1 पतरस 1:22 - जीवन को च्यानणो (सेकावाटी नया नियम की पोथ्या)

²² थे सच का गेला प चाल्या जणा थारा पाप सुद कर दिआ गया, जणा इब थानै चाए क एक दुसराऊँ भाईचारो राखो अर एक दुसराऊँ खरा हिया क सागै डूँगो परेम राखो।

1 पतरस 1:22 Referans Kwoze

1 तिमूतियूस 1:5

इ आदेस को मकसद ओ ह क, सगळा बिस्वासी परेमऊँ भरज्यावै, जखो पबितर मनऊँ, साप अन्तर-आत्माऊँ अर बिना मिलावट का बिस्वासऊँ पैदा होवै ह।

इबरानीआ 13:1

भाईचारा का प्यार-परेम म बण्या रेह्ओ।

1 यहून्ना 4:12

परमेसरनै कोईबी कदैई कोनी देख्यो, पण ज आपा एक दुसराऊँ प्यार-परेम करां जणा परमेसर आपणा म बास करै ह अर बिको परेम आपणै मांयनै पूरी तर्या ह।

1 यहून्ना 4:7

लाडलो, आपा एक दुसराऊँ प्यार-परेम करां। क्युं क परमेसरई परेम ह अर जखा बी प्यार-परेम करै ह बे परमेसर का बेटा-बेटी बणग्या हीं अर बे परमेसरनै जाणी हीं।

1 पतरस 3:8

मेरी आखरी हिदायत आ ह क, थे सगळा मेळमिलापऊँ रेह्ओ, भलाई करो, प्यार-परेमऊँ भाईचारो राखो, तरस खाओ अर खुदनै छोटा बणाओ।

याकूब 4:8

परमेसर क कनै आओ जणा बो बी थारै कनै आसी। ओ पाप्यो! थे थारा हातानै साप करो, ओ सक करबाळो थे थारा हियानै पबितर करो।

1 यहून्ना 3:23

अर परमेसर को हुकम ओ ह क, आपा बिका बेटा ईसु मसी का नाम प बिस्वास करां अर इकै सागैई ईसु मसी क कह्या गेल एक दुसराऊँ प्यार-परेम करां।

2 थिसलूनिकी 1:3

मेरा लाडला बिस्वास्यो, थारै ताँई म्हानै पिता परमेसरनै धनेवाद देतो रेह्णो चाए अर ओ बाजीब बी ह, क्युं क थे बिस्वास म बोळा बढर्या हो। था सगळा म आपसरी म बोळो प्यार-परेम ह।

1 थिसलूनिकी 3:12

अर परबु करै थारो प्यार-परेम आपसरी म अर सगळा मिनखा क सागै दिन-दिन बढतो अर ओर बी बेत्ती बढतो जावै जंय्यां म्हारो प्यार-परेम थारै सागै ह।

1 यहून्ना 4:20

अर ज आपा खेवां क, “म्हानै परमेसरऊँ परेम ह।” पण मेरा भाईऊँ नफरत ह जणा आपा झूठा हां, क्युं क जि पाड़ोसी भाईड़ानै आपा देखां हां बिऊँई परेम कोनी करां, जणा बि परमेसरऊँ जिनै कदै देख्याई कोनी कंय्यां परेम कर सकां हां?

1 पतरस 2:17

सगळा मिनखा की ईज्जत करो, बिस्वासी भायाऊँ भाईचारो अर प्यार-परेम राखो, परमेसर को मान करो अर राजानै ईज्जत द्‍यो।

भेजेड़ा चेला का काम 15:9

अर बिस्वासऊँ बाका हियानै धोर आपणा म अर बामै कोई भेद-भाव कोनी कर्यो।

1 यहून्ना 3:11

थानै एक दुसरा क सागै प्यार-परेमऊँ रेह्णो चाए क्युं क ओ चोखो समचार थानै सरू मई सुणायो गयो हो।

2 पतरस 1:7

अर भगतीऊँ भाईचारानै, अर इ भाईचाराऊँ परेमनै।

फलिपी 1:9

थारो प्यार-परेम सचा ज्ञान अर सई समज क सागै बोळो-बोळो बढतो जावै इ ताँई म अरदास करूं हूँ।

इफिसुस 4:3

अर मेळमिलाप का बंदणऊँ पबितर आत्मा को एको राखबा ताँई जोक्यु कर सको बो करो।

गलातियो 5:5

पण आपा पबितर आत्मा का दियड़ा बिस्वास की बजेऊँ परमेसर क सामै जीबा की आस देखां हां।

दरसाव 2:4

पण इब तेर म एक कमी ह अर बा आ ह क, तेर म मेरै बेली पेलो जिस्यो परेम कोनी रिह्यो।

1 पतरस 4:17

क्युं क बा घड़ी आबाळी ह जद पेल्या तो परमेसर का मिनखा को न्याय कर्यो ज्यासी; अर न्याय की सरूआत आपणाऊँई होसी जणा बाको काँई होसी जखा परमेसर का चोखा समचारनै कोनी मानी?

1 पतरस 4:8

अर सऊँ बडी बात आ ह क थे एक दुसराऊँ प्यार-परेम राखो, क्युं क परेम बोळा पापनै ढकै ह।

इबरानीआ 11:8

बिस्वास करबा की बजेऊँई जद अब्राहमनै बुलायो गयो हो, जणा बो हुकम मानर बि झघा कानि चाल पड़्यो जिको बो वारिस बणबाळो हो। जदकी बो कोनी जाणतो हो क बो कठै जार्यो ह।

इबरानीआ 9:14

ज अ बाता साची ह जणा मसी को लोय कतो सक्‍तिसाली ह। अर अजर-अमर पबितर आत्मा क जरिए बो खुदनै निरदोस चढावा क रूप म परमेसरनै चढा दिओ, अंय्यां करबाऊँ अर लोयऊँ आपानै बो, मोत क गेलै लेज्याबाळा कामाऊँ सुद कर दिओ जिऊँ आपा जीवता परमेसर की सेवा कर सकां।

इबरानीआ 6:10

परमेसर अन्याय करबाळो कोनी। क्युं क थारा कामानै अर परमेसर का मिनखा की मदद कर जखो परेम थे बिका नामऊँ दिखाया अर दिखार्या हो बिनै परमेसर कदैई कोनी भूलै।

2 कुरन्थीयो 6:6

म्हारी खराई, ज्ञान, थ्यावस, दया, सचो परेम, सच का समचार, पबितर आत्मा,

यहून्ना 15:17

जणाई म थानै हुकम देऊँ हूँ, क थे आपसरी म परेम राखो।

1 पतरस 3:1

जंय्यां दास आपका मालिक क बस म रेह्‍वै ह बंय्यांई ओ लूगायो, थे बी थारा मोट्यारा की मानो। जिऊँ ज कोईसी को मोट्यार परमेसर का बचन प नइ चालबाळो होवै जणा बिऊँ कोईनै क्युं बोलबा की जुर्त कोनी पण बो आपकी लूगाई का बरतावनै देखरई परमेसर का बचन प चालबा लागज्या।

इबरानीआ 5:9

बो सगळी बाता म निधान होर बा सगळा मिनखा ताँई जखा बिका हुकमानै मानै ह, जुग-जुग ताँई छुटकारा को आधार बणगो।

2 तिमूतियूस 1:14

पबितर आत्मा की बजेऊँ जखो आपणा म बास करै ह आ चोखी चिजा की रूखाळी कर जखी तनै सूपी गई ही।

1 तिमूतियूस 5:2

अर बूडी-ठेरी लूगायानै माँ जंय्यां अर जवान लूगायानै पूरी खराई क सागै भाण समजर बरताव कर।

1 तिमूतियूस 4:12

तनै कोई क सामैई निचो नइ देखणो पड़ै क्युं क तू जवान ह, पण बोली-चाली, चाल-चलन, प्यार-परेम, बिस्वास अर खराई म तू बिस्वास्या क सामै नमूनो बणज्या।

1 तिमूतियूस 1:3

जंय्यां क म मकीदुनिया जाती टेम तनै इफिसुस म रेह्बा ताँई बोल्यो हो, जिऊँ तू क्युंक मिनखानै आदेस दे क, बे झूठी सीख नइ देवै,

2 थिसलूनिकी 2:13

पण परबु का लाडला बिस्वास्यो, थारै ताँई म्हानै सदाई परमेसर को धनेवाद करतो रेह्णो ह, क्युं क परमेसर खुदकी पबितर आत्मा की सक्‍तिऊँ थानै बचार बिका पबितर मिनख होबा अर छुटकारा का पेला फळ होबा ताँई पेल्याऊँ टाळ लिओ ह, क्युं क थे सच प बिस्वास कर्यो ह।

गलातियो 3:1

ओ बावळो गलाति मिनखो, थानै कूण भंगरा दिओ? म थानै साप-साप बता दिओ हो, क कंय्यां ईसु मसीनै सुळी प चढायो गयो हो।

गलातियो 5:7

थे तो बोळी चोखी तर्याऊँ मसी को जीवन जिर्या हो। जणा इब थार म कूणसी बात ह जखी थानै सचाई प चालबाऊँ रोकै ह?

रोमीयो 8:13

क्युं क ज थे इ नसबर काया का सुभाव गेल जीओ जणा मरस्यो। पण ज थे पबितर आत्माऊँ काया का सुभावनै मार द्‍यो जणा जिस्यो।

रोमीयो 2:8

पण जखा खुदकी परवा करीं हीं अर सचनै कोनी मानी पण बुरो करीं हीं, बापै परमेसर की झाळ अर रीस पड़सी।

यहून्ना 17:17

सच क जरिए थे बानै थारी सेवा करबा ताँई पबितर करो। थारा बचन सचा हीं।

यहून्ना 15:3

अंय्यांई थानै मेरा खया प चालबा की बजेऊँ पेलीई पबितर कर दिओ गयो ह।

भेजेड़ा चेला का काम 6:7

अंय्यां यरूसलेम म परमेसर को बचन दिन-दिन फेलतो गयो। अर परमेसरनै मानबाळा की गिणती दिन-दिन बढती गई, अर घणकराक याजक बी ईसु प बिस्वास करबा लाग्या।

यहून्ना 17:19

म बा ताँई खुदनै पबितर कर थारी सेवा करूँ हूँ, जिऊँ सच क जरिए बे बी पबितर होर थारी सेवा कर सकीं।

याकूब 1:21

इ ताँई सगळा गंदा कामाऊँ अर च्यारूमेर फेलेड़ी बुराईऊँ न्यारा होर, नरमाईऊँ थारै हिया म बसेड़ा परमेसर का बचननै मानो, जखा थारी आत्मा को छुटकारो कर सकै ह।

1 पतरस 1:2

परम-पिता परमेसर पेल्याऊँ काँई ध्यार राखी ही बिकै गेलई थानै टाळ्यो ह। अर पबितर आत्मा थानै पबितर बणाई, जिऊँ थे ईसु मसी क खया प चालो अर बिका लोयऊँ सुद होवो। परमेसर की दया अर स्यांती थार प बणी रेह्‍वै।

1 पतरस 3:20

अ बा मिनखा की आत्मा ही जखी नूह का टेम म जद बो झाज बणार्यो हो बे परमेसर का कह्यानै कोनी मान्या पण परमेसर बा बेई थ्यावस राख्यो। बस आठ मिनख झाज म बड़्या अर पाणी म डूबबाऊँ बचाया गया हा।