणार्यो हो बे परमेसर का कह्यानै कोनी मान्या पण परमेसर बा बेई थ्यावस राख्यो। बस आठ मिनख झाज म बड़्या अर पाणी म डूबबाऊँ बचाया गया हा।