1 पतरस 2:1 - जीवन को च्यानणो (सेकावाटी नया नियम की पोथ्या)

¹ इ ताँई, थे छळ-कपट, पाखंड, नफरत, बळोकड़ापूणा अर दुसरा प दोस लगाबाऊँ बचर रेह्ओ।

1 पतरस 2:1 Referans Kwoze

इफिसुस 4:31

इ ताँई थे सगळी कड़वाट, परकोप, झाळ, कळै, दुसरा की बुराई करबाऊँ अर दुसरा की हानी करबाऊँ दूर रेह्ओ।

याकूब 1:21

इ ताँई सगळा गंदा कामाऊँ अर च्यारूमेर फेलेड़ी बुराईऊँ न्यारा होर, नरमाईऊँ थारै हिया म बसेड़ा परमेसर का बचननै मानो, जखा थारी आत्मा को छुटकारो कर सकै ह।

याकूब 4:11

ओ मेरा लाडला बिस्वास्यो, थे एक दुसरा प कळंक मना लगाओ। अर ज कोई आपका पाड़ोसी भाईड़ा क खिलाप बोलै ह अर न्याय करै, जणा बो नेम-कायदा क खिलाप म बोलै अर न्याय करै ह। अर बे अंय्यां कर नेम-कायदा गेल कोनी चालै पण इको न्याय करबाळा बणज्यावीं हीं।

1 पतरस 3:10

“जखो जीवन की इंछ्या राखै ह, अर चोखा दिन देखबो चावै ह। बो आपकी जबानऊँ बुरा बोल बोलबाऊँ अर होठानै छळ की बाता करबाऊँ रोकै।

1 पतरस 4:4

पण इब जद थे बाका बा बुरा कामा म सामिल कोनी होवो जणा बानै ताजूब होवै ह। अर बे थारी बुराई करै ह।

1 पतरस 4:2

इको ओ मतबल ह क थे थारा बचेड़ा जीवन भर थारी इंछ्यानै नइ पण जखो परमेसर चावै ह बिनै मानस्यो।

याकूब 5:9

ओ मेरा लाडला बिस्वास्यो, एक दुसरा प मना बलडाओ जिऊँ थारो न्याय नइ होवै। देखो न्याय करबाळो थळी पई खड़्यो ह।

इबरानीआ 12:1

इ ताँई आपणै च्यारूमेर गुवाया की भीड़ ह जणा आओ रोड़ो गेरबाळी हरेक चिजानै, उळजाबाळा पापनै दूर करर बा दोड़ जिमै आपानै दोड़णो ह थ्यावस क सागै दोड़ां।

1 तिमूतियूस 3:11

अंय्यांई बाकी लूगायाबी ईज्जत हाळी हो अर बे चुगलीचाळा करबाळी नइ हो; बे चोकस अर सगळी बाता म बिस्वास जोगी हो।

1 पतरस 2:22

“नइ तो बो पाप कर्यो, अर नइ मुंडाऊँ छळ की बात बोली।”

तितूस 2:3

अंय्यांई बूडी-ठेरी लूगायानै बी सीखा क बे पबितर मिनखा की जंय्यां बरताव करबाळी हो। बे चुगली-चाळा करबाळी नइ हो अर नइ बामै पीबा की लत हो। पण बे चोखी सीख देबाळी हो।

1 कुरन्थीयो 14:20

मेरा लाडला बिस्वास्यो, थे थारी समज म टाबर मना बणो। बुराई ताँई टाबर बण्या रेह्ओ पण समज म स्याणा बणज्याओ।

रोमीयो 1:29

बे हरतर्या का अधरम, बुराई, लालच, बुरी लत, बळोकड़ापूणा, हत्या, राड़, धोको, बुरी मनस्या अर चुगली-चाळाऊँ भर्या पड़्या हीं।

लूका 6:42

थारी खुदकी गळत्या तो थानै दिखई कोनी अर चाल्या दुसरा की गळत्या सुदारबा। ओ ढोंगी पेली खुदकी बडी-बडी गळत्यानै तो सुदारले जणा पाछै कठै जार तू ओरा की छोटी-छोटी गळत्यानै पिछाण्बा म अर बानै सुदारबा म बाकी मदद कर सकै ह। जणा पाछै तू कंय्यां खे सकै ह आ भाईड़ा म तेरी गळत्यानै सुदार द्‍युँ।

मत्ती 23:28

अंय्यांई थे बारनैऊँ तो धरमी दिखो हो पण थारै मांयनै बुराई भरी ह।

मत्ती 7:5

ओ ढोंगी पेली खुदकी बडी-बडी गळत्यानै तो सुदारले जणा पाछै कठै जार तू ओरा की छोटी-छोटी गळत्यानै पिछाणर बानै सुदारबा म बाकी मदद कर सकै ह।

2 कुरन्थीयो 12:20

म डरूँ हूँ क, जद म थारै कनै आऊँ, जणा कदै अंय्यां नइ होवै क, जंय्यां म थानै देखबो चाऊँ हूँ, बिऊँ न्याराई दिखो। अर जंय्यांको थे मनै नइ देखबो चाओ हो, बिऊँ न्यारोई देखो। अर मनै ओ बी डर ह क, कदै थारै मांयनै आपसरी म राड़, एक दुसराऊँ बळबो, झाळ काडबो, मतलबीपुणो, बदनामी अर बेजती करबो, काना-फूसी अर हेकड़ोपूणो अर काम बिगाड़बो नइ देखूँ।

दरसाव 14:5

अ मिनख कदैई झूठ कोनी बोल्या, अर अ बेकसूर मिनख ह।

1 पतरस 2:16

थे अजाद हो इकै वावजुद बी थे परमेसर का दास हो, इ ताँई थानै पक्कोई चाए क थे थारी अजादिनै बुरा काम करबा ताँई एक भाना की जंय्यां काम म मना ल्यो।

याकूब 4:5

थानै अंय्यां नइ सोचबो चाए क, बिधी-बिधान बेफालतुई अंय्यां खेवै ह क, “परमेसर जखी आत्मा आपानै दि ह बि ताँई बोळी जळन राखै ह , क्युं क बो बिऊँ बोळो परेम करै ह।”

याकूब 3:14

पण ज थे थारा हिया म बळोकड़ोपूणो, नफरत, मतलबीपुणो राखो हो जणा थे गुमान मना करज्यो क्युं क अंय्यां को मिनख सचनै झूठ बतावै।

1 थिसलूनिकी 2:3

क्युं क म्हारो उपदेस झूठो, धोको देबाळो अर छळकपट करबाळो कोनी,

1 कुरन्थीयो 5:8

इ ताँई आओ आपा फसै को त्युंहार बुरी बाता अर पुराणा पाप हाळी खमिर की रोटी क सागै नइ पण खराई अर सचाईऊँ जखी बिना खमिर की रोटी जंय्यां ह मनावां।

यहून्ना 1:47

ईसु नतनएलनै आपकै कनै आतो देखर बोल्यो, “देखो, ओ सचमई इजरायली ह, जिमै क्युंई कपट कोनी।”

लूका 11:44

धिक्कार ह थार प! क्युं क थे बा नइ दिखबाळी कबरा की जंय्यां हो जिपै लोग अणभोळ म चालीं हीं।”

लूका 12:1

जद झारा की तादाद म मिनख एक सागै भेळा होया। जणा बठै पग धरबाकी झघा कोनी ही जणा सऊँ पेली ईसु आपका चेलानै बोल्यो, “फरिसीया का खमिरऊँ बचर रेह्ओ मेरो मतबल बाकै ढोंगऊँ ह।

मरकुस 12:15

ईसु बाकी चालनै भापगो अर बाऊँ बोल्यो, “थे मनै क्युं बिचासो हो? थे मेर कनै एक सीक्को ल्याओ जिऊँ म देखूँ।”

मत्ती 24:51

बो आर बिनै भेंकर सजा देसी अर बिको भाग कपट्या क सागै गिणसी जठै रोबो अर दांत पिसणो पड़सी।

मत्ती 15:7

ओ ढोंग्यो थारा बारां म परमेसर की खेबाळो यसाया सई खयो ह,