1 पतरस 2:23 - जीवन को च्यानणो (सेकावाटी नया नियम की पोथ्या)

²³ बिकी बेजती करी गई इकै वावजुद बी बो क्युंई कोनी बोल्यो। अर जद बिनै दिन घाल्यो गयो हो, जणा बी बो कोई धमकी कोनी दि। पण आकै वावजुद बी बिको भरोसो परमेसर म हो जिको न्याय खरो ह।

1 पतरस 2:23 Referans Kwoze

1 पतरस 4:19

इ ताँई जखो परमेसर की इंछ्या गेल दुख उठावै ह, बे भला काम करता होया खुदनै बिस्वास जोगा परमेसरनै सूप दे जखो थानै बणायो ह।

इबरानीआ 12:3

इ ताँई बिपै ध्यान द्‍यो, क्युं क बो पाप्याऊँ अंय्यां का विरोध सेलिआ जिऊँ क थे नइ थको अर नइ हार मानो।

भेजेड़ा चेला का काम 4:29

इब परबु जी थे गोर धरो अर थारा दासानै हिमत क सागै थारा बचनानै सुणाबा की सक्‍ति द्‍यो।

2 तिमूतियूस 4:8

अर इब ईस्बर नगरी म जीत को इनाम मनै उडिकर्यो ह, जिनै धरमी न्यायी परबु आखरी दिन मनै देसी। मनै एकलानैई नइ पण बा सगळानै बी जखा परेम क सागै बिकै परगट होबानै उडिकीं हीं।

2 तिमूतियूस 1:12

अर इ बजेऊँई म अ सगळा दुख उठाऊँ हूँ। पण म इ ताँई सरमिंदा कोनी, क्युं क म जाणू हूँ क, मेरो बिस्वास किमै ह, अर म इ बात ताँई पक्को हूँ क, जोक्यु बो मनै सूप्यो ह बिनै मसी क ओज्यु आबाळा दिन ताँई बचाबा को बळबूतो राखै ह।

लूका 23:46

ईसु जोरकी उवाज म बोल्यो, “परम-पिता म मेरी आत्मा थारा हाता म देऊँ हूँ आ खेताई, बो पिराण तज दिआ।”

दरसाव 19:11

जणा म ईस्बर नगरीनै खुली देख्यो अर म बठै एक धोळो घोड़ो देख्यो, अर बिका सवारनै बिस्वास जोगा अर सच का नामाऊँ बुलायो जार्यो हो। बो सचाई क सागै न्याय अर युद करतो हो।

1 पतरस 3:9

थे बुराई क बदलै बुराई मना करो, गाळी क बदलै गाळी मना द्‍यो पण आकै बदलै आसिरबादई द्‍यो। क्युं क थानै अंय्यां करबा ताँई बुलायो गयो ह जिऊँ थे आसिरबाद का वारिस होवो। जंय्यां सास्तर म मंडर्यो ह,

2 थिसलूनिकी 1:5

अ सगळी बाता परमेसर क सचा न्याय को साप सबूत ह। अ बाता थानै परमेसर का राज का जोगा बणावै, जि परमेसर का राज ताँई थे दुख बी भोगर्या हो।

इफिसुस 6:9

ओ मालको, थारा गुलामानै धमकाबो छोडर बाकै सागै बंय्यांई बरताव करो जंय्यां बे थारै सागै करी हीं, क्युं क थानै इ बात को बेरो ह क थारो अर बाको मालिक ईस्बर नगरी म ह अर बिकी नजर्या म सगळा इकसार हीं।

रोमीयो 2:5

पण थारा जीद्दि सुभाव अर पापऊँ मन नइ फेरबा की बजेऊँ थे थारै ताँई झाळ भेळी करर्या हो अर आ झाळ थार प बि दिन पड़सी जद परमेसर आपको सचो न्याय परगट करसी।

भेजेड़ा चेला का काम 17:31

क्युं क एक दिन परमेसर पेल्याऊँ ते करेड़ा मिनख क हातऊँ जगत का मिनखा को सचाई क सागै न्याय करसी। इ बात को सबूत देबा ताँई परमेसर बिनै मरेड़ा मऊँ जीवायो।”

भेजेड़ा चेला का काम 9:1

हाल बी साऊल नाम को मिनख जखो ईसु का चेलानै धमकार्यो हो अर जानऊँ मार्यो हो, बो म्हायाजक क कनै गयो।

लूका 23:9

जणा बो ईसुऊँ बोळी बाता बुजी पण बो एक कोई जुबाब कोनी दिओ।

भेजेड़ा चेला का काम 7:59

अर बे बिपै भाठा बगाबा लागर्या हा बि टेमई बो परमेसरऊँ आ खेतो अरदास करबा लाग्यो, “ओ परबु ईसु मेरा पिराणानै थारै कनै बुलाल्यो।”

लूका 23:41

क्युं क आपानै आपणी करनी गेल फळ मिलर्यो ह, पण ओ लाय तो क्युं कर्योई कोनी।”