1 पतरस 2:11 - जीवन को च्यानणो (सेकावाटी नया नियम की पोथ्या)

¹¹ ओ लाडलो, म थानै हात जोड़र खेऊँ हूँ क, थे इ दुनिया म खुदनै परदेसी अर सरणारथी जाणर जीवन जीओ। अर पाप करबा की बुरी इंछ्याऊँ खुदनै बचार राखो, जखी थारै आत्मा क खिलाप लड़ै ह।

1 पतरस 2:11 Referans Kwoze

गलातियो 5:24

बे मिनख जखा मसी ईसु का हीं बे आपकी काया की बुरी इंछ्या अर बुरी लालसानै सुळी प चढा दिआ हीं।

1 पतरस 4:2

इको ओ मतबल ह क थे थारा बचेड़ा जीवन भर थारी इंछ्यानै नइ पण जखो परमेसर चावै ह बिनै मानस्यो।

इबरानीआ 11:13

अ सगळा बिस्वास क सागैई मर्या। अर आ मिनखानै बे चिजा कोनी मिली जाको बादो कर्यो गयो हो पण अ बानै दूरऊँ देखर राजी होया। अर बे मान लिआ क बे इ जगत म अणजाण अर परदेसी ह।

रोमीयो 8:13

क्युं क ज थे इ नसबर काया का सुभाव गेल जीओ जणा मरस्यो। पण ज थे पबितर आत्माऊँ काया का सुभावनै मार द्‍यो जणा जिस्यो।

याकूब 4:1

थारै मांयनै राड़ अर कळै कठैऊँ आगी? अंय्यां होबा की बजे थारी बुरी इंछ्या ह जखी थारै मांयनै राड़ अर कळै करावै ह।

2 तिमूतियूस 2:22

जुवानी की बुरी इंछ्याऊँ भाज अर जखा पबितर मनऊँ परबु को नाम लेवीं हीं बाकै सागै खुदनै धरम, बिस्वास, परेम अर मेळमिलाप क सागै संगरो राख।

2 कुरन्थीयो 7:1

लाडला भाईड़ो जदकी आपणै कनै परमेसर का करेड़ा अ करार ह। इ ताँई आपानै परमेसर को डर मानर काया अर आत्मानै सूगली चिजाऊँ दूर राख'र पबितर राखबो चाए।

रोमीयो 12:1

इ ताँई मेरा लाडला बिस्वास्यो मेरी अरदास ह क, परमेसर जखी दया आपणा प दिखाई ह। बिकी बजेऊँ थारी कायानै पबितर अर जीवती भेंट चढावा क रूप म परमेसरनै चढा द्‍यो जखी बिनै राजी करै। क्युं क बिनै ध्यारबा को ओई सचो अर सई तरिको ह।

इफिसुस 4:1

इ ताँई म, जखो परबु की सेवा ताँई केदि हूँ थारूँ आ अरदास करूं हूँ क जखा हेलाऊँ थानै बुलायो गयो हो बिकै जोगीई चाल चालो,

रोमीयो 7:23

पण म मेरी काया म ओरई नेम-कायदानै काम करता देखूँ हूँ जखो मेरी सोच प राज करबाळा नेम-कायदाऊँ लड़ै ह। अर मनै पाप का नेम-कायदा को केदि बणा लेवै ह, अ नेम-कायदा मेरी काया म काम करै ह।

भेजेड़ा चेला का काम 15:29

क थे मूरत्या प चढाईड़ी चिजा, गळो मोसेड़ा मास, लोयऊँ अर पराई लूगाया क सागै गळत कामाऊँ परै रेहज्यो, अर थारो भलो होवै।”

लूका 21:34

“इ ताँई चेता म रेह्‍वो, कदै अंय्यां नइ होज्या क थे तो लाग्या रेह्‍वो पीबा-खाबा अर आटा चून की चिंत्या म अर बो दिन थार प फंदा की जंय्यां आ पड़ै।

1 पतरस 1:17

थे बिनै, “परम-पिता” खेर हेलो द्‍यो हो, इकै वावजुद बी बो थारा कामा को दोगलापुणाऊँ न्याय कोनी करै। क्युं क बिकी नजर्या म सगळा मिनख बराबर ह अर बो सगळा को न्याय बाकै करमा गेल करै ह। जणा थे थारा इ जीवन म बिकै खया प चालो क्युं क थे इ धरती प परदेसी की जंय्यां हो।

2 कुरन्थीयो 6:1

परमेसर का संगी होबा क नातै म्हें थानै समजावां हां क परमेसर की दया थार प होई ह बिनै बेकार मना जाबाद्‍यो।

2 कुरन्थीयो 5:20

म्हें मसी ताँई ओ काम करां हां। अर थे आ मानो की परमेसर म्हारै जरिए थानै चेतावै ह। इ ताँई म्हें मसी क कानिऊँ थारूँ हात जो'ड़र खेवां हां क थे परमेसरऊँ मेळमिलाप करल्यो।

भेजेड़ा चेला का काम 15:20

पण बानै आ जरूर मांडर भेज्या क बे मूरत्या प चढाईड़ी चिज नइ खावै अर पराई लूगाया क सागै गळत काम नइ करै अर गळो मोसेड़ो मास नइ खावै अर नइ लोय पिवै।

1 पतरस 1:1

म ईसु मसी को भेजेड़ो चेलो पतरस, आ चिठी परमेसर का टाळेड़ा मिनखानै मांडूँ हूँ। जखा पिन्तुस, गलातिया, कपुदूकिया, एसिया अर बितूनिया परदेसा म तीनतेरा होगा।

इफिसुस 2:19

इ ताँई इब थे परमेसर की नजर्या म बारला कोनी हो, पण परमेसर का मिनखा क सागै परमेसर का घरबार का बणग्या हो।

इबरानीआ 6:9

लाडलो, म्हें अंय्यां बोलर्या तो हां पण म्हानै बिस्वास ह क थारै सागै छुटकारा क बारां म ओर बी चोखो-चोखो होवै।

1 पतरस 4:12

ओ मेरा लाडलो, थारो बिचास्यो जाबो लाय प चालबा की जंय्यां ह, पण थे इऊँ ताजूब मना करो क थारै सागै क्युं अनोरो होर्यो ह।

2 पतरस 3:1

ओ लाडलो, आ मेरी दुसरी चिठी ह जखी म थानै मांडी ह, अर म मेरी आ दोन्यु चिठ्या म थानै याद दिवायो हूँ क थानै पबितर हियो राखबो चाए।