1 पतरस 2:16 - जीवन को च्यानणो (सेकावाटी नया नियम की पोथ्या)

¹⁶ थे अजाद हो इकै वावजुद बी थे परमेसर का दास हो, इ ताँई थानै पक्कोई चाए क थे थारी अजादिनै बुरा काम करबा ताँई एक भाना की जंय्यां काम म मना ल्यो।

1 पतरस 2:16 Referans Kwoze

गलातियो 5:13

ओ मेरा लाडला बिस्वास्यो, थे अजाद रेह्बा ताँई बुलाया गया हो, पण अंय्यां नइ हो क आ अजादि काया का कामानै पूरो करबा को सादन बणै। पण परेमऊँ एक दुसरा का दास बणो।

रोमीयो 6:22

पण इब थानै पाप का बंदणाऊँ छुटा लिओ गयो ह, अर थे परमेसर का दास बणगा हो, जणा जखी खेती थे काटर्या हो बा थानै पबितरता म लेज्यावै ह जिको आखरी फळ अजर-अमर जीवन ह।

1 कुरन्थीयो 7:22

क्युं क जि दासनै परबु बुलायो ह बो परबु को अजाद मिनख ह। अर अंय्यांई अजाद मिनखनै परबु बुलायो ह बो परबु ईसु मसी को दास ह।

रोमीयो 6:18

थानै पापऊँ छुटकारो मिलगो अर थे धारमिक्‍ता का दास बणगा हो।

गलातियो 5:1

मसी आपानै अजाद रेह्बा ताँई अजाद कर्यो हो, जणा मसी मई बण्या रेह्‍वो। अर गुलाम बणाबाळी बाता म ओज्यु मना जाओ।

याकूब 1:25

पण जखो मिनख अजादि देबाळा सिद नेम-कायदा प ध्यान लगार चालै ह बिनै बिका कामा म आसिस मिलै क्युं क जखो बो सुणै ह बिनै भूलै कोनी अर जंय्यां बो सुणै ह बंय्यांई बो करै ह।

याकूब 2:12

थे बा मिनखा की जंय्यां बोलो अर भेवार करो जखा को न्याय अजाद करबाळा नेम-कायदा गेल होवै ह।

इफिसुस 6:6

अर बडाई पाबा ताँई देख-दिखावा की सेवा मना करो, पण सगळा मनऊँ परमेसर की इंछ्या गेल मसी का गुलाम की जंय्यां बाकी सेवा कर्या करो।

2 पतरस 2:19

बे मिनख बाऊँ छुटकारो देबा की तो जबान करीं हीं पण बे खुदई छुटकारो कोनी पायो। क्युं क जखो मिनख जिऊँ हार ज्यावै बो बिको दास बणज्यावै ह।

कलुसीयो 3:24

याद राखो, थारो असली मालिक मसी ह जिकी थे सेवा करो हो अर परबु थारै ताँई जखो इनाम धर राख्यो ह बो थानै देसी।

मत्ती 23:13

“हे कपट राखबाळो धरमसास्तर्यो अर फरिसीयो! थार प धिक्कार ह। थे लोगा का ईस्बर नगरी राज म जाबाळा गेलानै रोको हो। थे नइ तो खुद बि गेलै जाओ अर नइ लोगानै बि गेलै जाबा द्‍यो।

यहूदा 1:4

पण थारै म अंय्यां का मिनख घुसगा हीं, जिकै बारां म सास्तर म पेल्याऊँई मांडेड़ो ह क, बानै सजा मिलसी। बे परमेसरनै कोनी मानी अर आपणा परमेसर की दयानै कुकरम करबा ताँई हरी झंडी मानी हीं। बे आपणा परबु जखो आपणो मालिक ह बि ईसु मसीनै मानबाऊँ बी मना करीं हीं।

1 थिसलूनिकी 2:5

थे इ बातनै सूल जाणो हो क म्हें कदैई लालाचोपड़ी की बाता कोनी करी। अर नइ म्हें अंय्यां की कोई बाता बोली जिऊँ थारो धन लूटां , अर आ बाता को परमेसरई गुवा ह।

यहून्ना 15:22

ज म नइ आयो होतो अर बाका पाप क बारां म नइ बतायो होतो जणा बापै कोई बात को दोस कोनी लागतो पण इब बाकन इऊँ बचबा को क्युंई भानो कोनी।