1 पतरस 1:18 - जीवन को च्यानणो (सेकावाटी नया नियम की पोथ्या)

¹⁸ क्युं क थे जाणो हो क, थारो बेकार चाल-चलन जखो थारै बडकाऊँ चालतो आर्यो ह, बिऊँ थारो छुटकारो, सोना-चाँदी जंय्यांकी नास होबाळी चिजाऊँ कोनी होयो।

1 पतरस 1:18 Referans Kwoze

1 कुरन्थीयो 6:20

क्युं क परमेसर थारी किमत चुकार थानै मोल लिआ ह। इ ताँई थे थारी कायाऊँ परमेसर की मेमा कर्या करो।

1 कुरन्थीयो 7:23

परबु थारो मोल देर थानै मोल लिआ ह। इ ताँई मिनखा का गुलाम मना बणो।

तितूस 2:14

बो आपणा ताँई खुदकी ज्यान दे दिनी। जिऊँ बो आपानै सगळा पापऊँ बचावै अर आपानै सुद कर खुद ताँई अंय्यां का मिनख बणावै जखा भला काम करबा ताँई उतावळा रेह्‍वै।

गलातियो 1:4

परम-पिता परमेसर की इंछ्यानै पूरी करबा ताँई मसी आपणा पाप ताँई खुदनै मरबा ताँई दे दिओ जिऊँ आपा बुरी दुनियाऊँ छुटाया जावां।

इफिसुस 4:17

इ ताँई परबु का नामऊँ म थानै चेतार्यो हूँ क इब आगैऊँ परमेसरनै नइ ध्यारबाळा मिनखा की जंय्यां मना जीवो क्युं क बाकी सोच बुरी ह,

रोमीयो 1:21

परमेसरनै जाणता बुजता बी बे बिको परमेसर की जंय्यां आदरमान कोनी कर्यो अर नइ बिनै धनेवाद दिओ। बाकी सोच बेकार होगी अर बाका बेबुदी मन अँधकारऊँ भरगा।

1 पतरस 4:3

थे बिस्वास म आबाऊँ पेली परमेसरनै नइ ध्यारबाळा मिनखा की जंय्यां खूब जीवन जीआ हो। थे कुकरमी हा, अर थे थारी बुरी इंछ्या गेल चालता हा। थे दारू म धुत्त, मेफलबाज्या अर उदफेली म लाग्या रेह्ता हा। अठै ताँई क थे सूगली मूरतानै पूजता हा।

1 पतरस 1:7

ओ इ ताँई होयो जिऊँ थारो बो बिस्वास जखो आग म ताईड़ा नास होबाळा सोनाऊँ बी मेंगो ह। जखो ईसु मसी क परगट होबाळा दिन थारै ताँई बडाई, मेमा अर ईज्जत को कारण होसी।

1 कुरन्थीयो 3:20

अर “परमेसर ज्ञान्या का बिचारानै बी जाणै ह क बे ख्याई काम का कोनी।”

इबरानीआ 9:12

बो बकरा अर बाछ्या का लोयऊँ नइ पण खुदका लोयऊँ एकबर मई म्हापबितर झघा क मांयनै गयो। अर जुग-जुग को छुटकारो पक्को कर दिओ।

1 यहून्ना 3:5

क्युं क थे आ तो जाणोई हो क मसी मिनखा का पापनै धोबा ताँई आयो , अर आबी जाणो हो क बिकै मांयनै क्युंई पाप कोनी।

मरकुस 8:37

कोई चिज क बदला म मिनख खुदका पिराण दे सकै ह के?”