1 पतरस 2:20 - जीवन को च्यानणो (सेकावाटी नया नियम की पोथ्या)

²⁰ पण ज थे बुरा काम की बजेऊँ लात घूसा खार क्युंई कोनी बोलो जणा इमै कूणसी बडाई की बात ह? पण ज भला काम करबा की बजेऊँ सक्यु सेर बी क्युंई कोनी बोलो, जणा आ बात परमेसर क सामै बडाई हाळी ह।

1 पतरस 2:20 Referans Kwoze

1 पतरस 2:19

क्युं क परमेसर क बारां म सोचर, ज कोई मिनख बिना गळती कई सक्यु सेह्‍वै ह, बो परमेसरनै राजी करै ह।

1 पतरस 3:17

अर ज परमेसर की इंछ्या ह क थे भलाई करबा की बजेऊँ दुख भोगो, जणा बुराई करबाऊँ तो चोखो दुख भोगबो ह।

1 पतरस 3:14

अर ज थे भलाई करबा बेई दुख भोगो हो, जणा थे भागहाळा हो। इ ताँई बाऊँ डरबो छोड द्‍यो अर इकी बी चिंत्या मना करो क मिनख काँई कर सकै ह।

लूका 6:32

अर थे बाऊँई जखा थारूँ प्यार-परेम राखै ह प्यार-परेम करो जणा काँई गुण-एसान? क्युं क आपकाऊँ तो पापी बी प्यार-परेम राखै।

मत्ती 5:47

अर ज थे थारा भाई-भाणा किई आवभगत करो हो जणा इमै काँई गुण-एसान? अंय्यां तो परमेसरनै नइ ध्यारबाळा मिनख बी कोनी करै के?

1 कुरन्थीयो 4:11

अर म्हें इब ताँई भूखा तिसाया अर उघाड़ा हां, म्हारै सागै मारा पिटी करी जावै ह अर म्हें बेघर हां।

मरकुस 14:65

अर कई लोग ईसु प थूकबा लाग्या अर कई ईसु की आँख्या प गाबो बांदके मुका मारबा लाग्या अर बिको तमासो बणार बोल्या, “तू भबिस्वाणी करतो फिरतो हो, इब बता तनै कूण मार्यो” अर चोकीदार ईसुनै पकड़र थपड़ मार्या।

मत्ती 26:67

जणा पाछै बामैऊँ कई बिकै मुंडा प थूक्यो अर बिकै मुका मार्या अर बिकै थपड़ मार्या,

फलिपी 4:18

मेरै कनै थारो देयड़ो सक्यु ह अर जुर्तऊँ बी बेत्ती ह: अर जखी चिजा थे ईफरदितुस क हाता मनै भेजी बे मनै मिलगी अर बे मिठी अर खुसबोई देबाळी भेंट ह जखी लेबा जोगी अर परमेसरनै राजी करबाळा बलिदान जंय्यां की ह।

इफिसुस 5:10

परमेसरनै काँई चोखो लागै ह इकै बारां म खोज करो।

गलातियो 4:18

अर ओ बी चोखो ह क भली बाता म मो राखबो चाए, आ चोखी बात ह, पण इको ओ मतबल कोनी क जद म थारै सागै हूँ जणाई राखो।